صلّو على النبَي 🥹
بعد ساعتين من البُكاء والتفكير المشوّش قامَت أخذت شاور وبدّلت ونزلت تحت بيت جدّها وهي مقرره تقول ل ليال عشان تشوف للموضوع حّل ..
دخلت غرفة ليال وهي تشوف إيلا : هاي إيلا وين ليال ؟
إيلا بأستغراب : شفيه وجهك كذا كنتي تبكين ؟
غيم بأرتباك : لا لا بس أبي ليال وينها
إيلا قامت مسّكت يد غيم وهي تجلسها معها ع الكنبّه : بسم الله عليّك غيم شفيك علميني ؟
غيم بكت وهالمَره بكت بقوه ..
خافت إيلا وهي تحضنها : بسم الله على روحك أشبك يحياتيّ ؟
غيم بعد ماهدت ورت إيلا محادثة الشخص المجهول اللي كان يهددها ويبتزّها شهقت إيلا من اللي تشوفه : لييه ياغيم لييه ترسلين صورك للغرب
غيم : والله يا إيلا ماني مرسله شيء من الصور ل أي أحدد
إيلا : خلاص أهدي أهدي تجي ليال وتتصرف
أنتظروا شوي وجات ليال تركض مبسوطه وشافت وجه غيم : بسم الله عليك ياغيمي شفييك ؟
غيم برجفه : في واحد م أعرفه يهددني ب صوري لوو يعرف أبوي م أعرف شيسوي فيني , غطت وجهها وبكت .
ليال : بسم الله عليك أهدي أهدي وريني المحادثه
سحبت إيلا جوال غيم وهي توري ليال كلام المجهول ..
ليال شهقت : الله ياخذه معليك أهدي غيمي بكلم سطّام يتصرف
غيم ببكاء : بيعلم غييث
ليال : لا م يعلمه بقول له صبر أدق عليه , دقت ليال على سطّام ..
ليال بسرعه : سطّام تكفى
سطّام بخرشه : شفيك بسم الله
ليال وهي تفهمه : تعرف غيم غيم أخت غيث ؟؟
سطّام : اي شفيه
ليال : في واحد يبتز غيم بصورها وهي مو مرسلتها ل أحد وشكله داخل حساباتها
فز سطّام : اخووو سيّاف شلون يبتزها !!؟
ليال : مررسل لها ياسطّام
سطّام : قفلي قفلي جاي أنا الحين
ليال : تمام مع السلامه
قفلت منه وهي تلف للبنات : معليك ياغيمي الحين جاي سطّام وبيوريه شغله أهدي بس
غيم بضيق مسكت راسها : آخ ياربي كيف جات له الصور كيف كيف
إيلا وهي تهديها : خلاص حبيبي أهدي أهدي كل شيء ينحل
ليال تنهدت وجلست قدام غيم ومسكت يدينها : غيم عيوني علميني كنتي بعلاقه مع أحد وترسلين له صورك ؟
غيم برجفه : لا
ليال ماحبت تزيدها عليها : تمام أهدي والحين جاي سطّام
في القاعه عند آمال ب زواج صاحبتها ..
حطّوا أغنية تحبّها آمال وقامت تتمايل عليها بغنج وكانت الأنظار كلها عليها كانت فاتنه بشكلها وجسمها وطريقة تمايلها ..
انا لو لا الغلا والمحبة والعيون السود
ما جيتك من قِصاي وقلت لك عاشق يا مغترّه
وانا أحبك ومن قلبي أحب وماني بمحدود
ولو إني ما أحبك كان ليه أزعل واتشرّه
تمايلتي زعل والا تثنيتي يا غُصن العود
أنا ما ارخصك لو إنك تزعّلتي مية مرّه
تعدّي للسحاب وخُذي النجمه من العنقود
وخلي للسهر غير الدموع صدور مسترّه
وخلي للحرير اللي على متنك لا هبّت نود
مساحة يكسي الارض بجديله والسِما غرّه
تمشي بين صفحات الوجيه البيض والا السود
تسامي لين ما يبقى بحسادك ولا ذرّه
وخلي للحرير اللي على متنك لا هبّت نود
مساحة يكسي الارض بجديله والسِما غرّه
تمشي بين صفحات الوجيه البيض والا السود
وتسامي لين ما يبقى بحسادك ولا ذرّه
تعدّي كل من يرجي التفاتاتك بكل برود
وخليهم مباليق العيون وجيه مفترّه ..
