البارت الثالث من رواية " الدَيـجـور " ، تجاهلوا الأخطاء الأملائية أنجوي حلويني 🤍✨.
لحظات صغيرة تصنع ذكريات كبيرة،
فلايُمكن لتلك الذِّكريات أن تُنسى.
..............................................................
طِفل لَم يتجاوز عُمره العاشِرة ، يَركُض وسطَ شارع يَقود الى المَجهول بمُنتصف الليل ، دَخل احد الأزقة يحاول الأختباء بين حاويات النُفايات ، صوت وَقع أقدام قَد حُطت على الأرض القريبة على الزُقاق المُختبئ فيه ،
صدح صوت رجل ،
" وين راح ؟!! "
" لازم نلگاه قبل مايروح يحچي شي لأبوه "
نَطق الثالث وهو يحاول يورث الجگارة الي بأيده " عوفو امه تتصرف وياه "
" اني اذا الزمه لازم اسويله گرصة اذن حتى ميحچي شي "
راحوو وهو طلع وواصل رِكضه بالشارع ، يحاول يوصل لمكان آمن بعيد عنهم ، يد كبيرة امتدت تجُره من چاكيته الصوف ،
" لزمتك وين تروح مني "
تكَلم بخوف " عوفني فدوة عوفني لاتسويلي شي "
" لا ما اسوي شي ، بس شي بسيط يذكرك بيه طول عمرك "
نَظرات خوف ورعب الرجفة سيطرت على جسده وهو ينظر للرجل الي گدامه ،
" والله اسوي اي شي تريده بس فدوة لتسولي شي فدوة لا لا لاااااااااااااا "
صوت شهگة قوية وأنفاس تتصاعد بسُرعة ، فز من نومه بعد المَنام الي شافه ، نِطق بنفاذ صبر
" ياربي شوكت اخلص من هل كابوس "
امتدت ايده واخذ كلاص المي الي على الميز يمه وشربه دُفعه وحدة ، شَرد بذاكرته وبهذا الكابوس الي مرافقه من هذاك اليوم لحد هذا اليوم ،صوت طَرق الباب ايقظه من شروده ،
" إيان ماما يلا حبيبي حظرت الريوگ انزل اتريگ وياي ابوك راح للدوام "
" يلا هسه انزل "
اتجه للحمام واخذ شاور سريع ولبس ملابسه ونزل گعد على ميز الطعام ،
إيان " صباح الخير "
أردفت وأبتسامتها مرسومة على ملامحها الهادئة " صباح الخير ماماتي حبيبي يلا هاي سويتلك بيض عيون ادري بيك تحبه "
تنَهد بهدوء ، بُهتت ابتسامتها وتحولت لخفوت ،
" ادري تضوج من اگلك هيج بس مو بيدي ، انت تدري شگد احبك انت ولورانس وسَما معتبرتكم بدال أبنائي الله يرحمهم ، رُغم انو لورانس يكرهني بس هم احبه "
إيان " اني ماضوج بس احسها غريبة تجي من زوجة الأب "
" راح ازعل عليك ، اني تعتبرني زوجة اب ؟ اني امك لاتنسى اني من تزوجت ابوك جنت انت مو كلش چبير يعني اني هم ساهمت بتربيتك فآني مثل امك هنا زين ؟ "
أنت تقرأ
ألديــجــور
Детектив / Триллерطفل يَركض بقوة وبأنفاس مُتقطِعة ، جَره بقوة من چاكيته وقَربه عليه .... "وين وين رايح ؟ بعدني مامصفي حسابي وياك " نَظرله بخوف ونَطق " فدوة عوفني والله ما احچي بس لاتأذيني وتأذي اخوي " ضَحك المَعني وأردف وعلى ملامحه نظرة مَكر ...... " راح اخذ اخوك و...
