البارت الحَادي عَشر من رواية " الدَيـجـور " ، تجاهلوا الأخطاء الأملائية أنجوي حلويني 🤍✨.
تذكير ــ
غمضت عيوني بنفاذ صبر وفتحتن ، فتحت الملف وانصدمت من الشفته ، جسمي لا أرادياً گام يرجف من الأعصاب ، صوري ؟ اي صوري واني نايمة بغرفتي ، بس شلون ؟ وشوكت اخذهن ؟ وشلون دخل غرفتي واخذهن الية ؟ اصلاً اني مادازتله اي صورة اله شلون هيچ ؟ ، بعيد عن الصور عرفت شنو الي يريده ، يريد يساومني بصوري النذل اني اعلمك حچيت بنفاذ صبر وياه اريد اعرف شنو الي يريده مقابل صوري
" شنو المقابل ؟ "
عدنان بابتسامة متسفزة " عفية عليچ ذكية والله "
" احچي خلصنيي "
عدنان ببرود " تبوگين أستاذچ "
ــــــــــــــــــــــــــــــــــــ
نارجين بوڤ:-
أنداريت عليه فاتحة عيوني على وسعها ، هذا من كل عقله يحچي ؟ يريدني أبوگ أستاذي الي مفضل علية ومگعدني ببيته اني وأخوي ؟ رَديت عليه واني أحس دمي يفور من الأعصاب
" أنت تخبلت ؟ لو تموتني ما أسويها "
عدنان بمَكر " ماشي بس على هل حالة صورچ راح تلگيهن حتى بالجرايد "
" مُجرد صور واني نايمة ببيتي وبغرفتي ولابسة ملابس مال بيت يعني واضحة مال تهديد وهلسوالف "
عدنان بمَكر" لازم نسيتي التطور والفوتوشوب الي يسوي أشكال وألوان "
باوعت عليه بأستحقار تام
" بعمري ماشفت واحد بنذالتك "
عدنان " فرحتيني أحب أكون نذل "
" أي لأن اصلك ، اني أريد أفهم شغلة وحدة بس منين جبت الصور ؟! راح اتخبل "
عدنان " أبوچ بكم فلس يتقشمر ترة "
بقيت صافنة عليه بصدمة ، بابا ؟ معقولة لهل درجة واصلة نذالته وحقارته ؟ يبيع صور بنته ؟! فجأة حسيت بنغزات قوية بگلبي أذتني حيل ، حچيت وياه ببرود
" شتسوي سوي موهامني مستحيل أغدر بالي ساعدني ووگف وياي بكُلشي "
شمرت الملف عليه وفتحت باب السيارة
عدنان " انتظري فضيحتچ لعد "
لزمت گلبي الي گام يأذيني حيل ورَديت
" الله يوگف وياي "
نزلت من السيارة وسديت الباب قوي ورجعت للشركة ، دخلت واني بالي كُله يم الصور ياربي خاف صدُگ يسويهن بالفوتو وينشرهن ، ااه ياربي ليش خليت عندي أب ماعنده ذرة شرف او غيرة على عَرضه على بنته وگفت گبال باب مكتبي داافتحه وأفوت
" نارجين حب أستاذ إيان يريدچ "
أومأت الها وراحت ، يريدني أغدر بإيان الي قدملي كُلشي زين لحد الآن ، تنهدت بهدوء ورحت لمكتب إيان لگيته گاعد ووكومة ملفات وأوراق گدامه على الميز رفع راسه وباوعلي
أنت تقرأ
ألديــجــور
غموض / إثارةطفل يَركض بقوة وبأنفاس مُتقطِعة ، جَره بقوة من چاكيته وقَربه عليه .... "وين وين رايح ؟ بعدني مامصفي حسابي وياك " نَظرله بخوف ونَطق " فدوة عوفني والله ما احچي بس لاتأذيني وتأذي اخوي " ضَحك المَعني وأردف وعلى ملامحه نظرة مَكر ...... " راح اخذ اخوك و...
