𝑃𝑙𝑜𝑡 𝑇𝑤𝑖𝑠𝑡

𝐿𝑜𝑛𝑔 𝐿𝑜𝑠𝑡 𝐵𝑟𝑜𝑡ℎ𝑒𝑟𝑠

"တော်၀င်မျိုးနွယ်တွေရဲ့အထက်မှာမာဖီးယားတွေရှိနေတယ်"

Minho ဘဏ္ဍာထိန်း Han ရဲ့စကားကိုကြားတော့ခပ်ဖွဖွသာရယ်မိသည်။

"မဖြစ်နိုင်တာဗျာ ကိုရီးယားနိုင်ငံမှာ သမ္မတပြီးရင်အာဏာအရှိဆုံးကတော်၀င်မျိုးဆက်ပဲဗျ"

"ဘဏ္ဍာထိန်းဖြစ်တဲ့ငါ့ထက်ပဲမင်းကပိုသိနေသေးတယ်"

တော်၀င်မျိုးနွယ်တွေရဲ့အထက်မှာမာဖီးယားတွေရှိနေတယ်ဆိုတဲ့စကားကမှန်တာ Minho အသိဆုံးဖြစ်ပြီး လူသိနည်းတဲ့Cafféမှာဒီဘဏ္ဍာထိန်းနဲ့တွေ့တယ်ဆိုတာကလည်းထိပ်တန်းလျို့ဝှက်ချက်ကိုသိသွားလို့ရှင်းပစ်ဖို့သာဖြစ်တယ်။

Minho ခါးနောက်မှအသံတိတ်သေနတ်ကိုအသာထုတ်လိုက်ရင်းမောင်းကိုမသိမသာချိန်‌လိုက်တယ်။

ခုံအောက်မှတစ်ဆင့်တစ်ချက်ထဲဖြင့်သေစေမယ့်နေရာကိုချိန်လိုက်ပြီးနောက်လက်ညိုးကိုမောင်းပေါ်တင်လိုက်ပြီးပစ်ရန်ပြင်နေတုန်း ဆိုင်တံခါးမှခေါင်းလောင်းသံနှင့်အတူလူတစ်ယောက်အထဲကို၀င်လာလေသည်။

"အာပါး ကျွန်တော်နောက်ကျသွားတယ်"

ကျောနောက်မှစကားသံထွက်လာရာကိုလှည့်ကြည့်လိုက်သည့်တစ်ခဏ Minho ရဲ့မြင်ကွင်းထဲတွင်အချိန်တွေရပ်တန့်သွားလေသည်။

ထိုကောင်လေး၏အသွင်အပြင်ကိုမှင်သက်သွားပြီးနောက် ထိုကောင်လေး၏ Uniform ကိုတွေ့မှပို၍ပင်မှင်သက်သွားရသည်။

သူသတ်ရမယ့်ဘဏ္ဍာထိန်းမှာသောက်ရမ်းချောတဲ့သားတစ်ယောက်ရှိနေတဲ့အပြင် ထိုကောင်လေးမှာ "May I Help You" အဖွဲ့၀င်တစ်ယောက်ဖြစ်နေပါလား။

Minho မှာမာဖီးယားခေါင်းဆောင်ဖြစ်သော်လည်းယခုလိုထိပ်တန်းတာ၀န်တွေကိုတော့ကိုယ်တိုင်သာအပြီးသတ်တတ်သည့်အကျင့်ရှိလေသည်။

အလုပ်တိုင်းအမြဲတိကျသပ်ရပ်စွာလုပ်တတ်တဲ့ Minho ကဘယ်လိုကိုယ်ရေးကိုယ်တာမှထည့်မတွက်တတ်သူဖြစ်ကာလိုအပ်လျှင်အကြာကြီးလက်တွဲခဲ့‌သောလူများကိုပင်ပြန်ရှင်းပစ်တတ်သူဖြစ်သည်။

တော်၀န်အကြီးအကဲကအကူအညီတောင်းထားတဲ့အခုလိုထိပ်တန်းအလုပ်မျိုးကိုလွဲလို့မဖြစ်သည်ကိုလည်းသူကောင်းကောင်းကြီးသိပါသည်။