قصي كان فحالة صدمة من جهة امو لي تشلو رجلاها و لسانها و من جهة جهاد لي قاعد يقول انو عندو خوه و امو طيشاتو جرايرو
قصي: تكذب تكذب ماما مستحيل طيش واحد من ولادها مستحيل ماما مديرهاش
جهاد: من حقك متصدقش لانو امك هربت عجالك تحب نعطيك دليل؟
حكمو من يدو يكركر فيه و دخل لبيت امو
جهاد:حكيت لولدك على خوه مصدقنيش حكيتلو على امير لي امو كانت كل ما تشوفو تبكي و تبعدو علاها شي لي خلا باباه ينفيه و يعلملو معاملة لكلاب ياو لكلاب عاشت خير منو😭 ولدك لي نهار قررتي تهربي مخزرتيش وراك و قلتي عندي ولدي نديه معايا😭 وش ذنبو امير لي عاش يتيم برغم والديه عايشين 😭وش ذنب امير لي امو كانت تحب خوه أكثر منو 😭امير لي باباه كان همو غير امو و ميحبوش 😭امير لي تربى فوسط قصر مي كلاب لقصر عاشت خير منو 😭امير لي اول ما باباه حررو من سجنو و هتم بيه فرح مي يافرحة مادامت كان يدلل فيه باه يدي نخاعو الشوكي امير لي اول ما حب وحدة محبتوش😭
طاح جهاد فالارض على ركايبو يبكي
جهاد(يبكي و يعيط): وعلاااااااااه وعلاه محبيتوهش وش دارلكم امير حبكم الكل و انتم محبيتوهش كلكم حبيتو انسان واحد قصي قصي قصي قصي علاااااااااااااه 😭يااا قصي عاش يتيم مسكين يغيض هاه و امير مكانش يتيم؟😭يااا قصي عاش بلا امو مسكين هاه و امير لي امو محباتوش؟😭
يااا قصي باباه مات مسكين هاه و امير لي باباه حي و محبوش و كان يومي يعذب فيه؟😭 يااا قصي حب وحدة متحبوش مسكين هاه و امير لي حب وحدة😭 تحب واحد اوخر
ناض دز قصي على الحيط و حكمو من الكول
جهاد: علااااه قلي برك علاااه وش فيك انت باه يحبوك و انا ميحبونيش😭 علاه قلي برك وش درتي باه حبوك 😭وش درتي لامك لي حباتك و ملغري كنت بحداها لا نهار غطاتني و انا راقد😭 لا نهار تهلات فيا و انا مريض😭 نرسم حاجة نجي نعتهالها تبعدني و تبدا تبكي عليك😭 وش ذنبي انا كي بابا خطفها منكم😭 وش ذنبي انا انو بعدت عليك 😭قلي برك وش درتي لأمك باه حباتك 😭قلي ضرك نديرهم الكل بلاك تحبني حتى شوي😭😭
دارلها و راح قعد فالارض و حكم يدها يبوس فاها
أمير(جهاد): وش طالبة من امير باه تحبيه😭قوليلي برك وش طالبة ضرك ندير كون تطلبي عينيا ضرك نحيهم و نمدهملك غير تحبيني برك 😭وعلاع تحبي قصي و انا لا قليلي برك وش تحبي فقصي ضرك ندير شو
ناض ينعتلها فلبستو
أمير: حتى ستيل تيعي كيفو لبسة لي شراها ولدك توصلني فدقيقتها هذا الكل باه تحبيني شوي😭فالوقت لي انتي كنتي تبكي على ولدك لي راح منك ولدك الثاني كان يبكي على امو لي معاه و متحبوش😭قد ما حاولت نكرهك مقدرتش و هكاك مكفاش بقيتي تحبيه هو و أنا لا😭
مدام حليمة: أأأأممميييررر ووولل
أمير: متكمليهاش سنين هذي الكل مقلتيهاش وش الفايدة تقولاها ضرك
حكم يد سيليا و خرج يكركر فاها كانت مشوكية يعني جهاد خو قصي و عاش هذا كامل ركبو فالطونوبيل لزوز ساكتين وصلو للدار
أمير: سيليا أميرتي اطلعي ارتاحي انا اني رايح
سيليا: وين رايح مستحيل نخليك وحدك و انت فالحالة هذي
أمير محبش يقاومها هو أصلا وجودها يرد فيه الروح ديمارا طول وصل للبحر خلاها و هبط خرجت وراه تشوف فيه هبط للرمل و يعيط
أمير: علااااااااااه علااااااااااااه علاااااه تحبوه و انا لا علاااااه
سيليا تشوكات متوقعتش انو راح يكون مقيوس هكا هيا اكثر وحدة حاسة بيه لانو امها تخلات علاها عجال شوي صوارد سما فاهماتو مليح هبط وراه راح طول تحضناتو طاح على ركايبو هي تسكت فيه
أمير: وش عندو خير مني علاه كلكم تحبوه هو و انا لا حتى انتي حبيته هو و محبتينيش قليلي برك وش عندو باه خلاكم تحبوه وش درالكم انا لي حبيتك و عشقتك سنين محبيتنيش و حبيتيه هو لي عمرو مخزر فيك علاه ديما لحاجة لملاحة ليه قصي يحب امو امو تجيه قصي يحب ميسان ميسان تولي تحب علاه انا لا فاه خير مني قصي قوليلي برك حبك محبكش نتحداك انو قصي فالسنين هذي الكل اهتم بيك ربع الاهتمام لي اهتميتهولك فاليومين هذوما
سكت سكت مبعد بعد علاها
أمير: مزلتي تحبيه؟
سيليا: والله ما نحبو اي ماما لي كانت واهمتني انو ليا ولازم نحبو و نزوج بيه انا كول عمري نعتبرو خويا لكبير
أمير: و أنا تحبيني؟ راح تنجمي تحبيني؟
سيليا: علاه منجمش نحبك وش ناقصك لاه زين الله الله شعر شاتان حرير لعين الخضرة الطول الله يبارك كور و ديكور الاهتمام اللسان لحلو مشيتك هيبتك لافصون تيعك ريحتك كلش فيك يهبل أي وحدة راح تضرب فيك عشقة من أول ما تشوفك
أمير: و انتي عجبتك كي شفتيني؟
سيليا: بيناتنا ذبت فيك🙂 قلي برك كيفاه مش راح تعجبني شفتي روحك فالمرايا بوقوص زحي عرس كامل لبانيت كل يخزرو فيك ديجا بديت نغير من ضرك هاو باه نقلك ان
قاطعها ببوسة طويلة خلاها مشوكية حاط يدي بين خدها و رقبتها على الجهتين هو كلن يبوس فاها و يتلذذ و هي مقدرت دير والو تصنمت فبلاصتها ما بعد علاها غير كي تقطعلها النفس بعد علاها كانو ينهجو لزوج يخزرو فبعضاهم كل واحد ذايب فعنين الثاني يسمعو غير صوت دقات قلوبها و صوت موج لبحر لي بحداهم
بعد علاها يشوف فيعناها العسلين ذايب فيهم
أمير: نحبك
عاود رجع باسها لمرة هذي قوا فالبوسة فرغ كل طاقتو السلبية معاها و هي محبتش تردو لانو ديجا نفسيتو تاعبة خلاتو على هواه بعد علاها
أمير: سامحيني أميرتي غلبتني روحي
سيليا: انا مرتك و حلالك يعني ملكك
أمير: مشني طامع فالجسد تيعك أنا طامع فهذا
و حط يدو على قلبها حطت يدها بين خدو و رقبتو و ذبلت عيناها لانو لي راح تقولو راح يقلقو
سيليا: مممم يعني أنت لانو إسمك أمير قاعد تعيطلي أميرتي مممم سما نعيطلك أميري
أمير علول قلق بصح كي قاتلو نعيطلك أميري فرح
أمير: لي يعجبك هذاك هو
سكتت سيليا شوي مبعد قتلو
سيليا: سما ضرك أنا منقولكش جهاد نقلك أمير بصح الكل يعرفوك بإسم جهاد
أمير: مدخلك في حتى واحد أنتي تنجمي تعيطيلي كيما تحبي حتى عبدالله
سيليا: علاه أنا
أمير: لاني نحبك
سيليا: هاه هذا قصدي وش لي شفتيه فيا و غيرك مشافوش
أمير: نقلك حاجة يكذب عليك لي يقلك نحبك عجال الحاجة هديك لي يحبك على زينك يجي نهار و يروح و يذبال و يبطل يحبك و لي يحبك على عقليتك ظروف الانسان تخليه يتبدل و كي تتبدلي يبطل يحبك انا في راي لازم يكون هو نفسو حاير علاه يحبك هكا يكون مهتم بيك اكثر
سيليا: باهي اممم أمير راح نحكي معاك فحاجة و نحبك متتغشش
أمير: احكي
سيليا: طاطا حليمة
جا ينوض حكماتو
سيليا: أمير بلاك عندها ظروفها اسمعها
أمير: سيليا ربي يعيشك فكيني منو الموضوع هذا
سيليا: لا منفكش لازم تسمعني بلاك مكانتش تعرف انك فالقبو تاع القصر بلاك حطاتك فبلاصة اخرى
أمير: مبلاكش قعدت سنين فيه و كي خرجني منو و شفت الدنيا كنت بعيد علاها علاه مسقساتش عليا بابا كان يموت علاها كون تقلو جيبلي امير او جا داني هي لي محبتش بابا جامي رفضلها طلب
سيليا: و انت راح كون كي باباك ولا ترفض طلباتي
أمير كي قتلو راح تكون كي باباك قلق و عينيه حمارو و عروق يديه خرجو حكمها من يدها وجعها
أمير: حابتني نكون وحش كيفو اه قولي
سيليا قريب تبكي عيناها رغرغو
سيليا: أأممير ووجععتيني
أمير كي شاف عيناها و صوتها كيفاه توله ليدو لقا روحو يوجع فاها صح
أمير: سامحيني والله والله ما قصدي اني منحبش سيرتو الراجل هذاك والله مقصدي نوجعك انتي قلتيلي تولي كيفو و انا هو اكثر انسان ظالم بالنسبة ليا والله مقصدي نوجعك اميرتي نعتي نشوف
شاف يدها لقاها حمرة
بعد علاها و ولا يضرب فرجليه فالرمل و يعيط
أمير: اااووووووف اوووووف منكم مش حابين تخرجو من راسي الانسانة لي نحبها قاعد نقيس فاها جرايركم فزدتولي احلى ليلة فحياتي علاه كيماكا
راحتلو تسكت فيه هي زعما بعد ما فرحت انو تكالما
سيليا: أمير عادي تصرا عبالي مش بقصدك توجعني
أمير: لا مش عادي مش عادي
امير كان رايح جاي قدامها و يعيط و يضرب فالرمل برجليه و قالق هي تم تفكرت كي باسها تحسن قالت نجرب ترا راح ت حكماتو من يدو دو، اتو لاها
أمير: سيليا غي
اوب باساتو حدث ما لم يكن متوقع من سيليا بالنسبة لامير تشوكا فاها طول عمرو يحلم باللحظة هذي و كي صرات مقدر يدير والو بعدت عليه حضناتو طول حضنها و بقاو ساكتين شوي حتى تسمع انو ضربات قلبو رجعو للوضع الطبيعي هزت راسها تشوف فعينيه الخضرين
سيليا: أمير
أمير: يا عيون أمير
سيليا: هيا نروحو تعبت
هزها امير بين يديه طلعها للطونوبيل ركبو و ديماراو للدار هذا الكل و سيليا مزالت بروب العرس
•نروحو لقصي لي بايت مع امو فالسبيطار هو و ميسان امو كل ما تحاول تحكي متنجمش و تولي تبكي و قصي قلبو يتقطع معاها حتى جاهم الطبيب عيط على قصي داه للبيرو
الطبيب: مسيو قصي حالة الوالدة ملاحة هي عندها علاقة مع حالتها النفسية برك كون تتحسن حالتها النفسية تتحسن حالتها الجسدية معاها عن تجربة نحكيلك قداه من حالة كي والدتك تحسنو كي بعدو على دوايات و سافرو ولا حتى بعدو على المشاكل فالدار امك لازمها الراحة و متتغشش و ديما فرحانة
رجع قصي لامو بدا يلملها فحوايجها
ميسان: وعلاه تلم فيهم
قصي: رايحين للدار
ميسان: علاه
قصي: الطبيب قال ماما عندها امل كبير تتحسن كي تبعد على جو السبيطارات و مع الدواء و التمارين تتحسن حالتها و تنجم تمشي و تحكي بشرط حلومتي لازم توخدي الراي هكا ياخي
هزت راسها بمعنى اه قصي حكم روحو على شعرة من انو يبكي كمل لم كلش هز بين يديه كي البيبي كيما هزاتو و هو صغير هزها و هي كبيرة حطها فالطونوببل قدامو و ميسان لورا لانها هي مشلولة من رجلاها و لسانها برك يداها عادي و راسها حطلها غنا فالطريق و يضحك فاها مبعد حبس بحدا لبحر جابلهم اكريم قعدو يوكلو
قصي: يييي كيفاه نسيت
دارتلو امها بالاشارة بمعنا وش
قصي: ماو كنتك ملازمش توكل البارد لانو جرحها مزال جديد يييي كيفاه نسيت
ضرباتو امو بكف صغير و دارت لميسان لي وجها ولا كي الكعبة تاع الطماطم و قرستها على خدها قعدو يلعبو حتان وصلو للدار عاود هزها و دخلها للبيت لي كان ياسين وجدها قبل ما يجي عمللها كوموند ترص علاها دير صوت يعني باه كل ما تحتاجهم ترص عملولها تيليفيزيون كبير بالانترنت باه ما تملش تابلات كتب لي كانت بكري يشفا انو كانت تحب تقراهم كلش و جابو مريم كممرضة لانو هي قارية طب فيزيائي و لعام هذا راح تتخرج و تكون معالجة فيزيائية يعني تهتم بمرضى الشلل و الاعاقات فهموها فحالتها و دواهاو كلش مدام حليمة كانت فرحانة بولدها و كنتها كيفاه يهتمو باها و زاهية خلاه
ر
أنت تقرأ
جعلوني عاهرة بين يديه
Romantizm[ قيد الترجمة للعربية الفصحى ] 📜انا اليتيم انا المحروم📜 📜أنا الحي أنا المرحوم📜 📜أنا المنسي انا المهموم📜 📜أنا العاشق أنا الكتوم📜 📜أنا الجميل أنا المذموم📜 📜أنا الملام أنا المظلوم📜 📜أنا الطاهر أنا المسموم📜 📜أنا البريء أنا المسجون📜 📜أن...
