ألديــجــور

لَرُبما إنتِقام ؟ | part 2

البارت الثاني من رواية " الدَيـجـور " ، تجاهلوا الأخطاء الأملائية أنجوي حلويني 🤍✨.

‏"العسرُ متبوعٌ بيُسر، هذا شرطٌ إلهي وليس احتمال."

........................................

اصوات صُراخ وتشجيع عالية وأصوات الأغاني المشتغلة للتحفيز والأستمتاع ، سيارات وحشود مجتمعة ومنقسمة الى فِرق كُل فرقة تشجع بَطلها المُشارك بالسباق ، ولد العم وبنات العم والأقارب الشباب والشابات الباقين مجتمعين على سباق سيارت كل فترة او بالأحرى كُل مايضوجون يجتمعون ويتسابقون ........

اردَفت وهي تنظُر لأظافيرها بنَظرة غرور وثقة "شوف عيوني اذا خِسرت انت سيارتك الحلوة الي تصير "

اردَف المعني وهو يناظرها من فوگ ليجوة بسُخرية

" ماتولين من خلقتي ، سيارتك الي نننن بابا ابيع روحي ومانطيها شتحچين انتِ !! "

شارك بنقاشهم صاحِب الشعر الماروني والي هو الوحيد بالعائلة هيج شعره " يمعودة عوفيه سُلطان من كثر مايحب سيارته وده يتزوجها ويحضنها وينام "

ضحكات مُتتالية أنطلقت اول مانطق المَعني الجُملة

" دانيالووو ولاكأنوو تحب سيارتك الحمرة ومتخلي واحد يطخها "

دانيال بفخر " انچب لك تجيب سيارتك على سيارتي تروحلها سبع فدوات ابو الوصخ "

" هسة خلصوني اني اذا افوز عليكم اخذ وحدة من سياراتكم "

سُلطان بأستفزاز " على كيفج محاسن ، بس هاي هي متفقين ولو ادري ماتدبريها وحتخسرين "

دانيال " اگول رولا انتِ شعندج جاية وتتسابقين مو عندج باچر دوام وامتحانات ؟ "

رولا بملل " اهوووو شو العشيرة كُلها هنا بقت علية اني 'ابتسمت بمَكر' بعدين حبيبي ميصير سباق سيارات اذا مو رورو موجودة "

دانيال " سهلة سهلة إلا احرك عليج ابراهيم "

"يمعودين تجوون لو لا راح نبدي الشوط الثاني يلا "

دانيال " يلا تعالوا "

لورانس " هااا منو ومنو يتسابقون هسة ؟"

سُلطان " اني و رولا "

اجت المَعنية تمشي بتبختُر " اي بس مثل ما اتفقنا "

سُلطان بأبتسامة سُخرية " تمام خلي نشوفج بلا "

رِكب كل واحد بسيارته وأستَعَدوا ،،،

" يلا ، واحد اثنين ، ثلاثة انطلقوووووا "

انطلقن كِلا السيارتين وبدء السباق وبدء الجِد ،الأصوات تتعالى وية كُل فرة وفَقرة من السِباق والحماس عند كُل شخص يشاهد أكثر اثنين مهووسين بسباق السيارات حرفياً يعني ، وية كُل مُنعطف تسمع ضحكة احد هذول المهووسين وهم يحرگون على بَعض ،،،