جعلوني عاهرة بين يديه

Part: 09

عداو يومين على آخر مرة شافو فاها سيليا و أمير كلش كان يطلعلهم للبيت ميخرجوش منها يسمعو غير فصوت ضحكهم و الغناء
قصي: لاااا نطلعلو يزي
ميسان: اولدي عرسان جدد
قصي: حتى حنا عرسان جدد
ميسان: قصي عندنا شهر و نص
قصي: جاتك ياسر يعني انا مدخلنيش طالعلو
ميسان: خلي الراجل زاهي مع مرتو علاه تحرم عليه
خلتها صحراء و طلعلو طبطب قريب كسر الباب حل عليه امير شايخ و يضحك ضرسة لعقل تبان من الفرحة لابس بيجامة على شكل دب قصي مات عليه بالضحك
قصي: ههههه وشبيك اولدي رجعتي بيبي
أمير راحت الضحكة من وجهو و عينيه رغرغو
أمير: ههه كي كنت بيبي كنت كي الكلب مش كيف الدب
قصي: سامحني خويا مش قصدي نحيرلك لمواجع
أمير: معليش معليش خوك موالف اهاه
قصي: هاه
أمير: هاااه
قصي: وش
أمير: وشي لي وش انت لي جيتي
قصي: جيت نشوفك حرام؟
أمير: لا مرحبا ادخل
قصي: لا اخرجلي انت من الzoo تيعك هذي و البس حاجة تصلح و الحقني
أمير: علاه وش كاين
قصي: حقا البس حاجة سبور
أمير: راح نوترينيو؟
قصي: تقدر تقول
لبس امير و راح قصي حتى هو بدل و لبس سبور بعد نص ساعة هبط امير لقاه عاملو ستاد صغير فالجنينة و لقى سامر لابس كي الحكم اصفر بالاكحل و ياسين و قصي لابسين لكحل قصي نيمرو 2 و ياسين نيمرو 23 و جواد لابس ابيض نيمرو 16
قصي: نحي هذاك و البس تريكو ابيض لي فيه 10
أمير: ههههه راح نلعبو بالون؟
قصي: تحكي ياسر
أمير: منتيك
ميسان: اه يا سلفي وش خايف تخسر
سيليا: هههه حبيبتي راجلي عمرو ما دخل حاجة و خرج منها خاسر
ميسان: ههههه خوك تعرفيه ميحبش لخسارة
سيليا: على قداه نتخاطرو
ميسان: الرابحة طيب لعشاء سمانة
سيليا: تفاهمنا
أمير: هههه اميرتي انتي عضمة متعرفيش تقلاها
سيليا: واثقة فيك اقلبي بلي راح تربح
قصي: ملغري ميسونتي ماكلتها عسل بصح مدام قالت حنا راح نربحو يعني حنا راح نرحو
مريم: هههه لبنات منيتكم
ياسين: علاه لا انتي مع شكون
جواد: اااا مريومة اكيد معانة يخي
ياسين قلق منو سرتو انو فالترة لخرة ولاو قراب لبعضاهم ياسر و بدا يغير منو و خايف يقفزلو باها
مريم: انا مع الرابح
ياسين: لي هو حنا
قصي: هاي لهضرة
سامر: نبداو؟
حكمو قصي من الكول و خزر معاه بخزرة تاع موت
قصي: شو تجرب تحايل معاه لانو البوس تيعك عينيك نجبدهوملك
سامر: هههه سي قصي علاه العنف اني طرف حيادي و مسالم انا
بداو الماتش كل وحدة تشجع فحبيبها غير مريم لي غير تسرفق برك وصلو للتعادل 3-3 فض الشوط الاول راح كل واحد بحدا مرتو يلمو شوي انارجي من عندهم
سيليا: شو أميري كون تربح عندي ليك كادو يهبل
أمير: ممم وش هو
سيليا: بمبينو صغيرون
أمير عينيه تحلو ضرك بسيف عليه يربح لانو من نهار زوجو صح يحبو بعضاهم يبوسها و يحضنها و رقدو كيف كيف بصح ما صرا والو بيناتهم فالوقت لي سيليا استعملت الاغراء ميسان استعملت حاجة اخرى خلاه😂
ميسان: شو قصي والله ياو تخسر لا بتاها بحدايا هاو نقلك
قصي: لاااا لحكاية ولات فاها مبات لازم نربح مالا
سامر: هيا يا جماعة فضت الاستراحة
رجعو يلعبو و مرة اخرى فض الماتش بالتعادل 5-5
أمير: و كيفاه ضرك
قصي: ساهلة خلاه ركلات ترجيح
أمير: باهي
سامر: كل واحد عندو الحق ف 5 ركلات و
قصي: عبالنا عبالنا معلوماتك خلاها عندك تقول جامي لعبنا بالون ولا تفرجنا ماتش
بداو بدا قصي هو لول سجل 2و 2و لا و امير سجل 2 و وحدة مسجلهاش لعب امير زاد مسجلش جا يهز راسو يلقا امو تتفرج من لفوق و فرحانة كي مسجلش و كي لعب قصي و سجل فرحت كانو ثما 3-2 جات دالتو خزر فاها حس انها قاعدة تتمنى يخسر حتى سمعها تعيط على طول صوتها
مدام حليمة: قصي قصي قصي هكاك ولدي نستعرف بيك
امير فاللحظة هذيك غاضاتو روحو خلاه نحا التريكو و دخل للدار جات تلحقو سيليا مخلتهاش قصي و لحقو لقاه فغرفة التمارين يبوكسي
قصي: أمير
أمير: متقولي والو يرحم باباك فكلش زحي فكلش تميزك عليا حتى فلعبة متمنيتلي نخسر و تربح انت علاه زحي بعد لي عملانو فيا كل و نعاملها مليح و هكاك و تكرهني علاه قلي برك فاه خير مني انت وش عامل لامك باه تحبك قلي برك ضرك ندير كيفك
قصي: اولدي شو لي بيناتكم منجمتش نفهمو انت تحبها رغم لي عدا جرايرها كل و هي تكرهك ملغري مدرتيلها والو شو خويا لعزيز هي اي ماما و انت خويا انا اني قاعد نحاول نصلح بينكم بصح كلن منجمتش نحبك متتغشش ياخي انت عشتي حياتك كاملة بلا باها كمل ضرك بلا باها بصح الفرق الوحيد انو ضرك عندك خوك معاك مدخلكش فاها الله لا حباتك انا هنا اك عندك خوك يحبك مرت خوك تحبك لمرا لي تحبها حتى هي تحبك صحيبك يحبك حتى ياسين و سامر يحبوك انساها نحاها من بالك خلاه اعتبرها مرت باباك مش امك
حضنو أمير و تفلق بالبكاء
قصي: هيا هيا يزي بلا نديب نوض تراه نعتلي عضلاتك
ناض أمير يضحك و يمسح فدموعو
قصي: فكنا من حلوم قلي وش حوالك ا لعريس
أمير: لباس
قصي: هات الرسمي وش فريتو اموراتكم؟
أمير: هانا وحدة وحدة
قصي: حابها تحبك سح مش لانك راجلها
أمير: هاك فهمتيني
قصي: فاهمك فاهمك حاط انا ميسان ديتها بالساهل حتى هي مكانتش تحبني قعدت شهر باه قدمتلها
أمير: تحكي صح
قصي: والله علاه نكذب عليك
أمير: هانا طلعنا كيف كيف مالة
قصي: انت دللها برك و عاملها مليح و احترمها و قدرها و ضرك وحدها وحدها تحبك زيد الزين هذا كامل ميحبوهش الناس يابو لعيون الخضرة قلي لشكون طالع عينيك هكا
أمير عبس وجهو مرة اخرى
أمير: لبابا نشبهبو ياسر
قصي فهم علاه امو تكرهو و متحبش تشوفو لانو طالع كيما باباه حتى لو حاولت تنسى كي تشوفو تتفكر
قصي: اوووو اقعد كي لبيبي وش نقلك تتغشش اولدي الدنيا فانية طيش عليك عندك مريتك بالدنيا و مافاها متقلق روحك بحتى واحد و عندك على سيليا تجيني تشكي او تقتلك
أمير: متخافش خوك راجل
قصي: عبالك بيزار شوي انت خويا و هي اختي تجيني بيزار كشغل خاوة مزوجين😂
أمير: بعيد الشر
دربو شوي ثما و خرجو للجنينة لقاو لبنات يلعبو فبالون مع ياسين و جواد و سامر حكم قصي كي شاف ميسان تصتي و تلعب راحلها هزها طول
قصي: مش مليح ليك ابنتي انا بسيف نسنا فيك ترتاحي و انتي تلعبيلي فالبالون
قصي كان خايف على ميسان لانو جرحها جديد على عكس امير لي غار من قرب صحيبو لمرتو لانهم لعبو ياسين و ميسان ضد جواد و سيليا لي اول ما سجلت حضناتو بلا قصد راح حكمها من يدها يكركر فاها حصرها مع الصونصير حكملها فمها بيدو وجعها خلاه
أمير: انطقي
سيليا: أمير توجع فيا
جاه قصب يعارك
قصي: نحي يدك من فمها اك توجع فاها
أمير: قصي مدخلش روحك بيني و بين مرتي
قصي: مرتك اختي
أمير: قصي تعيش خويا مدخلش روحك
سيليا: اممير توجع فيا
قصي: امير سيبها
أمير(يعيط): انطقي
سيليا: نحبك أمير
تحل الباب دخل و دخلها معاه و قفل الباب قصي قعد يعيط عليه والو طلعلو للبيت لقاها فارغة فهم انو مزالو فالصونصير امير كان محبسها
أمير: مالة تحضني فيه اه
سيليا: مش قصدي والله
أمير(يعيط): كيفاه مش قصدك كيفاه
يعيط و يخبط يديه فالحيط و هي ترجف قدامو مالخوف حضناتو و تفلقت بالبكاء
سيليا: مممش ققصصدي وووالله مماللففرحة ببرك ححضنتو بباه ننكون اننا ررابحة عللى مميسسان وو نففرححك اننو ررربحنا ععليهم
أمير قلبو تفتفت كي حضناتو و تحكي و تبكي بعدها عليه يمسحلها فدموعها و يبوس فعيناها
أمير: سامحيني أميرتي والله مش قصدي نوجعك ولا نخوفك اني الله غالب منحب حتى ذكر يقدملك الله غالب نغير عليك سامحيني والله أول و آهر مرة نهز يدي عليك سامحيني كنت متغشش من ماما و زدت غرت عليك كي شفتك محضناتو جيت فرغت غشي فيك سامحيني أميرتي وش تحب أميرتي نديرلها باه تسامحني
دارتلو براسها لا قصدها منحب والو
أمير: وجعتك ياسر
سيليا: اه🥺
ولا يبوس فيدها وين كان حاكمها و خدودها
أمير: والله ما بقات تتعاود سامحيني أميرتي نقلك حاجة اضربيني فرغي غشك
سيليا: خلي برك
أمير: يا تضربيني انتي يا نروح لقصي نخليه هو لي يضربني و نزيد نقلو اني ضربتك
جا راح يرص على البوطون لي يحل الباب حكمتلو يدو
سيليا: باهي مش راح نضربك بصح نقدر نعاقبك معليش ياخي؟
أمير: تأمري أمر
سيليا: باهي هيا نطلعو لبيتنا سح
طلعو لل بيت اول ما وصلو حكملها يداها و حضنها
أمير: وش هو عقابك؟
سيليا: كاين زوج و انت خاير
أمير: قابل من ضرك بلي تحبيه
سيليا: لا لازم تخاير
أمير: باهي
سيليا: يا تبقى سمانة تبات فالصالة
أمير: قابل ب الثاني
سيليا: اسمعني سح
أمير: لا لا قابل بيه الثاني بلا ما نعرفو
سيليا: باهي الثاني دير ليبومب 100 مرة و انا فوق ظهرك
سيليا كانت حابة تشوف ردة فعلو لانو جرحو مزال جديد حبت تشوف شكون اهم عندو هيا ولا صحتو
أمير: ساهلة
هبط للارض و سلها جات قاعدة فوق ظهرو و بدا يدير ليبومب ناظت هيا طول
سيليا: امير حبس ضرك يتحل الجرح اني كنت نتمسخر برك نوض امير نحكي معاك
ماجاوبهاش و بقا يدير فليبومب و مهما حاولت تنوضو محبش ينوض
سيليا: يا أمير والله نتمسخر نوض ضرك يولي كتفك يوجع اني حبيت نشوفك برك تخايرني انا ولا تخاير روحك
ناض عينيه حمر لسقها مع الحيط
أمير: انا ديما نخايرك انتي كنت نخايرك و ضرك نخايرك و راح نبقى نخايرك عمري كامل قاعدة تختبري فحبي ليك مالا باهي
نحا التريكو و ضرب كتفو بدبزة ولات تبكي
سيليا: امير يزي ربي يعيشك والله نتمسخر والله عبالي تحبني اكثر من روحك حبيت نسمعها برك
أمير: يعني شاكة فحبي ليك باهي
جا خارج حكماتو تحضن و تبوس
سيليا: سامحني والله مش قصدي نشكك فحبك لي
أمير: لا باين
سيليا: يعني مش ناوي تسامحني
قفل هز  حواجبو و دار ابتسامة صفرة و حرك راسو على شكل لا
سيليا: اييي و تدلل ثانا
حط يديه فمسلانها و جبدها ليه
أمير: كي ما ندللش على مرتي على شكون ندلل على بنت الجيران
سيليا: جرب ديرها
أمير: امم وش حا ديري
سيليا: نوكلك هاني قتلك
أمير: اني انا لي راح نوكلك
تلاح علاها يبوس فاها و هزها حاوط مسلانها بيديه و هي رجلاها محاوطينو حطها فالسرير و كان هو فوق منها كلاها ماكلة شبعها بوس قد ما يبوس يقول مشبعتش و هي مكانتش من العاكسين و علاه تكون من العاكسين هي ضرك بين يدين راجلها لي يحبها اكثر من روحو و يخاف علاها من نسمة الهواء لي صبر علاها و مغصبها على حتى حاجة فاللحظة هذيك كانو توحدة ارواحهم ولاو روح وحدة فجسدين نساو الدنيا نساو مشاكلهم نساو رواحهم و عاشو اللحظة مع بعضاهم عاشو اللحظة لي يسناو فاها و لي جامي تتعوض لزوج نساو رواحهم و يخممو فلي معاهم من جهة امير لكان يسايس فاها و خايف علاها و مش حابها تتوجع و من جهة هي لي خايفة يتحل جرح كتفو الحمدلله فرج ربي ملك حبيبتو و كان هو اول واحد يحط يدو علاها و بالحلال صبر صبر و نالها خلاها فالسرير و راح دوش راح و خلاها سارحة فعالمها الجديد عالم فيه غير هي و راجلها و ما يهمها فحتى واحد معبالهاش بلي كاين شكون حاب يدخل لعالمها و يكون جزء منو قاعد فبيرو حاط، جل فوق رجل و سيقار كبير في فمو يدور فكرة ارضية 🌍
شادي:بوس لقيناها سيبون
سي سالم: وين
شادي: فالجزائر
سي سالم: اخيرا لقيتك يا سيليا ما بقات حتى حاجة تفرقنا نوعدك الحمدلله ليقتك بعد السنين هذي الكل لقيتك راح نعيشو مع بعضانا غير انا و انتي برك شادي ازرب وجدلي طيارتي و نحب كولش يكون مثالي هنا لاستقبال عزيزتي سيليا قلهم يوجدولها احسن بيت فالقصر و يزينو القصر كامل ااالاه سيليا اخيرا لقيتك
شادي: احم بصح بوس كاينة مشكلة
سي سالم: وش
شادي: مدموزال سيليا مبقاتش مدموزال يعني زوجت
اول ما سمع خبر زواجها عينيه حمارو ناض حكمو من الكول و يخبط فيه على الحيط
سي سالم: كيفاه كيفاه تخليوها تزوج
شادي: بوس ليوم وين لقينا بلاصتها و عرفنا بلي زوجت عندها شهر
سي سالم: وش شكون لهامل هذا لي زوجت بيه
شادي: جواد بن علي
سي سليم: ولد حسان؟
شادي: هو بالذات
سي سالم: ههههه متخبية مني و شو شكون مزوجة وجدلي طيارتي
راح شادي يعمل التجهيزات و خلاه غارق فتفكيرو كان يخمم فاها و يحاول يتخيل فشكلها كيفاه راح يكون و هي لابسة روب عرس بيضاء و تنعتلو فاها و تكون كي الاميرات هي اصلا اميرة فعينيه تبسم مبعد تفكر بلي زوجت و زيد شكون زوجت واحد باباه مافيا
نرجعو لابطالنا لي غفلنا عليهم شوي كانو قاعدين فالجنينة قاعد و مقعدها فحجرو يوكل فاها فالفاكية كي البيبي حتى حست انو خواطرها دارو و كرشها توجع دخلت طول راحت تقيات لحقها يجري خايف علاها
قصي: ميسان وشبيكي لباس؟ نديك للسبيطار؟
ميسان: لا لا لباس خواطري دايرة برك
هيا هكاك جات دور باه تحكي معاه و طيح دوخ ثما قصي فشل سيبون مبقاش فيه مات بالخوف علاها هزها و هبط يجري باها طار باها للسيبيطار دخل كول يعيط
قصي: وينو الطبيب وينو الطبيب مرتي داخت
جاوه الطبة مخلوعين يعرفوه شكون و يعرفو كان قلق وش ينجم يدير فيهم دخلوها لبيت عدات ساعة دارولها كل التحاليل و الفحوصات اللازمة
الطبيبة: مبروك مسيو قصي مبروك مدام ميسان
قصي: مرتي فالموت و هي تقلي مبروك
الطبيبة: ههههه متقلقش روحك مسيو قصي المدام لباس باها و عادي لي صرالها
قصي: كيفاه عادي انا قاعد نقلك تقيات و داخت و انتي تقوليلي عادي
ميسان فهمتها و ماتت بالفرحة و حضنت قصي و تفلقت بالبكاء
قصي: متبكيش ضرك نديك لاحسن طبيب فالدنيا متخافيش اني هنا هيا نديك لسبيطار اوخر
الطبيبة: ههههه مسيو قصي والله المدام لباس باها بصح كون تبقى قالق هكا هي و البيبي راح يتقلقو
قصي: بيبي؟ وش من بيبي؟ معندناش بيبيات حنا
ميسان: هههه باردون حكيمة راجلي سعات مخو يديكلونشي ههههه ا بهيم قصدها انو انا بالكرش راح يولي عندنا بيبي
قصي: اه وشيا قولي والله تحكي صح
ميسان: هههه نكذب
قصي: قولي والله تحكي صح
ميسان: والله
هزها و دار باها و يعيط
قصي: يااااااا راح نولي اب راح يجيني بيبي يا ربييييييي ميسااان راح يولي عندنا بيبي
الطبيبة: مسيو قصي هبطها مش مليح لاها
قصي: ااا صح صح سامحيني مبقيتش لني من الفرحة
هبطها و رجعها فالسرير عيط لياسين
ياسين: خير ان شاء الله كي السبة تفكرتيني
قصي: ياسيييينووووو راح نولي اب ميسان بالكرش
ياسين: قول والله يعني راح نولي عم وينكم اني جاي
قصي: لا اسنانا فالدار اسمع تهلا فالدار هلك عبالك
ياسين: متهني صاحبك راجل
عدات ساعة الطبيبة طمنت قصي على ميسان لي مخلاهاش حتى تمشي هزها و سبيطار كامل يخزر يسايس فاها كي العضمة و يسوق على اقلىمن مهلو بعد ساعة وصلو للدار لي كون راحو على رجليهم يوصلو ابكر😂اول ما وصلو حل عليهم ياسين الباب لقاو الدار معبيا بامبونات و مزينة قصي راح طول يجري تحضن امو و يبوس فاها
قصي: راح يولي عندي بيبي راح يولي عندك حفيد يقلك مامي حلومة
مدام حليمة: ربي يهنيك ولدي ربي يوصلها بالسام و ان شاء الله يتربى فعز امو و باباه
أمير: مبروك خويا يتربى فعزكم ان شاء الله
قصي: امين لعقوبة ليك
امير: يعني انا ضرك ولا عندي ولد خويا يعيطلي عمي
باركولهم الكل و قعدو فالصالة قصي كون تعطس ميسان قلبو يحبس و الاكسجسن يتقطع مسكين خايف علاها هي و ولدو خلاه و علاه ميخاف على حبيبتو و مرتو و ثمرة حبهم لي عايشة داخلها جا راح يحضنها ما خلاتوش
ميسان: قصييي بعد شويا زحي اووو غميتيني ابن عمي لصقة افففففف
نحا يديه مسكين من الخلعة بصح ما دارش ردة فعل
و هي كي شافاتو بعد علاها ولات تبكي
ميسان: يعني ليه ليه كرهتيني و بعدتي عليا لقتاها ساهلة تسنا غير وقتله نقلك بعد
قصي: لا يا روحي انتي قتيلي بعد خفت نكون نقلق فيك ولا لبيبي قالق مني
ميسان: تكذب حاب تبعد عليا مش مهتمة بيا لا انا لا ولدك ليه ليه بعدي علينا هذا الشهر لول هكا كي تكبر كرشي مالة تروح و تخليني مع وحدة اخرى 😭😭
مدام حليمة: قصي عيب عليك والله ما تحشم
أمير: مرت خويا ما تحطي والو فبالك اني عيني عليه
ميسان: اك تشوف فيه ا سلفي كيفاه يديرلي
قصي: ابنتي وش درتلك لاه
مسكين قصي عشى يرضي ملغري ما دار والو بصح وش راح يدير الله غالب هذي خواطر مرا حامل يعني تكون متقلبة المزاج ولازم يحمل و فرات هو قعد حاصل يرضي فاها و الباقي شايخين عليه بالضحك حتى طبطب الباب راحت البون تحل تخلعت بكوم تاع رجال بالسلاح زادمين على الدار
قصي خاف على امو و ميسان وقف قدامهم تلمو ياسين و جواد و قصي و امير و سامر دارو درع و النساء وراهم كل واحد هاز سلاح فيدو
ياسين و جواد و قصي و امير و سامر دارو درع و النساء وراهم كل واحد هاز سلاح فيدو
أمير: شكون انتم شكون باعثكم
هو هكاك يعارك حتى يشوفو فراجل الخمسينات داخل عليهم بكل وهرة و سيقار في فمو
سي ساليم: منطولوهاش ياسر هيا سيليا لمي حوايجك رايحين
أمير: شكون انت و منين تعرف مرتي قلو رايحين وين رايحين سيليا شكون هذا
سيليا: و أنا وين نعرفو
سي ساليم: هيا سيليا حبوبتي متعبينيش
أمير: هز رجالك و قود من داري خيرلك
سي ساليم: رايحين متهني عندك حاجة تخصني راح نداها و نروح
قصي: شكون انت
سي ساليم: اوووو وش دخلكم شكون انا هيا سيليا قتلك
سيليا: شكون انت و منين تعرف اسمي
سي ساليم: ااا انتي عندك لحق تسقسي ا عمري
أمير ما بقاش فيه راح حط سلاحو فوق راسو
أمير: اخر فرصة تحكي كي الناس ولا نطيرلك راسك
سي ساليم: نتربج باها كيما نحب معندو ما مدخلك
أمير: اي مرتي هذي كان معبالكش
سي ساليم: قبل ما تكون مرتك هي تخصني انا
سيليا: والله ما نعرفو يا أمير يكذب عليك
أمير: وش بينك و بين مرتي انطق
سي ساليم: والله لي ببني و بينها حاجة مخك مينجمش يفهمها لانك ما عشتيهاش هيا يا روحي وجدي روحك رايحين
سيليا: وين رايحين امير اني والله ما نعرفو
أمير(يعيط):سيليا وش بيناتك وش قاعد يقول هذا
سي ساليم هز سلاحو و حطو على راس أمير
سي ساليم: مزالت مجاباتوش امو لي يعيط على بنتي هاني قتلك
أمير: بنتك؟
سي ساليم: اه بنتي سيليا بنتي انا و عليا
سيليا: ههه بنتك مالا ضحكتيني وش دليلك
سي ساليم: الوحمة لي فمسلانك لي على شكل دمعة نفس لي عندي انا وراثة فعايلتنا من جدك
سيليا: وانا وحمة تيعك قلو وحمة الف واحد عندو كيفها
جبد ساليم لي فوطو تيعو مع امها و عيطلها قدلمها
عليا: وش تسحق مش قتلك قيلني ياخي لقيتي بنتك قيلني اووو
سي ساليم: كون متصدقنيش
عليا: مدخلنيش هذيك بيناتكم
سي ساليم: علاه مقلتيليش قبل
عليا: ساليم منبقاوش نجبدو ف لي فات انا خفت تداها و نخسر ورثة المرحوم كون قتلك مكنتيش راح تقبل تزوج ب قصي
كوبا علاها و راح لسيليا لي مزالت فصدمة مشاعرها مخربطة من جهة فرحلنة انو باباها حي و ما تخلاش علاها و من جهة متغششة من امها لي حرمتها منو
سي ساليم: سيليا بنتي والله ما كنت عبالي حتى جا نهار تلاقيت امك شفتها فبار سكرانة و حكاتلي كلش عليك لكن بعد ما فاقت نكرت كلش و محبتش تقلي بلاصتك وين و وين عايشة فركتت عليك فالبلايص الكل حتى لقيتك سامحيني والله ما كنت عبالي هيا معايا و والله نوعدك نعوضك على السنين لي فاتو الكل
أمير: شو سي ساليم مقدر مشاعرك و حبك لبنتك تنجم تعيش معانا هنا ولا حتى تشري دار و نوليو نزوروك ديما بصح سيليا متنجمش تروح معاك
سي ساليم: اولا معندو ما مدخلك قاعد نحكي مع بنتي مش معاك ثانيا شكون انت باه تمنعني من بنتي
أمير: سي ساليم بنتك هي مرتي و مش راح نمنعك تشوفها قتلك تجيك وقت مل تحب بصح متنجمش تبقى معاك
سي ساليم: انا لي نقرر هذا
قصي: شو بنتك مرتو و من حقو بدخل ثاني حاجة مش انت لي تقرر هي لي تقرر كان حابة تروح معاك ولا لا
سي ساليم: نداها بسيف عليكم و علاها هيا سيليا
حكمها من يدها يكركر فاها
سيليا: سيبني مش حابة سيبني
امير هز سلاحو و حطو على راسو
أمير: اك فداري على ذيكا مش راح نديرلك والو بنتك مش حاباتك تنجم تتفضل
سل سيليا جات وراه
سي ساليم: باهي انت لي حبيتي كنت زعما حاب نداها بنظافة بصح الله غالب شو سيليا يا تروحي برضايتك يا نقتلهم و نديك
قصي: تقتل شكون فايق مع روحك
سي ساليم: هههه فهموني برك كيفاه انت عميل قواة خاصة و باباك كان يخدم فمكافحة الجريمة و خوك رجل اعمال فاسد و باباه يخدم مع المافيا هههه المهم معريفة خير ان شاء الله نتلاقاو فجهنم نهار اوخر شادي اقتلوهم
سيليا: حبس شكون انت باه تقتل راجلي و الناس لي نحبهم جايني بعد سنين هدي الكل و حاب تديني معلك و لا زيد بالغصب ثانا لي يحب بنتو يا مسيو يتقرب منها بالحسنى و يحاول يفرحها و يخلاها تحبو مش يقتل اعز الناس عندهاىو يداها بسيف ههه منستغربش انو عليا حبت واحد كيفك
سي ساليم: عجال هذا مش حابة تجي معايا عجال واحد باباه مافيا و هو في داتو مافيا مش حابة ترجعي لباباك!!!  باهي
هز سلاحو و وجهو على امير و كان راح يتيري حتى قاطعو صوت يعرفو مليح
كان على لحظة راح يقتل أمير حتى قاطو صوت خارج من ورا الدروج صوت مألوف عليه و ميفاه ميكونش مألوف و هي اعز الناس عندو
مدام حليمة: ههه جيتي
سي ساليم: حححليمة
مدام حليمة: وشبيك مشوكي تقول شفتي جن
سي ساليم: ككيفاه شفت جنازتك و حضرتها
قصي: وين تعرف ماما؟؟ انطق
سي ساليم: حليمة وش صرالك كيفاه منعتي
مدام حليمة: صحيبك لعزيز كان خاطفني
سي ساليم: مراد!!! كيفاه فهميني
أمير: ياو فهموني انا انت وين تعرفها و وين تعرف بابا
سي ساليم حكم امير يخنق فيه
سي ساليم: يعني باباك حرمني من اعز الناس عندي و انت ضرك تحرم فيا من بنتي ليلة نطلع بروحك
مدام حليمة: نحي يدك لا نكسرهالك لي قدامك مشو راجل بنتك و ولد مراد لي قدامك ولدي انا نحي يدك قتلك
سي ساليم: ولدك!! ولدك من مراد؟؟
مدام حليمة: شو ساليم كيما جيتي كيما ترجع أنا هاك شفتيني حية و بنتك مش حابة تجي معاك هيا ورجينا عرض كتافك لباب شكتلي تعرفو
أمير فرح بأمو كيفاه قاعدة دافع عليه و واقفة فصفو و اعترفت انو ولدها
قصي: اسناي سح فهمينا شكون هذا
مدام حليمة: حابين تعرفو مالة شكون باهي ياسيدي هذا خويا الصغير لي خربلي داري و تآمر مع ناس باه يقتلوني
سي ساليم: يكذبو عليك والله يكذبو
مدام حليمة: سمعتك تحكي مع مراد و قتيلو نقتلهم واحد واحد
سي ساليم: والله يكذبو اكي معبالك بوالو منحقك تتغششي فعينين الناس الكل انا و رشدي راجلك كونا نبانو اعداء بصح من نهار غدرني مراد و قتل مساعدي لي كان فبلاصتي فالطونوبيل رشدي جاني و طلبني نكون ففريقو بشكل متخفي و نخدم مع المافيا و نجيبلو اخبارهم و خدمنا مع بعضانا 5 سنين و قضينا على اكثر من زعيم بصح مراد فاقلنا و خطط انو يقتلكم و يقتلني انا لي سمعتيه اكيد مفبرك والله تشفاي محسن لي كان ديما يحكي مع راجلك لي مرا شكيتي انو مرا و انو رشدي يخونك محسن هذاك هو أنا و لي تلاقيتيه على اساس انو محسن كان يدي ليمنى هذا الكل باه واحد ما يعرف اني فصف الدولة اسناي اسناي ضرك نثبتلك هضرتي شادي يا ولدي جيبلي الصندوق لي كان بحدايا فالطونوبيل
راح شادي و رجع بعد مدة خفيفة فيدو صندوق متوسط الحجم اسود يتحل برمز سري