𝑃𝑙𝑜𝑡 𝑇𝑤𝑖𝑠𝑡

𝑌𝑜𝑢𝑟 𝑊𝑖𝑠ℎ 𝑖𝑠 𝑚𝑦 𝐶𝑜𝑚𝑚𝑎𝑛𝑑

Hyunjin ရဲ့အိမ်မှာတစ်ညတည်းပြီးနောက်နေ့မနက်ကျ တူတူပဲကျောင်းကိုသွားလိုက်ကြတယ်။ Hyunjin ကပကာသနတွေမကြိုက်တဲ့အပြင်ကျောင်းကနေအိမ်ကိုလည်း Busကားစီးပြီးသာသွားတာကြောင့် Felix နည်းနည်းစိတ်သက်သာရာရတယ်ပြောရမလား။

Bus ကားဂိတ်ကနေကျောင်းကိုသွားတဲ့လမ်းတစ်လျှောက်လည်း‌ထွေထွေထူးထူးဘာမှမပြောဖြစ်ကြပေမယ့် နှစ်ယောက်လုံးရင်ထဲမှာတော့ပန်းတွေပွင့်နေတယ်ဆိုတာကို အိမ်ကနေအခုချိန်အထိမြဲမြံ့စွာတွဲထားတဲ့လက်တွေကသက်သေပါပဲ။

"Lix"

"ကိုကို"

သံပြိုင်ထွက်သွားတဲ့ခေါ်သံနှစ်ခုကြားထဲမှာတစ်ယောက်မျက်နှာတစ်ယောက်ကြည့်ကာရယ်မိကြတယ်။

"Lix အရင်ပြော"

"ညနေကျရင် ကျွန်တော်ကိုကိုကျောင်းနားက Mini Mark မှာအချိန်ပိုင်းလုပ်မလို့"

"ကိုယ်ကျောင်းရှေ့မှာစောင့်နေမယ် ကိုယ့်ဆီကို၀င်ပြီးမှကိုယ်နဲ့တူတူသွားရအောင်"

"အင်း ဒါပေမယ့်ကိုကိုဆိုင်ထဲလိုက်မ၀င်ရဘူးနော်"

"ဟော ဘာလို့လဲ Baby ရဲ့"

"Hwang မျိုးရိုးကိုမသိတဲ့လူမရှိလို့လေ ကိုကိုနဲ့တူတူသွားရင် ကိုကို့မျက်နှာနဲ့ကျွန်တော့်ကိုမျက်နှာချိုသွေးကြမှာ"

"အမြဲသူတို့ကကောင်းပေးနေတော့ဘယ်အဆင်ပြေမလဲ ကျွန်တော်ကတစ်ခါတစ်လေလည်းရန်ဖြစ်ချင်သေးတာပေါ့"

သူရန်ဖြစ်ချင်တာနဲ့ကျွန်တော့်ကိုမလိုက်နဲ့လုပ်နေတဲ့ကောင်လေးရဲ့ဆံပင်တွေကိုအသဲယားစွာလက်နဲ့ထိုးဖွလိုက်တယ်။

"ကိုကိုကလည်း ကျွန်တော့်ဆံပင်ကိုမဖွနဲ့"

"ဒါနဲ့ ခုနကကိုကိုကဘာပြောမလို့လဲ"

"ဒီနေ့ကစပြီးကျောင်းကိုအချိန်မှန်လိုက်တက်ပါလို့ပြောမလို့လေ"

"တက်တာကတက်လို့ရတယ် ဒါပေမယ့်..."

"ပြောပါဦး ဒါပေမယ့် ဘာဖြစ်လဲ"

"Lix တစ်လုံးမှတော့နားလည်မှာမဟုတ်ဘူး ဟဲ ဟဲ"

"ကိုယ်ပြန်သင်ပေးမယ် သေသေချာချာပြန်သင်ပေးမှာမို့လို့ မှီတဲ့နေရာကနေတက်နော် ကိုကို့ကောင်လေးကလိမ္မာပါတယ်"