ليله الفهد

البارت الثاني

*لــيلــة الفهــد 💖.*
*الجزء 2 💖.*
فى المساء في قصر فهد المنياوى
يدخل فهد يجد عمته وفاء جالسه يذهب لها
فهد :مساء الخير
وفاء:مساء النور ياحبيبي عامل ايه
فهد :الحمد لله تمام..منه عامله ايه
وفاء:تمام الحمد لله... لسه في السنتر
فهد :هبعت مالك (السواق) يجيبها
وفاء:ماتتعبش نفسك هى هتبات النهارده عند ليله
فهد وقد جذبه الاسم ولا يعرف لماذا :ليله مين؟!
وفاء:صاحبتها
فهد:اسمها ليله
وفاء:ماله الاسم
فهد :لا استغرت انه مش ليلى لا ليله.... بس بصراحه حلو
وفاء:امال لو شوفتها هتقول فتنه ماشيه على الارض وياما نصحتها انها تلبس نقاب بس دايما تاخدها بهزار وتقولى انى بس الى شايفاها كده عشان بحبها
فهد :مش للدرجادى يعني عادى بنت عاديه
وفاء:هههههههه معزور اصلك عمرك ماشوفتها ده غير طيبتها وبرائتها وروحها الحلوه البنت دى كفيله انها تطلعنى من اجمد مود اكتئاب
فهد وقد احس ان الحديث عن هذه الفتاه قد اخذ اكتر من الازم وهو الامر الغير معتاد عليه:تمام.
وفاء :اطلع ياحبيبي غير هدومك على مااقولهم يحضرو العشا
فهد:اوك
صعد فهد الى الجناح الخاص به فهو لا يسمح لاحد بدخوله حتى زوجته رانيا لها جناح خاص بها وقد حاولت كثيرا وباستماته ان تعيش معه فى نفس الجناح ولكنه دائما كان يقابلها بالصد والرفض. دخل الى حمامه واخد دوش سريع وارتدى بطال بيتى اسمر مع تى شيرت ابيض اظهر ضخامته وعضلات جسده. دقائق ودق الباب وكانت الخادمه تبلغه بأن العشاء جاهز وانصرفت من على الباب فى غير مسموح لها بالدخول..
نزل فهد الى حيث السفره الكبيره والتى توجد مقابل درج السلم وجلس على راس الطاوله وقد كانت عمته جالسه على جانبه وبجانبها كرسى منه الفارغ وبجانبها حسن شقيق فهد وعلى الجهه الآخرة توجد سهير ام رانيا دقائق ونزلت رانيا كانت ترتدى فستان قصير يكشف عن معظم صدرها وعارى الظهر وتضع مكياج صارخ وترتدى كعب عالى. فقد كانت وكأنها ذاهبه لحفل او عرس وليس لتناول العشاء ولكن لم يندهش اى منهم فهى دائما ترتدى هكذا
رانيا :مساء الخير ياحبيبي
فهد :مساء الخير يا رانيا
رانيا بعتاب:مش تقولى حمدالله على السلامه كل مره كده ارجع ماتبقاش موجود
فهد بلا مبالاه:انتى طيارتك كانت راجعه الفجر وقلت اكيد هتيجى تنامى على طول وعموما حمد الله على السلامه
حسن:هى منه فين. ابتسم فهد ورفع حاجبه بتسليه
وفاء:بايته عند ليله صاحبتها
حسن:اووووو الصاروخ الأرض جو دى
فهد وقد انتبه لكلام حسن لتانى مره يذكر اسمها امامه وفى نفس اليوم اسمها الذى له صدى غريب على أذنيه ولكن مهلا لما يتغزل الجميع في جمالها هكذا وليس اى شخص انه حسن الذى لا يعجبه العجب. خرج من افكاره على حديث عمته وفاء
وفاء:حسن لم نفسك انت عارف انا بحب البنت دى جداً دى بنت مؤدبه ومحترمه وبتحب منه جدا ومنه بتموت فيها
رانيا وقد غارت كثيرا من الحديث عن هذه الفتاة نعم فهى تعلم انها اخت زوجها المتوفى آدم
رانيا :على فكره يعني ياحسن عاديه جدا
حسن بنظرة استحقار لرانيا:لا طبعا مش عاديه ده يابخت امه الى هيتجوزها
وفاء:خلاص نجوزهالك
انتبه فهد لجملة عمته ونظر الى حسن الذى قال:يااااريت
وفاء:تمام...
حسن:لا الى فى القلب فى القلب وانتى ادتينى كلمه بعد فرح غاده هنتجوز هى صحيح هترجع امتى
فهد :خلاص كلها شهر وتناقش وترجع وهنعمل الفرح على طول خطيبها وأهله مستعجلين اوى وهى كمان طولت سنتين بتاخد الماستر
رانيا:مش عارفة ايه لازمته هى مصاريف وخلاص.. فهد وقد رماها بنظرات ناريه كافيه لقتلها
رانيا :اسفه... نظر لها الجميع شزرا تحت نظرات امها الغاضبه لتفوها بحماقات لن تغير شئ. واكمل الجميع طعامه في هدوء
*******في منزل ليله
كانت الفتيات قد انتهين من المذاكره
منه:اووووووه اخيرا بكره اجازه ومافيش مدرسه
ليله :من اسعد ايام حياتشى
لين :تعالو نعمل كيكه
ليله:اراك توزع من مال امك������
لين:خلاص بلاش كيكه... وقد التمعت عيناها نخليها مكرونه بشاميل
ليله بصدمة :دلوقتى
منه:اه يا سلام وانتى الى تعمليها كمان
لين:يلا ياليله بقا
ليله :انتو ليه محسسنى انه البيت بيتكو
لين ببجاحه هزت اكتفها بلا اكتراث:ماهو البيت بيتنا فعلا
منه بنفس البجاحه:يابنتى انا متربيه هنا
ليله:بس دى الساعه واحده بالليل
لين:ده انتى الى هتعمليها كمان
ليله :نعم
لين ومنه بصوت واحد :عايزن ليله عايزين ليله عايزين ليله
ليله :بس يامجانين بس هتصحوا الجيران
لين بهيام:هيييييييح �� ياريت يصحوا
منه وليله:هههههههههه
ليله:على فكره لازم تتقلى شويه
منه:اه صحيح ده انتى اول مابتشوفيه عنيكى بتطلع قلوب على طول
لين :اعمل ايه بمووت فيه... ثم هتفت فجاءه يلا المكرووووونه يا ليلتى
ليله وهى تذهب إلى المطبخ:امرى لله يلا ورايا نهد المطبخ... وذهب الثلاثة فتيات للمطبخ. منه وهى تقوم بتشغيل كاميرا الفيديو وتقوم بتسجيل فيديو لهذه اللحظات المرحه بينهم كما اعتادو دائما
منه :يلا يابنات هنسجل فيديو
لين:ايوه بقا ويالا
ليله وهى تتحدث للكاميرا :مش عايزاكو تيجو بيتى تانى
لين محدثه الكاميرا ايضا:والنهارده الشيف ليله البحراوى بنفسها هتعملنا مكرونه بشاميل وبانيه
منه:وكيك بالشكولااااا
ليله:عاااااااااااا ارحمنى يارب
منه:وهاخد منها لماما كمااااااان.. ثم قاموا جميعا ياللعب بالدقيق والبيض والعجين والشكولا السائحه وقد التقطوا صورا عديده لهم وهم بصنعون المكرونه واخرى كثيره وهم يقذفون بعض بالدقيق والعديد والعديد وهم ملطخون من سائل الشكولا على فمهم ووجههم واخرى لصور الطعام الشهى الذى صنعته ليله
منه:امممم واو ياليله انتى بجد لازم تروحى مسابقة الطبخ
لين:انا شبعت جدا بس مش قادره ابطل اكل
ليله:وجدعنه منى هعملكوا بكرا فوتوسيشن فرى بعد الفطار كمان
منه ولين فى صوت واحد:وااااااااو
ثم ذهبوا للنوم فى سباط عميق بعد هذا اليوم الشاق من المدرسه والدروس والمذاكره واخيرا وصلة المرح المتعبه هذه
********فى قصر فهد المنياوى داخل مكتبه كان فهد سارح فى حياته التى يعيشها ويتذكر كلام صديقه فجاءه دق الباب اذن للطارق بالدخول وكانت عمته وفاء
وفاء :لسه صاحى ياحبيبي ده الساعه بقت2
فهد:ماده العادى بتاعى يعنى انتى ايه اللي مسهرك
وفاء:كنت بكلم منه اطمن عليها
فهد باستغراب:ايه ده هى لسه صاحيه اصلا
وفاء :لسه صاحيه ده المجانين قاموا عملوا اكل دلوقتى ونازلين رقص وهيصه خالص
فهدوقد حاول الا يتحدث عن هذه الفتاة (ليله) مره اخرى:بس لازم تنام الوقت اتاخر
وفاء:لا ماهى نامت خلاص... هبعتلها مالك بكره يجيبها
فهد :هو عارف طريق بيت صاحبتها
وفاء :اه طبعا مش وصلها كتير هناك
فهد:تمام
وفاء وقد لاحظت لمحة الحزن في عينيه فقالت وبدون اى مقدمات:اتجوز تانى يافهد
فهد :اول مره تقوليها
وفاء:انت تعبت كتير فى حياتك لا عمرك فرحت ولا عيشت طفولتك ولا حتى شبابك.. رانيا بنت اخويا صحيح بس مش كويسه من جواها عايشه فى دور سيدة القصر والنوادى والجمعيات وسيدات المجتمع... انت محتاج تعيش محتاج واحدة تعيشك الحياه وتطلع فهد الى بجد مش فهد رجل الاعمال الملياردير الارستقراطى الى بيحافظ على الشكل الاجتماعي المنمق
فهد بتنهيده حاره:هو انتى وكمال متفقين عليا النهاردة ولا ايه
وفاء:عشان انا وهو اكتر اتنين عارفين انت تعبت اد ايه وجات عليك ايام صعبه ونفسك فى صدر حنين يضمك وواحده تاخدك وتطير بيك وتعودك عمرك الى راح منك في المناقصات والبورصه وتكبير شركاتك.. رانيا عايشه لنفسها وبس يا فهد
فهد بياس :انا خلاص اخدت على الحياه دى وشوفت ستات كتير وقليل مافيش واحده قدرت تدخل قلبى لحد مابقيت متأكد انها مش موجودة
وفاء:اسمها لسه ماقبلتهاش بس ما اكيد موجوده وحاسه انك هتقابلها قريب اووى
قهقه فهد عاليا :انتى ايه حكايتك انتى وكمال لسه قايل نفس الكلمه وانا بقولك عمره ماهيحصل مافيش واحده تقدر تهز كيان فهد المنياوى وتدخل قلبه
وفاء:ربنا يعملك إلى فيه الخير يابنى... يلا اطلع نام
فهد :اوك
وفاء :تصبح على خير
فهد :وانتى من اهله
ذهبت وفاء للنوم وبعدها بدقائق كان فهد يصعد درجات السلم للذهاب لجناحه ولكن قابلته رانيا وهى تغادر غرفة والدتها :ايه هتنام
فهد :اه تصبحى على خير
رانيا وهى تحاول اغراءه:طيب تعالى افرجك على الحاجات اللي اشتريتها
فهد وقد فهمها:تمام
بعد وقت كان فهد فى فراش رانيا يقوم بالتقاط سيابه
رانيا:طب بات معايا.... رمها فهد بنطرات كافية لاسكاتها
فهد:وانا امتى عملتها انتى عارفه اني عمرى ما هعملها.. ثواني وكان يغادر جناحها ودخل الى جناحه اخذ دش سريع واستلقى على الفراش يحاول النوم ولكن جاء حديث عمته وصديقه كمال فى اذنيه مره اخرى لكن نفض كل هذه الأفكار من رائسه واستسلم للنوم
*بقلمي يويومحمد*
كانت منه تدخل لحديقة القصر حيث تجلس عائلتها وتجرى وتقفز بمرح
منه:ياصباح الحلويات الشرقيه على عائلتى الكريمة
فهد :اممممم شكلك جايه مبسوطه
منه وهى تقفز من السعاده:جدا ياعمو
ابتسم فهد :وياترى ايه سبب السعادة معقول كل ده عشان كنتى بايته عند صاحبتك
منه :امممم واكتر
وفاء :هى عامله ايه
منه بضحك:طلعنا عنيها.... هههههههه قالتلنا هعملكوا فوتوسشين فرى هريناها تصوير ده انا اتصورت صور لسنتين قدام
وفاء :طب ليه كده تتعبيها
منه:بصراحه لاقيتها فرصه فقولت اغتنمها
فهد :وليه كده مانا اجيبلك احسن فوتوغرافر في مصر كلها
منه :لأ طبعا عمره ماهيكون زى ليله
رانيا بغيظ:لا شغلها عادى خالص
وفاء:لأ خالص البنت فعلا موهوبه
حسن :فعلا
وفاء:مع انها بنتى بس كل مره بتصورها ليله بتخلينى اشوفها بعين تانيه حاجات كتير مستخبيه هى بس الى بتقدر تطلعها
فهد :معقول
منه باندفاع وحماس:طبعا لازم تشوف
وقامت منه بعرض الصور الخاصه بها هى ولين والتى قامت ليله بالتقاطها.. وقد لفتت حقا اعجاب فهد وبجدارة
فهد:معقول دى مصورة متدءه لأ فعلا برافو
حسن :ماتخليها تعملى فوتو سيشن يا منه
منه وقد ارادت الا ترد اول طلب لمعشوقها نعم فهى تعشقه من صغرها :طب ثوانى هكلمها.. التقطت منه الهاتف وقامت بمحادثه ليله
منه:صباح الخير
ليله:صباح الزفت على دماغك... عايزه ايه تاني
منه بضحكه عاليه جذبت الجميع حتى فهد الذى كان يجاهد نفسه حتى لا يتابع اى حديث يخص هذه الليله ولكنه لم يستطيع
منه :اكيد وحشتك
ليله :لأ وبصى مش عايزه اشوفك انتى والحيوانه التانيه لمدة شهر عاااااااا
منه :ههههههههه ربنا يخلينا ليكى ونطلع عينك
ليله:حرام عليكو مكرونه وبانيه وكمان كيك شكولا وانتى يامفتريه تتصورى 340 صوره
منه:شكلك كان يموت من الضحك وانتى بتتسحبى تجيبى الكاميرا
ليله بضحكه:اه شوفتينى وانا بطفش القفل
منه بضحكه عاليه:لا وانتى سيبانا نراقبلك الجو طب ادينا اتقفشنا وتعالت ضحكات منه وسط اندهاش فهد ومحاولة كبت ضحكاته على ماحدث ولكن ظهرت ابتسامته وسط ضحكات وفاء وحسن وحنق رانيا ووالدتها
منه:المهم ياليلتى
ليله:اطلبى انا برضو قولت الاتصال ده مش لوجه الله
منه:بصراحه اه.... بصى حسن ابن عمى عايزك تعمليلو فوتوسيشن
ليله:عاااااااا حرام عليكو هتموتنى ناقصه عمر وبعدين مش ده اخو فهد باشا جوز الهانم لا والف لا
منه بصوت خافت:ليله ده حسن ها
ليله وقد فهمت فهى تعرف بحب منه لحسن:عشان خاطرك انتى بس
منه:حبيبى ياصغنن
ليله:ههههههههه انتى كمان
منه:ماهى تيتا فايزه هى السبب.... المهم ميعادنا بكره تمام
ليله:تمام.. سلام بقا عشان ماما بتنده هروح انضف المطبخ من الجريمه الى عملناها حسبى الله ونعم الوكيل فيكو
منه :هههههههه سلام يا صغنن
فهد :ايه صغنن دى
منه:جدتها ومامتها بيدلعوها بيه
حسن :ها اتفقتوا
منه:تمام بكره بعد المدرسه
وفاء :يلا افطرى ياحبيبتى
منه :لأ ليله عملتلنا كيك تحفه اكلناها انا ولين كلها عشان مانسيبلهاش خالص كان شكلنا يموت من الضحك.. ضحك الجميع حتى فهد الذى حاول كبت ضحكاته ولكنه فشل
**********عند ليله
كانت ليله ولين جالسون يتحدثون
ليله:هنعمل ايه يا لين مافيش حل تانى غير الجواز
لين:عندك حق اوعى تعملى كده ده جواز مش هزار
ليله:طب وايه البديل الجواز هو الحاجه الوحيده اللي هتخلينى اقدر ادخل بيتها واعرف عنها بلاويها وساعتها هلاقى الف دليل ودليل انها هى الى قتلت اخويا ان شاء الله حتى اسجلها
لين:طب وجوزها ده هتعملى فيه ايه
ليله بتهكم:فهد الاقتصاد ها الدنجوان هههه ماتخافيش مش هياخد باله من وجودى اصلا انا بالنسباله ضيفه وهو سبيه غرقان مع الستات الى حواليه
اااااااه الله يرحمه ابيه ادم كان بيحبها ومش شايف غيرها عمره ماقدر يشوف اى واحده غيرها بس هى قتلته عشان تروح تتجوز واحد بيخونها مع ستات الدنيا كلها وهى عارفه وعادى عشان الفلوس قوليلى ايه لازمة الفلوس بقا بس اقولك هما الاتنين يستاهلوا بعض اكيد هو انسان زباله زيها
لين :اهدى يا ليله وحاولى تنسى
ليله:هنسي بس بعد ماانتقم وارتاح ولحد ماعمل كده هفضل فى نفس التعب والوجع كل يوم عشان كده لازم ننفذ بسرعه. سكتت ليله فجاءه
لين :ايه سكتى فجاءه ليه
ليله:هنعمل ايه فى ماما وتيتا دول مايعرفوش حاجه وفاكرين ابيه آدم مات بازمه قلبيه والاهم من كده شادى هو الى عارف كل حاجه ورافض فكرة انى انتقم اعمل ايه
لين:شادى مقدور عليه وهلاقى حل اما مامتك وجدتك هما دول المشكله الكبيره
ليله:تيتا المفروض انها تسافر تعمل عملية قلب مفتوح بس ماما اجلتها عشان امتحانتى فاضل عليها شهر والعمليه هتاخد وقت طويل ممكن يكون شهور وماما مستنيه اخلص امتحانات الثانوية العامة الاول
لين :خلاص يبقى هو ده معادنا بس انا خايفه لاتكون مامتك ناويه تاخدك معاهم
ليله:يانهار ابيض دى تبقى قفلت من كل ناحيه..... قطع حديثهم صوت طرقات على الباب فذهبت لين وفتحت وجدت شادى يقف امامها
شادى بابتسامة جذابه:صباح الخير يا ليو
لين بخجل:صباح الخير يا شادى اتفضل
ليله من ورائهم :شيفاكى بتقولى اتفضل وكده والعشم واخدك اووى هو انتى ليه محسسانى انه بيتكو... ضحك لين وشادى على حديثها ودخل شادى واغلق الباب خلفه وقام باحتضان ليله وهى ايضا قامت باحتضانه
شادى:كده طول اليوم امبارح ماشوفتكيش
ليله:غصب عني والله انت اصلا وحشتني جدا وكنت هطلعلك النهارده
شادى:انا طول الليل سامع عندكو تخبيط واصوات عاليه كنتو بتعملو ايه يامجنونه انتى وهى
لين بحماس وضحك:ههههههه عملنا مكرونه بشاميل وبانيه وكمان كيك بالشكولا الساعه واحده الفجر
شادى :اه يا مجانين قال هذا وهو يمسك بوجنتى ليله بيديه فقالت ليله:سيب خدووودى مش هتبطل الحركه دى عقدتنى
شادى:ماهما الى مقلبظين ومدورين يا صغنن... تعالو يلا اشرحلكو الى عايزين تفهموا وانتى ياست لين هاتى دروس الفيزيا الى مغلباكة
جرت لين وليله بحماس وذهبوا لجلب الكتب الخاصه بهم
********بعد مرور شهر كانت ليله ولين يستعدون لامتحانات نهاية العام وفهد منشغل بإدارة شركاته ويعاونه صديقه كمال اما رانيا ووالدتها فكانوا منشغلين بالسهرات والحفلات وسط طبقات المجتمع الراقى
********فى مكان اخر وهو قصر ضخم لعائلة البحراوى. يجلس الجد فى حديقة المنزل ويدخل اليه شاب فى الثلاثين من عمره انه مروان البحراوى مدير شركات البحراوى جروب
مراون:صباح الخير يا جدو
الجد بحزن:صباح الخير
مروان:والله ياجدو مش ساكت انا عرفت انها موجودة وماماتتش زى ماامها قالت
الجد :طب عايشين فين.. اكيد مش فى القاهرة عشان مانقدرش نوصلها
مروان :انا فكرت في كده برضو وناشر رجالتى في محافظات مصر كلها المشكله ان مش عارفين شكلها ايه ولا معانا حتى صوره ليها وهى صغيره
الجد :لاقيهالى يامروان باى طريقة وباى طمن
مروان :حاضر يا جدى
الجد:اخبار الشغل والمجموعة ايه
مروان:تمام وداخلين شغل جديد مع مجموعة المنياوى
الجد :مش دى الى صاحبها فهد المنياوى الى مسمينه فهد الاقتصاد ده انا اسمع انه راجل صعب اوى
مروان:جدا مابيهزرش ومافيش اى حاجه تهزه وماعندوش عزيز ولا غالى بس بصراحة الشغل معاه هيفدنا كتير والشهر الجاى هنسافر الجونه عشان القريه الى بتتبنى هناك وهو هيكون موجود عشان الخبراء الالمان جايين
الجد:على خيرة الله بس حرس منه يابنى
مروان:ماتخافش ياجدى العقد إلى بينا فيه ضمانات كتير اوى
الجد:تمام
***********بقلم يويومحمد***
فى المدرسه عند ليله. بعد انتهاء الاختبار
ليله:ها عملته ايه يا بنات
لين:تمام ممكن اوقع درجه او درجتين
منه :وانا كمان انشاء الله درجه كده.. انتى عملتى ايه
ليله:لا انا تمام احتمال كبير اقفل
منه ولين:طول عمرك دحيحه
ليله:الله اكبر الله اكبر خمسه عليا خمسه
ضحكوا جميعا على هزار صديقتهم المشاكسه
ليله:مابقاش فى وقت ولازم نبدأ نحط الخطه الإمتحانات قربت تخلص
لين:طب تعالو نقعد هنا ونتكلم.. وبالفعل جلست الفتيات وكل واحدة منهم بفكره حتى توصلوا الى وضع الخطه النهائيه بعد وقت طويل
منه:كده تمام وانا اول ما اروح هنفذ على طول
لين:تمام اووى انتى مامتك هتسافر امتى ياليله
ليله:بعد اخر امتحان ليا يعني الأسبوع الجاى هى خلاص٦ جهزت الورق وكل حاجه وكمان شادى طالع رحله اسبوعين مع صحابه يعني ده انسب وقت عشان نحطه قدام الامر الواقع
لين:الخوف ان مامتك تكون هتاخدك معاها
ليله:لا طبعا خايفه تخرج بيا من المطار لانها عارفه نفوذ جدو واصل لحد فين وكده هيقدرو يوصلولى وانا قولتلها انى هقعد طول اليوم معاكى انتى وطنط وكمان شادى هياخد باله منى
منه :تمام يبقى نبدأ التنفيذ بس انتى وعدتينى يا ليله عمو فهد مش هيتاذى
ليله:والله ياستى ماهيتاذى ارتاحى بقا
منه بتنهيده ارتياح: تمام يلا بينا
فى شركة فريد النجار المنافس الاول لفهد المنياوى
فريد لاحد رجاله :اخد الصفقه برضو ماشى يا ابن المنياوى انا هوريك
المساعد :يافريد باشا ده فهد الاقتصاد ماحدش يقدر يقف قدامه
فريد بغضب:انا هوريه اتفضل انت من قدامى خرج مساعده وجلس فريد على مكتبه وقال:هنشوف انا ولا انت يابن المنياوى
*********فى المساء فى قصر٦ فهد المنياوى دخل فهد وجد وفاء جالسه والقلق بادى على وجهها فذهب اليها وقال :مساء الخير
وفاء:مساء النور... كويس انك جيت منه عندها مشكلة كبيرة اوى بتقول هتوديها فى داهيه ومستنياك وبتقول انك الوحيد اللي تقدر تساعدها ورافضه تحكى اى حاجه لاى حد
فهد :خلاص خليها تجيلى على المكتب
وفاء:حاضر وذهبت مسرعه لمنه التى نزلت مدعيه الحزن الشديد طرقت على غرفة المكتب فاجاءها صوت فهد الرجولى الجذاب :ادخل.... دخلت منه تتخبط من الارتباك وقد وجدت والدتها جالسه مع فهد ولكنها استجمعت شجاعتها امامهم
فهد:ايه اللي حصل يامنه
منه:انا عملت مصيبه ياعمو والى هيتاذى فى اعز صحباتى.. عقد فهد حاجبيه بعدم فهم فاستطردت منه تحكى ماحدث
منه:انت عارف ياعمو اننا بعرف في شغل الهكر وساعات باخذها كترفيه يعني بس من يومين قبل الامتحان اتراهنت انا وزميلتى فى المدرسة اننا ندخل موقع المدرسه ونعرف نجيب الامتحان.. اتسعت أعين فهد ووفاء من الصدمه فابتلعت منه ريقها واردفت بتوتر وهى تفرك يدها بس انا والله ماغشيت انا بعد ماجبت الامتحان لاقيت مبعوتلى رساله على موبيلى من رقم غريب ففتحتها ولاقيتها من سبايدر.. عقد فهد حاجبيهه باستغراب وقال:مين سبايدر ده
منه :ده واحد محترف هاكر وماحدش يعرف اسمه الحقيقي ولا عمره ولا حتى منين كل الى معروف عنه أنه اسمه سبايدر
فهد :وهو عايز منى ايه
منه ببكاء مصطنع:كان مراقب الجهاز الى انا داخله من عليه وعملى فيديوهات وانا بخترق جهاز المدرسة ودلوقتي بيهددنى انه هيقدم الفديوهات دى للمدرسة ويرفدونى أو ياخد مليون جنيه
وفاء بنحيب:يانهار اسود يانهار اسود مستقبلك هيضيع يانهار اسود
فهد بغضب:طب خليه يقدمها كده وشوفى انا هعمل فيه ايه...
منه :مش هتعرف توصلو ياعمو فهد مصر كلها بتدور عليه ومطلوب من المافيا الروسية كل دول مش قادرين عليه
فهد:خلاص ياخد المليون جنيه ويحل عننا انل هديهمله مالكيش انتى دعوة
منه:ماهو خلاص مابقاش عايز المليون جنيه وكمان وعدنى يسلمنى اصل الفديوهات
فهد:وده مقابل ايه
منه:يتجوز ليله.... شهقت وفاء
وقال فهد:هيستغنى عن مليون جنيه عشان بتجوز واحده
وفاء:ماعذور مانت ماشفتش ليله بس ياحبة عينى هى ذنبها ايه تضحى بنفسها عمرها ماهتوافق
منه بعياط:وافقت وافقت ياماما هتضحى بنفسها عشان مستقبلى بس انا اتصرفت.
فهد:ازاى
منه:قولتله انها متجوزه
فهد:وسكت بالسهوله دى
منه:سكت وخاف لما عرف هى متجوزه مين
فهد:مين
منه:احمم قولتله متجوزه رجل الأعمال فهد المنياوى.... شهقت وفاء وانتفض فهد بغضب :انتى بتقولى ايه انتى ازاى تعملى كده
منه :مش دى المشكله ياعمو المشكله انه اخترق موقع الوزاره وعرف أن مافيش اى قسيمة جواز باسمها رجع كلمنى فى نفس اليوم وجدد تهديده تانى بس انا قولتله أن حصلت ظروف وانكو هتوسقوا العقد كمان يومين
فهد:انتى اتجننتى يامنه هتجوز عيله
منه:انت اضمن منه ياعمو ده واحد مانعرفش عنه حاجه انا كل اللي اعرفه انا دايما بيسافر وهما تلات شهور بس الى قاعدهم في في مصر وبعد كده تطلقها لكن هو لو اتجوزها كده تبقى ليله ضاعت
فهد:واهلها هنعمل فيهم ايه وهتقنعهم ازاى
منه:مامتها وجدتها مسافرين بكره عشان جدتها هتعمل عملية قلب مفتوح وهيقعدوا هناك كذا شهر على مايرجعوا هيكون هو سافر وتطلقوا والحكايه تخلص
وفاء :وافق يافهد انت راجل مش خسران حاجه ذنبها ايه ليله تشيل غلط بنتى بس هى عشان صاحبة جدعه ضحت بنفسها يكون جزاتها كده
فهد بعد الضغط عليه:خلاص الى تشفوه
********خلص البارت ياترى ايه اللي هيحصل وفهد هيتعامل مع ليله ازاى؟
ليله هتعيش ازاى فى قصر المنياوى؟ وياترى رانيا هتسيبها فى حالها؟