العيلة ولات منغير روح ملي صارت الفازة اذيكا والمنصف ولاى جلدة على عضم مش حامل لي عملو في بنتو وعزيزت قلبو وجميلة متبعدش عليه كيفو واعضم تفيق تبكي ترقد تبكي بنتها ثلاثة ايام لا ماكلة ولاشراب موش قادرة تتحمل وشكون شيفهم وجيعة الام
_________
فيقها ضوء الشمس حست لدنها مدڨدق اكثر شدة بكنها بقوة الجوع عمل فيها والعطش زادة توقف تترهوج سكتت على حالها وبقات تبكي على ايامها عي هكك لي دق لباب وتمدتلها صينية ماكلة ضحكت عرفتها متكون كان امها بعثتهالها جبدتها ليها لقات فيها ورقة صغرونة
(شي مايدوم يا روح امك فترة وتتعدى)
حاجة بسيطة كيما اذيكا فرحتها وهزتها لسابع سماء تبكي وتضحك فرد وقت جبدت تاكل وتتبن في ماكلة امها اما كان يفيق بيها بوها شيصير كلات ورقدت حتا للعشية فيقها صوت يسرى مرت محمد تنادي عليها فاقت مفجوعة شبيخهم ليوم شفما
_يسرى: ليلى يا ليلى
_بابا المنصف باش يعرسلك
الهبر جاها كالصاعقة مفهمت شي
_شنواا؟؟
_ بابا المنصف تو سمعتو قال لمحمد لي جا وقت تنفيذ الوصية ولي فهد ولد عاصم روح من اسبانيا والوقت جا ولازم يعرسولكم ويستروك متقولي لحد لي انا جيت غيش اختي
ليلى مزالت تحت الصدمة موش فاهمة شي باش تعرس بواحد تعرف كان اسمو وكبير عليها معمرها مراتوو العذاب ولالى الضعف يعني احمد موش باش تعرس بيه بداات تبكي وتمخط وحالتها حليلة مش منجمة دخلت عليها امها كي رات امها ولالو الزوز يبكو قالتلها امها كلمة موش مفهومة
_بوك عملها عمل الحاجة لي يكرها بوك تحدى قلبوو بوك عاود الزمان
مفهمتهاش ومحبتش تفهمها لاهية في همها هي تو موش ناقصة
_عيش بنتي امسح اكا الدموع غدوة عرسك وفهد راجل طيب عمك عاصم اطيب منو وللة منية باش تحطك في عينها وتحسبك في مقام يسرى واقبال متخافش تحملت بنتها بفوة مسدلها في شعرها خرجتها ملدبو ودوشتلها احلى دوش شيحتلها شعرها والدموع حبتش تكف من عينيها تمنت بنتها تخرج عروسة كي عرياس بنات الشارد لكل الضحكة تفارقش عينيهم
لفتت بنتها ليها وشدتلها يديها
_ تحبيه برشا؟
عملتها براصها ايه وتبسمت بوجعية الدمعة سبفتها وهبطتت
_ احكيلي عليه
_ كان ديما معايا هوا لي شجعني وياا ماما كان يقري فيا ههه هوا لي خلاني نتفوق احمد موش خايب جملا فما مرة جاو بنات يتنمرو عبيا وقالو انا بنت دشرة وريف اما هوا عاركهم وعارك اختو معاهم وكان ديما يقلي لي باش يافي بوعدو ويعرس بيا وميفرقنا كان لموت ياخي فرقتنا العادات يامي ترمات في حضن امها تبكي وامها تمسد عليها
_كل شي يفوت يا روح اما غدوة باش تخرج احلى هروسة في دار الشارد
لعبتلها بشعرها خلاتها ترقد وخرجت..
