يا فَاتنةُ الجَمال بُنيةَ العُيوننِ ...ليّت قلبكِ رهيفيٍ

part 9

{بسم اللّٰه الرحمٰن الرحيم }
أقضي يومك بقراءة الروايات..
نبدء.
––––
بيت محمد/ تحديداً غرفة أم ملك
مالك كان يتكلم مع جدته فاطمة الي كانت تسكن في المدينة المنورة بعد رجوعها من ألمانيا أشترت لها جوال وصارت متطورة وقعدت تسولف مع أحفادها ،
مالك وهو حاط إغلاق الكاميرا :جدة كيفك
أم محمد ما كانت تسمع تبي تشيل الاسود وتبي تشوف شكل حفيداها
مالك وهو ماسك الضحكة يحب شيء إسمه يزعج جدته :جدة وش فيكِ ما تردين
أسامة بهمس:أفتحه حرام
مالك فتحها :جدة ؟
ام محمد:نعم يا يمه نعم
مالك فطس ضحك ومعه أسامة :جدة حنا سكرنا عليك الكاميرا عشان ما تشوفينا
أم محمد:لا لا هذا أنا يوم رفعتها كذا راح
مالك :لا يا جدة أنا سويته
أم محمد:لا مو انت
أريام جت وسحبت منهم الجوال معصبة منهم كيف يمزحون شخص بذا العمر ،،

نرجع لمسك يوم كان عمرها 12، وصلو بيت الخالة شهد وقعدو يسولفون وبعده بشويش رجعو لبيت الخالة جواهر والعصر الكل رجع بيته وبدء الدواماتهم،،

قبل الفرصة في فصل مسك هي والبيست
حلا :مسك تدرين وش صار في بيتنا القديم
مسك :وش صار ؟؟
حلا: كنا نائمين أنا وأبوي في غرفة، ابوي بركن وانا بركن بعيد عنه فجأة سحبني شخص وانا قمت ورحت عند امي أبكي جدتي تقول إن البيت مسكون ومره سمعت أمي تغسل المواعين رحت شفت طلع ما في أحد وبذاك اليوم أمي طلعت هي واخواتي لخالاتي ... رن الجرس مسك صرخت وحلا مسكتها من ورا بيدها من جهة عنقها ،
مسك بضحك وخرعة:حلا فكيني تراكِ تخوفيني
حلا تركتها:ماش خوافها
مسك: اعترف خوافة وأكثر ترا الخوف مو عيب
حلا : تقعدين لحالك ولا تمشين تراه موجود وراك
مسك ركضت:انتظري يا حلا والله لا أوريك تخوفيني وتزيدين الطين بله

"تسريع الأحداث "
كانت مسك تتجهز يطلعون لبيت خديجة وهاجر يعايدونهم ، وصلو بيت هاجر وسلمو عليهم وجلسوا مسك جلست بعيد عن أمها وهم يسولفون فجأة خلف درعم عليهم وانصمد مكانه يناظر مسك وكانو الكل يناظرونه
وهو ما يمّهم
لفت مسك يمّ الباب  رفعت حاجبها إنه ما يتحرك واقف مكانه :وش به يناظرني أنا ياربي لا يكون شكلي مسخرة لفت تكمل سوالفها وهو يروح ويرجع يناظرها
مسك عقدت حواجبها: ياربي وش به يناظرني 
إبراهم من برا :يمه ابي أجي اسلم على خالتي أريام
هاجر :تعال يمه تعال ،تحجبوا يا مسك وملك
مسك حطت شالها برأسها وملك على كتافها دخل إبراهيم وسلم عليها ولف يناظر مسك ابتسم لها وطلع وخلف رايح جاي ونظراته موجهة كله لمسك ومسك منخرشة منه
هاجر :أريام أمي عند جواهر شرأيك تروحين معي نزورها
أريام :ايه والله من زمان عنها قامو اتجهزو وقررو كل بنات هاجر يروحون معهم
أريام :مسك وملك بنرجع بعد شوي اقعدو مع أنهار
مسك بينها وبين نفسها: الله يخليك ماما خذيني معك أو ارجع البيت ،راحو الكل وقعدو مسك وملك فجأة أنهار جاها إتصال إن زوجها عند الباب طلعت زي الصاروخ وخلت مسك وملك في بيت أمها لوحدهم حول العيال وطبعاً خلف كل شوي يجي يناظر مسك ووضعه غريب
أذن الفجر والحين أريام ما جت أتصلت على رائد وقالت إنه يجيب ملك ومسك والوراعين الي خلوهم جاء رائد
رائد :اي وحدة ملك ؟
ملك :أنا
رائد :أمك تقول اتجهزو عشان تروحون عن خالتي جواهر
ملك :طيب تجهزو فجأة اختفى كعب ملك ومسك طبعاً من كل زوج واحد واحد من ملك والثاني من مسك قعدو يدورون لين ما لقو حل واحد وهو يلبسون شبشب الحمام - الله يكرمكم - مسك المغرورة لبست الكعب وملك الشبشب وطلعو ركبو السيارة جاء رائد
رائد :خذو حور ترا أمها عند خالتي جواهر
مسك :طيب
كانو قدام سليمان وجنبه وائل
سليمان:اركب معنا يا رائد
رائد :ما في مكان
وائل :عادي شوف حضني وش كبره
رائد ضحك ونفى برأسه مشو ووصلو بيت جواهر وقعدو هناك ولقو كعوبهم لابستهم حصة يوم جاء رجعت حصة واخواتها قالت وين الي جيتي وانتي لابستها
ملك :ذا وأشرت على الشبشب - الله يكرمكم -
قعدو البنات يضحكون لين انشد عضل البطن من الضحك
حصة:شدعوة ما لقيت غيره
ملك بضحك:شفته قدامي ولبسته