صللو ع النبَّي ويلاا نبـدأ ..
ليال : يارووحُي أنتي
إيلا : يلا نطلع فوق
ليال : يلا لين يجي المندوب
إيلا : تمام يلا
جاء المندوب وأكلوا وخلصو ..
ليال : أتا طالعه بيتنا أنتي نامي عشان يطلع شكلك حلو
إيلا : يوه تمام تمام
ليال : يلا أنتبهي لنفسك
إيلا : أنتي أنتبهي بترجعين لحالك ؟
ليال : أي عادي معليك برجع
إيلا : لا مارح أخليك تطلعين لحالك
ليال ضحكت : شدعوه عادي بطلع
إيلا : دقي ع أحد يجي لك طيب
ليال : مافي أحد صاحي الحين
إيلا : الا سيّاف صاحي
ليال : مستعجله ع حبيب القلللب هاه
إيلا وهي تدفها : يااورعه لاا يلا يلا بكيفك أطلعي لحالك
ليال ضحكت بقوه : أسفين أسفين معليك لا تشيلين هم أي شيء بضبط لك كل شيء وأجيك العصر نركب
إيلا : تم ياقللبي
ليال : يلا باي قلبي
إيلا وهي تأشر لها : باااي
قفلت إيلا الباب ورا ليال وطلعت إيلا فوق ..
إيلا وهي تكلم نفسها : يمه الحين بكره يييمه يمه
سمعت صوت الباب وعرفت انه ابوها : باابا
عبدالعزيز : لبيه يازووجة سيّاف
إيلا طلعت له وابتسمت بحياء : لسى يابابا
عبدالعزيز حضنها وتمتم : والله بتروحين عني قريب
إيلا شدت عليه : معليك يابابا قاعده عندك , ضحكت : ولو تبي بعد بسكن عندك
عبدالعزيز أبتسم وأخذ نفس : للحين أشوفك الطفله اللي تركض بفستانها عندي , للحين أشوفك الطفله العنيده اللي تقوّم الدنيا وتقعدها عشان حلاوه ولا علبة كودرد لو كل الناس يشوفونك كبيره! أنتي للحين طفلتي .
إيلا بغصه ودموع : باابا
عبدالعزيز رجع حضنها : ماقلنا أن البكاء لا ؟ بكره يشوفك سيّاف تبكين وتفجعينه
إيلا ضحكت بدموع : حرام عليك م أفجع انا
عبدالعزيز ضحك : أيه بدون دموع ، سيّاف أثبت لي أنه يبيك وشاريك بدم قلبه ووالله سيّاف رجال وبيحطك بعيونه ويصونك بإذن الله
إيلا نزلت راسها للكرت اللي في يدها وفتحته وهي تقرأ المكتوب فيه " تصيرين حلالي وكُل روحي ؟ " دمعّت وهي تحس بيد أبوها يربت ع كتفها وبهمس : فكري وأستخيري
ناظرت في أبوها وهي تحس نبضات قلبها مسموعه وطاحت دموعها : موافقه يابابا
عبدالعزيز بدموع : الله يوفقك يابابا تأكدي أنك بيدين أمينه وقلبك سالم دامك مع سيّاف
ناظرته بترجي : بابا لا تدمع تكفى
عبدالعزيز مسح دمعته بطرف شماغه : حاضر يابابا
إيلا تمتمت بهمس : لو عزمت ماما رح تجي ؟
عبدالعزيز تنهد : جدتك كلمتها
إيلا : تمام بابا آسفه
عبدالعزيز : عادي ياعيون أبوك يلا يلا أدخلي نامي
إيلا باست خده : حاضر
إلهام : عمرها 31 , منفصله من عبدالعزيز آل زايد وبنتها إيلا , جميلة جدًا وطيوبه , سبب أنفصالهم مشاكل بين العائلتين .
راحت إيلا تنام بعد ماصلت الوتر وأرتاحت .. نروح عند سيّاف ؟ يلا
في جناح عبدالرحمن تحديدًا غرفة سيّاف ..
سطّام : ياخي لا تتزوج توك جاي من البعثه وتتزوج
سيّاف ضحك : خلني افتك منك
سطّام : تخسي وراك وراك
سيّاف : ورع جبت ثوبي من الكواي ؟
سطّام : اكيييد ياعررريس
سيّاف أبتسم : والله بتزوجها ياسطّام
سطّام : واقع الحبيب من زمان
سيّاف : واقع وبقوه
سطّام جاء بيتكلم وقاطعه رن جواله : ثواني سيّاف
سيّاف وهو يشوف سطّام يطلع : تمام
سطّام رد على * سعود أذكركم شوي ؟ سعود اللي يساعد سطّام عشان يمسك اللي يهدد غيم *
سطّام رد عليه وبسرعه : لبيه سعود طمن شصار لقيته لقيت شيء عنه ؟
سعود : شوي شوي بسم الله عليك
سطّام مسح شعره من ورا : شصار ياسعود ؟
سعود : لقيت لك كل شيء عنه وموقعه المباشر
سطّام وهو يركض يشيل مفتاحه وينزل من الدرج بسرعه : جايك جايك وقفل ..
نزل سطّام وركب سيارته وهو يمشي بسرعه رايح ل سعود ..
