وصلو للفيلا فهد فاق على وضعو ويا فرحة ما تمت
قربلها لون عينيه تبدل خوفها برشا
_اسمعنييييي شفماااااا في مخخخخخك خارجة عقابات الياليييي اههه؟؟؟؟؟فرخة؟؟؟بهيمة؟؟؟؟شنوا نتي بالضبط؟؟؟
ههه رجعت للذل كان نهشوها الكلاب خير تلفت على جنب تضحك ستغرب منها وترتو اما في لحضة تقلبت لبكاء وعياط اول مرة يراها هكا
_فهدد يزيييي كهووو والله لعضيييم فديييت ديما انا الغالطة ديمااا انا البهيمة والقحبة نضرك موش هكا..؟؟؟ تخون في مبتك معايا وساكتة ولا الله اعلم عليك باهي؟؟😭😭 وهذا لكل تسمعني لكلام من اول يوم لتو ذلييييتني تعبببت والله تعبتتت كي حكا معاك بابا هكك ملشي فيبالي سترجلت وكهو باش تحبني وتحترمني ياخي طلعت بولدك 🙂😭😭 فديت والله طلققققني امان ارحمني وارحم روحك
يرى فيها شتحكي ويسمع مقهوور اول مرة يحس بوجيعة عبد تمنى الارض تنشق وتبلعو شبيه ضعيف قدامها يحبها وموش قابل الاحساس اذكا
قربلها حمالها ليه وهي تبكي تحتو حاول يهديها منجمش هبط على قد طولها يمسح في دموعها كي الاولاد الصغار اخخ قداش ضعفتو وطيحتلو من كريزما متعو لي يراه يقول هذا موش فهد الشارد
قاللها بصوت مبحاح ورجولي غالبتو الغصة
_سا..محني
كلمتو اذيكا خلاتها توقف بكاها للحضة باش تستوعب مخلاهاش تكمل تستعوب زادها وحدة اخرى
_انا منحبش نطلقك انا نحب نكمل بقية حياتي معاك..
عينيها تحلت صفاحي هاذا فهد لي مبكري ناقص كان الضرب مضربهاش ؟؟جبدها من يدها ودخلو فرحانة ههه نسات لي صار لكل وبقات تخمم علاه هوا قال هكك اما شبيه مفسرلهاش حكاية ولدو ومرتو اذكا لي مزال مقلقها في الحكاية لكل هي تو
دخل دوش بقات تستني فيه باش تدخل بعدو لين هزها النوم ورقدت خرج يلقاها راقدة منغير غضاى حملها وحطها فوق الفرش غطاها وقعد مقابلها يحكي بينو وبين روحو
_انا فهد اول مرة يصير معاايا هكا ..نحبك ليلى... متخلينيش وتمشي كيما عملو لي قبلك ..هبطت دمعة سخونة حرقتلو بلاصة الجرح لي نساه خذا دخان بقا يتكيف مجاهوش النوم حاول منجمش خرج لبرى يستنشق شوي هواء..
