البارت الـعـاشر من رواية " الديجَور " ، تجاهلوا الأخطاء الأملائية أنجوي حلويني 🤍✨.
تذكير :-
لعابة صغيرة من خيوط صوف ناعمة ولابسة كبوس وملابس حَمَرة وملونة بعد ألوان لزمت اللعابة أگلب بيها واني احس گلبي گام ينغزني ، ياربي شنو السالفة ؟ احس شي مو طبيعي دايصير ، لزمت اللعابة وشلت ثوبها وگلبته وهنا جمَدت حرفياً من الي شفته .
أسم مُطرز بالثوب من جوة وهل تطريز اني بأيدي مسويته ومستحيل أنساه لأنه بأسم بنتي ، تاج أسم بنتي ، الرَهبة تمَلكتني وعيوني گامت تدمع ، گعدت على الچرباية مصدومة واني أتأمل أسم بنتي تاج ، ياربي شلون وصلت هل لعابة لأيد نارجين؟ شلون ومنين وشوكت ؟ ، كُل هل أسألة بقت تدور براسي واني گاعدة أتأمل لعابة بنتي وعيوني تلسَعني من الدموع الي أحسها نزلت على خَدي ، لازم أعرف شلون وصلت لنارجين ومنين اخذتها لازم ، صَوت سما أجاني گمت بسرعة ورجعت اللعابة لمكانها ومسحت دموعي بسرعة وگمت سويت روحي ألم بالملابس
سَما " ماما صارلي ساعة أدور عليچ "
أنداريت الها بأبتسامة
" ها ماما شكو ؟ "
سما " ماشايفة بنطروني الزيتوني ؟ "
" لا والله اذا انتِ تلبسين وتشمريهن هنا وهنا وين تلگينه "
سما بضَجر " يووووه هسه وين الگاه عفية دوريلياه "
" ليش وين تريدين تروحين ؟ "
سما " دا اريد اروح ويا لورانس افتر شوية ضايجة والله "
" ادري تفترون من الصباحيات شعدكم "
سما " ضوجة والله وخابرت لورانس گال اريد اروح اتمشى شوي واتريگ فگتله اجي وياك گال خوش نص ساعة وامر عليچ "
" اي خوش روحي وياه وبطريقكُم تسوگولي "
سما بضجر " يووه ماما دزي حمد يتسوگ والله مابينا حيل "
" ايي بيكم حيل بس للفرارة روحوا ديلا "
تقربت علية وباستني وراحت ركض ، أبتسمت عليه ورجعت الغصة بصدري لمن رجعت باوعت على اللعابة ، طلعت من الغرفة واني افكر بهواي افكار أستحَلت عقلي أن شاء الله يكون الي ببالي مو صحيح لأن اذا طلع هيچ ساعتها اموت والله .
سَمارة بوڤ-:
....................................
دَلَف داخِل الشَركة بثبات وثقة عالية ونَظَراته تَتوزع على جَميع الموظفين ، نَظراته تَركزت على الي واگفة تگلب بالآيباد وعاقدة حواجبها بتركيز يم باب مكتبه
إيان " شنو عندچ نقص بشي ؟ "
نارجين بوڤ:-
فَزيت فَزة من سمعت صوته حتى اجا الآيباد يوگع مني
أنت تقرأ
ألديــجــور
غموض / إثارةطفل يَركض بقوة وبأنفاس مُتقطِعة ، جَره بقوة من چاكيته وقَربه عليه .... "وين وين رايح ؟ بعدني مامصفي حسابي وياك " نَظرله بخوف ونَطق " فدوة عوفني والله ما احچي بس لاتأذيني وتأذي اخوي " ضَحك المَعني وأردف وعلى ملامحه نظرة مَكر ...... " راح اخذ اخوك و...
