منية: والله ريتها بعينيا الزوز انشاءلله نشتاق عينيا (تبكي وتمخط تحس لي لارض موش سايعتها )
وقف بلعكاز يرعش يحب يفهم بالضبط شصار
_ متهبلنييييش يا بنت الناس احكي كلعباد
ارتاح واقعد وفهمني قبل لا يجو لولاد
_باهي يا سي عاصم اني ندور في السوق باش نشري عولة الدار شرهت باش نشريها انا سبحان الله تقول اشارة من ربي لمهم نا هكاكا لين نشوف فيها جاية من بعيد ومعاها زوز رجال والله راهم باب ميدخلهمش
_اففف يا منية هالهبر ممكن غالطة وحدة تشبهلها استغفري مولاك
_انشاءلله ي سي عاصم اما يخلق من الشبه اربعين وكهوو
حكاية هاذي دخلت فيهم غولة تقول من صب عليهم صطل ماء بارد هوما هكاكا كل واحد لاهي في همو لين دخلت ليلى وفهد مبعضهم يهبلو وهرة وزين تقول الزين لكل خذاوه هوما للة منية كي شافتهم مبعضهم دمعة سخونة هبطت على خدها ولدها وروح قلبها كبر و بمرتوو ااه يا دنيا مشا تحمل امو وبقا يتبولد عليه ويدغدغ فيها وليلى واقفة تشوف وتتبسم وحدها لين نادتها للة منية
_ايجا ايجاا يا كنتي الغالية ايجا نتي راك تو في بلاصة فهد تحملتهم الزوز مبعضهم فهد بدنو تكرهب وليلى متلعدش عليه حال اول مرة يصير بيناتهم تلامس فهد مستحملش بعد عليهم ومشا باس يد بوه ولحقتو ليلى مسدلها عمها على شعرها وصحك في وجها وخرج حستو موش كلعادة وفهد زادة حس نفس الاحساس
_فهد:شنوا منية مخليتو منغير فطور ياخي؟؟
_ههه مبلدك يا وليدي اذكا غششوه الخدامة..ايا ايجو اقعدو
_______________________
دخل لبيتو الدم طلعلو جبد يقيس في التنسيون يلقاها طالعة جبد دواء فماش ميرتحو وبعد بدا يقلب في خزانتو باش يجبد الدفتر لي فيه النوامر لقدم واخير لقا النيمرو لي حاشتو بيه انشاءلله يطلع مبدلوش بربثة جبد يطلب ويا ربي انشاءلله يجاوبو مكانش ميباتش يرقد الخبر لي جابتهولو منية قلقو ياسر
التاليفون يسوني الحمدالله بعد لحضات جاوب
_الوو..شكون معاياا؟
_نا..د..ر؟؟
_وي تفضل شكونك؟؟
_نايا عاصم ملدشرة
لحضة صمت بيناتهم الزوز
_نعم سي عاصم بعد 35 سنة طلبتني تو لباس؟
_حيبت نتأكد منك اءا كان الراجل لي وصيتو باش يقتلها نفذ المهمة ولا؟
_سي عاصم موضوع حساس هذا بالنسبة ليا بما انو بعد الدومان اذكا انا باش نعطيك نمروه ونتي تصرف منحبش نرجع على اتصال بالعباد اذوكم اعذرني عيشك..
بعثلو نيمرو وسي عاصم متردد يطلبو ولا قيد النيمرو على هاذي وهاذي..
