Flipped - Alonso Bernardino

8

--

--

Nanliit ang mga mata ko nang makitang pumasok si Keira sa coffee shop kasama ang apat na babae. Napatingin din sina Erika sa kanila at nag taka kung bakit ang daming kasama ni Keira.

"Hi!" nakipag beso sa akin si Keira.

"Hi... uh?" tinignan ko ang mga kasama niya.

"Oh. Right. I forgot to tell you na isasama ko sila. They're here for some... help."

Help?

"Bakit? Anong nangyari?" tanong ni Aica.

Umupo sila sa table namin. Buti nalang sa malaking table kami pumwesto kaya nag kasya kaming lahat. Katabi ko si Erika at Keira, sa tabi naman ni Keira ay sina Aica at Kim. Sa harapan namin ay ang apat na babaeng kailangan daw ng... tulong ko?

We ordered some food and drinks first before we settled for a talk.

"Since tungkol 'to kay Sofia Haniel at alam kong galit ka sa kanya, sinabihan ko na rin sila tungkol sa plano mo," Keira started.

I looked at her in disbelief. "But I thought satin satin lang 'to?"

"I know. I'm sorry. Pero galit din kasi sila kay Sofia at matagal na rin silang nag papatulong sa akin. They're here to ask you for help. Gusto rin nilang gumanti kay Sofia. Actually, hindi naman gumanti. Isumbong lang..."

"Isumbong? Bakit?" tanong ni Erika.

"Sofia Haniel has been cheating on exams. Hindi lang sa exam. Pati na rin sa mga quizes and activities."

Pare pareho kaming nagulat doon.

"What?!" si Erika.

Tumango tango silang apat. "Kaya nagagalit na kami. 'Yong dapat na top 1 namin, laging pumapangalawa dahil sa kanya."

"I thought she's a smart woman?! Pinaka matalino sa batch niyo?" gulat na tanong ni Erika.

Umiling sila. "She's always cheating. Madalas namin siyang mahuli."

"The hell!"

"Bakit hindi kayo nag susumbong?" tanong ni Aica.

Nagkatinginan silang apat at bigong umiling.

"Wala kaming lakas ng loob. Sofia's already on the top. Marami siyang kaibigan. Even Alonso, ka-close niya ulit ngayon. Natatakot kami na baka kapag sinumbong namin siya, balikan niya kami gamit ang mga kakampi niya."

"Yeah. We don't know what she can do. Kaya niya ngang mag cheat para lang umangat."

"Baka mamaya kami naman ang baliktarin niya."

"True! Baka gumawa 'yon ng kwento na nagche-cheat din kami sa exam kahit hindi naman. For sure kahit wala siyang ebidensya, makakahanap at makakahanap siya kahit na ba fake evidence!"

"Wow," hindi makapaniwalang natawa si Erika. "All this time akala ko matalino siya! She's always the top of her class back when we were still in high school! She became famous because of that! I even idolized her pero nag che-cheat lang pala siya?!"

"We have evidences," nilapag ni Keira ang cellphone niya sa table.

Sabay sabay naming tinignan 'yon.

"Hindi namin siya ma-picturan kapag exam dahil pinapalagay sa table ng teacher ang mga cellphones. Pero na-picturan namin siya noong may kinukuha siya sa locker niya. Shaira here, katabi niya lang ng locker si Sofia."

Tinuro niya ang babaeng nasa tapat ko. Shaira nodded.

"Saktong may kinukuha rin ako no'n sa locker ko. I saw some weird papers in Sofia's locker. Hindi naman naging maingat si Sofia. Maybe because she thinks no one would dare report her. Mabilis kong pinicturan ang mga papel at umalis."