يدور في الحوش هايج وعينو يلمعو شر وبجنبو ولدو محمد لي ميبعدش عليه في الحالة وللة جميلة ملطوخة في الارض ضاهرة كلات على راصها طرايح تبكي وتمخط
دخلت ليلى كي رات حالة امها اكك وبوها وخوها واڨفين هكك تفجعت مخها بدا يهز ويجيب مفهمت شي مشات تجري باش تمشي لامها لي فمها دم وعينها زرڨة جبدها خوها محمد من زندها جات تحت رجلين المنصف
_واحد فيكم يفهمني شصااير بابا امان شبيها حالة امي هكاكا قلي جات باش توقف دزها المنصف برجلو وحدف عليها تصاور كانو قادرين باش تفهم الحكاية لكل راصها بدا يهز ويجيب شكون صورهم؟شكون جابهم؟اش باش يصيرلي؟؟
خظرت لامها بكل خيبة ومذلة خزرت لبوها لي خانتو في شرفو وقدرو لي خانتو في تربيتو وثيقتو
بصوت متقطع غالب عليه البكاء
_با..با
متحس كان بكف طرشقلها فمها بدم
_نتي خنتني طعنتني في شرفي تحديت لكل على جالك قريتك في العاصمة وعاندت خويا لكبير وطيحتلو كلمتو في خاطرك في لخر تطلعي تتهوملي في العاصمة يابنت الكلب؟؟؟منهو هذااا اه منهو لي معاه في التصاور منهو لي خلاك اطيح قدرك وقيمتك على جالوو ؟وناا قلت بنتي تقرا ومعليا راص بوها؟؟؟
_هاااا بابا يا حنين راني ولاهي ناوية باش نڨولك راني منخبي عليك شي الطفل اذكا نحبو ويحبني وباش نعرسو مكلمتش كلامها وطاح بوها يصوت فيها ويسب وامها تجي تحز تاكل المصبت هي زادة كانت تحت يدين بوها تتخبط بدنها معاش حاسة بيه وجها ينزف تجي شتقوم تطلب السماح وتسلم على بوها يدزها يوكلها ضعف الضرب لي كلاتو ساعة وهوا يضرب وهي تتخبط كلحوتة تحتو الخدام يتفرجو ويسرى مرت محمد زادة تتفرج وتبكي ملشي لي ترا فيه جميلة معاد قادرة على شي تدعي باش يسيبها عايشة وكهو
كمل شبع ضرب بيها وشاور لمحمد باش يهزها
_هزها من قدامي معاش نحب نرا منضرها فيسع هي عاار عالعيلة عااار كبير زادة
خزرلهم لكل وشاور بصبعو يحذر فيهم
_ ردوبالكم تمدولها ماكلة ولا حاجة ولا يكلمها ولي باش يخالف لكلام هذا يعرف حسابو تلفت لجميلة وخزرلها
_هذي تربيتنا وثيقتنا لوين وصلت
______________
رماها خوها في دبو صغير فيه شباك صغير زادة يدخل في ضوء الشمس وسرير معبي بالتراب حطوها في بيت مهجورة حتا الفيران هاجرتها حست بروحها ذليلة بعد عزها ودلالها يصير فيها هكا حتا تاليفونها مش فوقها باش تبعثلو مساج وتقلو يجي يهزها ويجميها ملعذاب لوحيد لي يفهم وجيعتها هوا احمد حبيبيها تعرفت عليه في الجامعة كانو يعيشو مبعضهم وشكون في الجامعة ميعرفش حكايتهم كانو مخططين يجي الجنعة الجاية يخطبها رغم عارفين لي مستحيل اهلها يوافقوا وتو صار لي صار بقات تبكي ترمات علفرش موش حاسة ببدنها بكااات لين هزها النوم
