طلعت سيليا و خلاتهم
جواد:سيليا عندها الحق ا أمير اك كون تبقى عايش فالماضي راح تفسد حاضرك و تخسر مستقبلك
عداو اليامات يجريو عدى شهر على عرس سيليا و أمير لي كل يوم يتعلقو ببعضاهم اكثر سيليا فرحانة مع راجلها لي يحبها و يهتم باها و مدللها و هو فرحان بمرتو لي مهتمة بيه و قاعدة تحاول تحبو ابطالنا الكل فرحانين ميسان و قصي عايشين احلى قصة حب قصي قاسم نهارو بين الخدمة و امو و ميسان و ميسان قاسمة نهارها بين مدام حليمة و قصي مع وجود مريم لي سهل علاها كلش لي حتى هي بدات تحس بمشاعر تجاه ياسين و حتى هو ثانا بصح واحد ما صارح الثاني حتى جا النهار لي راح بقلب كلش قصي كان مادي أمو للطبيبة تاعها باه يطمنو على حالتها أكثر بعد التحسن لي هي فسه رجعت تحكي عادي بصح مزالت متمشيش كان يسوق عادي امو بحداه و لورا قاعدين مريم و ميسان حتى تضربهم طونوبيل من لورا و يحصروه ثلاثة اخرين وحدة من القدام و وزوج على الجناب هبطو الرجال بالسلاح قصي كلن خايف عليهم اكثر من روحو كانت سيارتو مدرعة يعني ضد الرصاص طاحو عليهم الرجال بالرصاص كي المطر و القزاز بدا يتشقق قصي عيط لياسين باه يجيبلو الدعم لي مستحيل يوصللهم لانهم هجمو على كل مراكز الشرطة
ميسان: قصي راح يقتلونا قصي كيفاه راح نديرو
قصي: واحد ما ينجم يمس شعرة من راسكم مدامني هنا
قصي ما لقى باها وين الطونابيلات باقين و يكثرو و الرجال محاوطينهم من كل بلاصة لقزاز بقاتبو شوي و يتكسر حتى يشوفو فيهم بداو يطيحو كي الذبان و يسمعو فاصوات رصاص كانو واحد قاعد يدافع عليهم قصي فرح عرف انو صحيبو مش راح يخلاها بيه حتى يشوف فشي مكانش متوقعو خوه هو لي جاي يحامي عليه واقف هاز سلاح هو و رجالو و يقتلو فيهم جاهم للطونوبيل طلب من قصي انو يهبط الكارو
أمير: متخافوش انا هنا مدامني حي واحد ما ينجم يقيسكم
جبد سلاح من ظهرو و عطاه لقصي جا خارج مخلاهش يجي معاه
أمير: اقعد هنا معاهم باه ما يخافوش و انا ضرك ندبر راسي مع الكلاب هذوم
و هكاكا كان قتلهم الكل ورجعلهم متصاوب فكتفو
أمير: لباس يخي ميسان مريم لباس
خزر فامو لي كانت مرعوبة و خايفة على ولادها و مهبطة راسها و قافلة ودناها و تبكي قلبو تقسم كي شافها تبكي هكاك قصي نحالها يداها كي شافاتة حي حضناتو طول
مدام حليمة: خفت نخسرك مرة اخرى
بعدت عليه تبوس فيه و تحضن
مدام حليمة: قصي لباس ولدي تقستي؟ خفت والله خفت تصرالك حاجة
أمير فاللحظة هذيك قلبو تفتفت يعني خايفة على لي بحداها و مخافتش على لي لبرا فوصت الرصاص دموعو مقدرش يحكمهم
أمير: قصي متروحوش للدار ام هجمو علاها
خرج قصي يحكي معاه لبرا
قصي: ضرك نشوف دار آمنة
أمير: ارواحو لداري ميخصك والو دار خوك دارك و رجال خوك رجالك
قصي تأثر باها الجملة هذي حضنو طول
قصي: ياريت عرفتك قبل
أمير: سامحني طول عمري تربيت على اني نكرهك و غاير منك بصح هذا مش ذنبك ذنب لي جابوني
دار عطاه بظهرو يمسح فدموعو دورو قصي عندو و علود حضنو
قصي: عمرك ما تعطي خوك بظهرك اني هنا خوك لكبير ابكي و انا نمسحلك دموعك ماتحط والو في بالك كلش ينجم يتصلح
راح قصي لرجالو يفهم فيهم خدمتهم و امن الطريق و قصي رجع لطونوبيل تيعو
قصي: اهبطو رايحين
مدام حليمة: وين ولدي
قصي: لدار امير
مدام حليمة: منروحش علاه نروحو عندو نروحو لدارنا هيا ولدي
قصي: دارنا هجمو علاها و خطر عليكم نعيشو ثم و حاجة اخرى حتى هذيك دار ولدك
مدام حليمة: مشو ولدي منروحش للدار هذيك
أمير سمع هضرتها لانو كان وراه غاضاتو روحو اكثر و اكثر من امو لي جاباتو و تكرهو
أمير: قصي ما تسيفش على امك داري آمنة و تنجمو تعيشو فاها انا ضرك ندي سيليا و نفكرو دار اخرى ساااامر
جاه سامر يجري
سامر: انعم بوس
أمير: تبقى مع قصي ما تتحركش من بحداه وصلو للدار لكبيرة و قول للدراري يوجدولي دار الجبل ليا و سيليا
قصي: لا مكانش روحة كلنا راح نقعدو فدار وحدة
و دار لامو خزر فاها
قصي: و منحبش نقاش
هزها بين يديه و رايح يحطها فطونوبيل تاع امير هو هكاك و تجيه رصاصة من بعيد بصح خوه كان كي الدرع ليه دا الرصاصة في بلاصة خوه و طاح عند رجليه
قصي حط امو فالطونوبيل و دار لامير هزو من الارض و ركبو معاها من لورا و ركب هو و ميسان من القدام و سامر لاحق وراه معاه مريم و رجالو الكل وراه ديماراو للسبيطار قصي حرق الطريق أمير كان راصو على صدر امو و هي تبكي
أمير: ممعششتشش مععاك بببصصح رراحح ننمموت ففححضنك
هذي كانت اخر جملة قالها و داخ
قصي عيط لسيليا و قلها تلحق للسبيطار راح سامر جابها لانو كاين خطر عليهم الكل وصلت لقاتهم الكل ثم راحت لقصي تعاتب فيه
سيليا: وعلاه مدافعتيش على خوك علاه خوك يحارب فالموت و انت كنتي حاكم بلاصة و تتفرج عليه
راحت لامو تلوم فاها
سيليا: كل همك قصي قصي قصي لا عمرك نهار قلتي امير لا نهار خممتي فيه هربتي و خليتيه يعاني عجال قصي علاه امير مش ولدك مجبتبهوش من كرشك مشو لحمك و دمك علاه ديما تميزي قصي قصي لي منجم يدير والو و امير هو لي منعكم بفضل راجلي انتم الكل حيين و بفضل راجلي ولدك حي الرصاصة لي داها راجلي كانت جاية تقتل ولدك فرحانة ضرك؟ قوليلي فرحانة انو أمير هو لي راح يموت و تتهناي منو
جبدها قصي يهدي فاها
سيليا: سيبني كلكم تكرهوه كلكم متمنيلو يموت شهر كامل واحد ما فاكر فيه كملتو حياتكم عادي كانو مكانش امير امك نقولو موالفة عمرها كامل مش مهتمة بيه و انت انت وش علمتي انو عندك خوك و ما جيتي شفتيه لا فاكرتي فيه كملتي حياتك عادي خوك لي امك خلاتو عجالك ليوم ملغري تكرهوه جا يحامي عليك منعلكم حياتكم خوك لي مجيتيش ترضيه و تقول خويا صغير نجبدو ليا ليوم دا رصاصة عجالك خووو
طاحت داخت هزها قصي دخلها لبيت و عيط للطبة يشوفوها وش باها
الطبيب: المدام دارلها انهيار عصبي عطيناها مهدأ خليوها ترتاح بربي انشاء الله بعد ساعتين تفيق
قصي: ميسان ابقاي انتي مع سيليا و انا ضرك نبقى برا مع ماما
بعد ساعتين فاقت تحس فروحها ديقلة عينيها بسيف تحل فيهم قابلها طول ضو ابيض قاوي
ميسان: سيليا سيليا
فاقت مليح قعدت تستوعب هي وين و وش لي صرا حتى تفكرت انو حبيبها و راجلها بين الحياة و الموت خرجت طول و ميسان تحكم فاها
سيليا: قصي ااميير وين راجلي وين
قصي: مزال فالعمليات ادخلي ارتاحي كي يخرج نقلك الطبيب قال لازم ترتاحي
سيليا: لا نسنى راجلي
هوما هكاك و خرج الطبيب
الطبيب: حالة المريض شبه مستقرة بصح لازملو دم لانو خسر دم ياسر شكون فيكم دمو Ab سلبي
سكتو الكل لانهم مش زمرة دمو
قصي: ماما مديلو انتي كيفو
قعدت ساكتة مجاوباتوش
قصي: ماما نحكي معاك
سيليا: ربي يعيشك مديلو سينو يموت ربي يعيشك مديلو منعيه
بقات ساكتة قصي حار فامو كيفاه تنجم تكون بالقسوة هذي رغم لي دارو عجالهم الكل و مش راضية تمنعو
بقات سيليا تحاول فاها حتى جا جواد يجري
جواد: سيليا نوضي
سيليا: محبتش تمدلو
جواد: انا نمدلو انا و أمير نفس زمرة الدم متخافيش نمدلو كون يبقى فدمي قطرة نمدهالو
راح جواد يجبدو منو الدم قصي قاعد فالكرسي منجمش يستوعب كره امو لولدها
سيليا: كنت حاطة انو ماما هي ارخس وحدة فالدنيا لانها طيشت بنتها عجال نتشة صوارد بصح طلعت غالطة هاو ضهر كاين ما ارخس منها
بعد ساعتين فضت العملية و خرجوه لبيت عادية و قعدو يسناو فيه يفيق بدات تتحسن حالتو بالشوي حتى فاق بعد 5 سوايع فاق يلقى فاها حاكمة يدو و تبكي
أمير: أميرتي علاه تبكي
نسات روحها اول ما سمعت صوتو و حضناتو طول لرح باها خلاه ملغري توجع فيه بصح حضنها دواء بالنسبة ليه جا قصي يجبدها مخلاهش حتى بعدت وحدها
سيليا: سامحني نسيت بلي مريض وجعتك؟
أمير: لا موجعتينيش
قصي: وش حوالك وش تحس فروحك
أمير: لباس مدام مرتي و خويا معايا وش يخصني
دخل الطبيب لقاهم عندو
الطبيب: على سلامتك سي جواد جبدنا الرصاصتين لي فكتفك و عملنالك عملية نقل دم مدابيك تريح روحك الشهر هذا ممنوع تتحرك ياسر ولا تستعمل يدك بشكل مفرط مدام ممنوع يعمل اي حركة اي ريسك عليه يتحل الجرح نورمالمو فهمتيني(قصدو على🔞)
حشمت مسكينة خرج الطبيب و خلاهم
أمير: شكون تبرعلي قصي ماما تبرعتلي؟ لانو زمرة دمي كيف زمرة دمها اكيد هيا
سيليا: جواد لي تبرعلك
أمير: علاه ااا صح هي مريضة اكيد ريسك علاها تتبرعلي
قصي دموعو سبقوه يشوف فخوه لي قلبو ابيض ملغري عرف انو مش امو لي تربعتلو و محبش يسيء الظن باها و يبررلها فالوقت لي هي رافضة حتى تمنعو من الموت
سيليا: لباس باها محبتش تمدلك ملغري حاولتها انا و قصي بصح محبتش تتبرعلك
أنت تقرأ
جعلوني عاهرة بين يديه
Romansa[ قيد الترجمة للعربية الفصحى ] 📜انا اليتيم انا المحروم📜 📜أنا الحي أنا المرحوم📜 📜أنا المنسي انا المهموم📜 📜أنا العاشق أنا الكتوم📜 📜أنا الجميل أنا المذموم📜 📜أنا الملام أنا المظلوم📜 📜أنا الطاهر أنا المسموم📜 📜أنا البريء أنا المسجون📜 📜أن...
