𝑃𝑙𝑜𝑡 𝑇𝑤𝑖𝑠𝑡

𝑇𝑜𝑢𝑐ℎ 𝑖𝑓 𝑦𝑜𝑢 𝐷𝑎𝑟𝑒

Hyunjin အနှီကောင်လေးအားမည်သည့်စကားမှပြန်မပြော‌နိုင်လောက်အောင်စွံ့အနေမိသည်။ ဒီကောင်လေးကသူ့အားဒေါသမထွက်သည့်အပြင် ကိုကိုလို့ပါခေါ်နေသည်လေ။ အခုသူအိပ်မက်မက်နေတာဆိုရင်ပြန်နိုးမထလာချင်တော့ပါဘူး။

"ဒီပေါ်မှာပဲမိုးချုပ်တဲ့အထိနေတော့မှာလား ရဲတွေပြန်လှည့်မလာခင်သွားရအောင်"

ထိုကောင်လေးမှာ ထိုင်ကာကြောင်အနေသောသူ့ဘေးတွင်ရပ်ကာသူ့အားလက်ကမ်းနေသေးသည်ပင်။

သူလည်းကောင်လေး၏လက်ကိုအားပြုကာထလိုက်သည်။ Hyunjin လည်း Gym ဆော့သလို ကိုယ်ခံပညာမျိုးစုံကိုတစ်ဖက်ကမ်းခပ်တက်ကျွမ်းပါသည် ဒါကိုဒီကောင်လေးကသူ့ထက်လူကောင်အများကြီးသေးပေမယ့် သူ့ကိုကောင်းကောင်းဆွဲထူနိုင်သည့်အပြင် တစ်ချက်မျှတောင်ယိုင်သွားခြင်းလည်းမရှိပေ။

နှစ်ယောက်သားယှဉ်ကာမတ်တပ်ရပ်လိုက်တော့ ထိုကောင်လေးထက်သူမှာခေါင်းတစ်လုံးပိုရှည်နေပြီးထိုကောင်လေးမှာသူ့ပုခုံးလောက်သာရှိလေသည်။ ဒီခန္ဓာကိုယ်သေးသေးလေးမှာဘာလို့ဒီလိုအင်အားမျိုးများရှိနေပါသလဲဟုသူအံ့ဩစွာတွေးမိသည်မှာလည်းအကြိမ်ကြိမ်ပင်။

ဒီလိုနဲ့နှစ်ယောက်တူတူလမ်းလျှောက်လာသည်မှာဆိပ်ကမ်းနှင့်တော်တော်ပင်လွန်လာပြီဖြစ်လေသည်။

"အဲ့ဒီတော့ ကျွန်တော့်နောက်ကိုလျှောက်လိုက်နေတာလား "

"ဟင်...မ..မဟုတ်ပါဘူး ဟို...လမ်းကြုံတာ"

"ဒီဆိပ်ကမ်းကို Hwang မျိုးရိုးကပိုင်တာလို့လည်းမကြားမိပါဘူး"

"၀ယ်...၀ယ်ဖို့စီစဉ်နေကြတုန်းမို့လို့...လာကြည့်တာ"

"အော် လိမ်ရင် အဲ့လိုပဲစကားထစ်တတ်တာလား?"

"တောင်းပန်ပါတယ်"

"‌တောင်းပန်တာကိုမလိုချင်ဘူး ဘာလို့ကျွန်တော့်နောက်ကိုလျှောက်လိုက်နေတာလည်းပဲသိချင်တာ"

ထိုတစ်ခဏတွင် Hyunjin ခေါင်းထဲ၌အတွေးပေါင်းစုံဖြင့်ယောက်ယက်ခတ်သွားလေသည်။ သူဘယ်လိုဖြေရမှာလဲ၊မင်းကိုသဘောကျနေလို့ပါလို့ဖြေရမှာလား ဒါပေမယ့် သူကယောက်ျားလေးတွေသဘောမကျဘူးဆိုရင်ကော... သူ့ကိုခုနကကိုကိုလို့ခေါ်တယ်လေ...ဒါပေမယ့်သူကအသက်ပိုကြီးလို့ခေါ်တာဆိုရင်ကော....အား.......။