جعلوني عاهرة بين يديه

Part: 10

راح شادي و رجع بعد مدة خفيفة فيدو صندوق متوسط الحجم اسود يتحل برمز سري
سي ساليم: عيد ميلادك 16-04-1971 ياخي شو
كتب سي ساليم فاللوحة الإلكترونية لي فالصندوق الارقام نفسها تحل خرجلها منو صور ياسر ليه مع راجلها و صور لاها هي و قصي من بعيد
سي ساليم: كنت معاكم انتم برك مش فايقينلي و بعد موتك انتي و رشدي قررت ننتقم من مراد اكيد الفترة هذيك شفتيه متغشش انا ثما حرقتلو كل مصانعو و سافرت عشت فألمانيا حتى لاقاتني الصدفة بعليا و الباقي معروف
قصي: يعني أنت خالي و سيليا بنت خالي
سي ساليم: اه ولدي انا خالك
سيليا: يعني انا ضرك مزوجة بولد خالي؟
سي ساليم: لاه هذاك راجل يقولو عليه النا
هو مكملش هضرتو و يجيه كف غير متوقع و الكل تصدمو كي شافو شكون ضربو مدام حليمة متحملتش اهانة ولدها و ظلم كل الناس ليه السنين هذي للكل وقفة على رجلاها و عطاتو كف خلات الكل مصدومين
مدام حليمة: لي قاعد تقول عليه مشو راجل يحبك بنتك اكثر من روحو بعد علاها امها لي كانت تعاملها كي القحبة لي تلملها صوارد حطها فقصرو ويعانل فاها معاملة الملوك لملكاتهم ميحملش فاها دقة الشوكة كنت كي نبخصو انا يحمل بصح كي نبخصها هي يقلب الدنيا ولدك يحبك بنتك لدرجة انو مداش حقوقو منها و مخلاها على راحتها ملغري عندهم فايت شهر عرس ولدي لي قاعد تقول عليه مشو راجل كون بنتك ضرك تقلو موت يهز سلاحو و يموت و هو يضحك لي مشو راجل يحبها اكثر منك فالوقت لي انت و امها مكانكمش ولدي عيش بنتك احلى عيشها فشهر برك عوضها على حرمان سنين لي مشو راجل وحدو منع اختك و خوه و مرت خوه من الموت و تصاوب فبلاصة خوه و جابنا لدارو ولدي لي تحرم من محبة امو و باباه عيش بنتك عيشة خلاها تنسى انو عندها ام و اب كان لاها الاب لي يحماها و الام لي تخاف علاها و الخو لي واقف فظهرها و الراجل لي يحبها و البيبي المحروم بين يداها كان انت عادي تقتل الناس و تبكاها غير باه تداها معاك ولدي انا يقتل روحو غير باه يشوف ضحتها هز خماجك و اخرج من دار ولدي لا نخليه ينعتلك كيفاه يكونو الرجال
جا ساليم رايح حبسو أمير
أمير: شو سي ساليم عبالي تكرهني لانو بابا حرمك من اغلى الناس عندك بصح انا مشني هو انا ثانا عانيت منو عذبني و حرمني ماما عيشني فجحيم شو بنتك اي هنا فالحفظ و الصون و حتى اختك هنا و كيما انا مرحب باختك و ببنتك مرحب بيك ثانا تنجم تجي وقت ما تحب تشوفهم حتى كان تحب تعيش معانا هنا مكانش مشكل انا مدابيا سيليا تتعوض و تعيش لي فاتها مع باباها
جات مدام حليمة دوراتو و عطاتو كف
مدام حليمة(تحكي و تبكي): لوقتاه تبقى بوهالي هكا اه قول لوقتاه سيليا حبيتاها و رفضاتك و سامحتاها و معيشها سلطانة خوك لي عشتي فظلو حياتك كاملة طلبتي منو انت السماح و ديتي رصاصة فبلاصتو انا كرهتك و عايرتك و ما هتميتش بيك طول عمرك و رفضت نتبرعلك فالوقت لي انت بين الموت و لحياة و جبتيني لدارك و عززتيني و انا ديما نعاملك مش مليح و هكاك تحبني ساليم جاي يخطف منك مرتك و رخسك و قال عليك مش راجل و كان راح يقتلك و سامحتيه لوقتاه راح تبقى قلبك ابيض هكا و الناس يستغلو فيك لوقتاه او مهما نديرو ما نوفيوكش حقك وليدي انا صح كرهتك بص والله كنت نحبك على الاول كنت كارهاتك بصح اول ما تحركتي لكرشي حبيتيك و عشنا احلى 5 شهور بصح بعد ما ولدتي باباك تبدل و ولا يضربني و يعذبني و ينعتلي فتصاور قصي هذا الشي لي خلاني نكرهك بصح والله ما نكرهك لدرجة نتمنالك الموت كي كنا فالسبيطار منجمتش نتبرعلك بقيت ساكتة مع انو زمرة دمي نفسها و كلهم تعتبرو اني حاباتك تموت بصح لا ولدي انت اول ما ولدتي درنالك عملية و طلبو دم و تبرعتلك بصح بسبب اني كنت نشرب فدواء و انا حاملة بيك و حبيت نطيحك دمي خمج و ربي برك محبش و منعتي بسيف و الطبيب منعني انو مهما يصرا حتى و تكبر مانمدلكش كون حتى قطرة من دمي كون تبرعتلك اك موتي انا الله غالب كنت كل ما نشوف وجهك نتفكر مراد و عذابي معله منجمتش نحبك بصح والله قلبي تقطع عليك كي كنتي فالسبيطار بصح مبينتش حبيتك تكرهني و تبعد عليا بصح انت بمعاملتك الملاحة ليا خليتي كره مراد لي فقلبي يروح و يجي فبلاصتو حبي ليك سامحني وليدي عشتي عمرك كامل محروم من كلمة ولدي و حناني ليك بصح والله نوعدك منا و جاي حاجة ما راح تمنعني نقولك ولدي نوعدك ولدي والله ما بقيتي تتحرم من حاجة
دارت جيهة ساليم و تحكي
مدام حليمة: و لي حاب يحرمك خليه يجرب تراه و يشوف
سيليا: شفتي الفرق بيناتكم؟ هذا هو الراجل لي حبيتو و يحبني صح غير كي عدتي الراجل لي جابني فالدنيا(مش حابة تقول بابا) صابر على كلامك ليه و مسامحك عجالي باه ما نزيدش نتحرم من الابوة تيعك
سي ساليم: سامحني أمير ولدي غلطت فحقك ياسر بصح حاول تفهمني انا عشت محروم منها سنين هذي كاملة و هي رافضة تعيش معايا