في دشرة كبيرة معروفة بكرم ناسها وطيبة قلوبهم فما عايلة الشارد عايلة من اكبر العايلات في الدشرة معروفين برشا بما انهم البذخ والرزق لي عندهم مكسبو حد في الدشرة اذيكا سلالتهم متواصلة من اول الدنيا معروفين مياخذو غير من بعضهم ولد العم لبنت العم ولي يموت مالجدود يخلي الوصية هاذي وهيا متواصلة.. مفماش عبد في الدشرة ميعرفش ليلى بنت منصف الشاردة الطفلة الوحيدة لي خرجت برا الدشرة وبوها وافقها وتحدى العباد على خاطرها وقراها في العاصمة وكانت مالاوائل كانت الفخر بالنسبة ليه وكان فرحان ببنتو برشا هيا حبت تقرى وهوا قراها في فترة دخولها لجامعة في العاصمة لكلامات كثرو وكان كل من يذكر اسمها في الدشرة يتحاسب ويتشرد وماعاد يعرفو عليه خبر من وقتها معاد فما لي يذكرها بالخايب بلعكس لبناوبت ولات تحب تقرا وتخرج تعمل كيفها..
___________
في حوش عربي كبير يوسع الدشرة كاملة كانت عايلة المنصف الشارد ملمومين عالطاولة يفطرو ويضحكو لين جا واحد مالخدمة وعطى لسي منصف جواب وقالو لي جابهولو راجل ملثم وقالو الجواب هذا مايكون كان في يد المنصف الشارد استغربو الجماعة ومنصف اولهم اما محبش يحلو قال خلي بعد الفطور
_المنصف: ياجميلة متڨوليليش وينها الطفلة ليلى مبانتش اليوم صبحية كاملة؟
_والله يا سي المنصف لا ندري قالولي الحراس لي هيا خرجت الصبحة مع الفجر للاسطبل توكل في المهرة متاعها وبعد خرجت بيها للغابة ماك تعرفها مترتاح كان كي تعمل اكا الدورة الصباح بالمهرة
_ياولاهي حال ناديلي ولدك محمد ڨوليلي ليه يوڨف عالسلعة في الدبو وهوا نهار وطول شاد اكا المرى عيفها في روحهاا
_هههه عروس جديد ياسي المنصف اش تحبو يعمل وغمزتلو
_هههه استغفر الله يا ربي بري بري جيبي ليا برنوصي خنوڨف على الرجال نكبسهم شوي
______________
قاعدة تحت شجرة ورابطة المهرة بجنبها شعرها يلعب بيه الريح وهي تخزر لسماء وتتخيل في حاجات مزيانة كيفها بعد وڨفت جات ماشية للدشرة تعرضها خديجة (بنت الخديمة)تلهث وتجري من بعيد منضرها ميطمنش بالخير استغربت وفي نفس الوقت قلبها قبض عليها يا ربي قدر الخير ملمصيبة لي في الثنية ...
_خديجة:هااااا ليلىىىى بابا المتصف ڨال ليك ايجي تووو تو
ستغربت ليلى من كلامها بوها اول مرة يقلها تجي وهي في الغابة يعرفها مترتاح كان فم وهوا ميحبش يقلقها تفجعت
_مقالكش اش حاشتو
_لالاا ا ليلى لا مكنتي ضاهر خلوڨو في صباتو
_ربي يقدر الخير
هزت المهرة ومشات يدها على قلبها شنيا المصيبة لي تستنا فيها
