ترمات في الارض مصدومة ملي صار متوقعتش حياتها في ليلة ونهار تتقلب 180 درجة بكات لين عيات هزها النوم وهوا مفماش ريحتو ارض وكانتلو بلاعة فيقها صوت المطر فاقت التبسيمة مرسومة غلى خدها نسات وجيعتها دوب مسمعت صوت المطر حلت الشباك وخرجت يدها تلعب مع المطر مع كل قطرة تهبط على يدها فرحتها تكبر كي الطفلة الصغيرة اقل حاجة تفرحها واقل حاجة تبكيها ترا في قطوسة صغيرة متخبية تحت الشجرة هاربة ملمطر سخفتها هبطتها تجري باش تجيبها ترنخت بلمطر وهزت القطوسة في حملتها طول دخلتها لدو عبتلها البانو بلماء السخون ومشات تجري سخنتلها الحليب شيحتها وحطتلها الحليب تشرب فيه حطتها في حملتها وبقات تلعب بيها وتحكيلها في همومها وتبكي مفاقتش ب فهد كي دخل سمع كل شي غاضتو شوي اما كهوو تستحق سمع شعمللها بوها واش ذوقها اذا علاه قرر ميرجعهاش لدراهم خاطر عمو تبارك بيه وعطاه بنتو باش يسترها وهوا ملازموش يخون الثيقة كبس روحو ودخل بدا يعطس عندو حساسية ملقطاطس
_شتعمل هاذي في بيتي؟؟؟
_لقيتها لبرا مسكينة متخبية ملمطر دخلتها
ڨحرلها وقلها اخرج نتي وياها مالا تحب تقتلني؟عندي حساسية منهم الهموم هذوما
هزت قطوستها وخرجت اتمتم
(مخيب قلبو حتا حيوان مرحمووش )
خرجت لجنينة بعد مكفت لمطر وبنتلها دار صغرونة بلخشب حطتلها فيها الحليب وطريف لحب وبقات اطل عليها ملشباك وهوا يخزرلها قداه فرحانة ستغرب هاذي موش الطفلة لي امس تبكي وتغرد تحت رجليه ضاعر فيها نسات وملتزمهاش تنسى فيقها صوتو
_احمد متعك طلع تاجر مخدرات
_اه؟؟؟
_هههههع مالا ماشي فيبالك ولد عاصمة باش يرضى ببنت دشرة هكاكا هوا ماو كان يعدي بيك في وقتو لبنات عليه بلصف
هوا يضحك وهيا مقهورة رجليها معاش تنجم تاقف عليهم موش مصدقتوو
_لاا لااا منصدقش احمد احمد مستحيل يخون ثيقتي
طلع حاجبو وخرلها بشمإزاز :صار نتي خنت ثيقة عرش كامل وهوا ولد بابا وماما تحبوش يخون ثيقتك؟؟
خلاها تبكي وخرج كأنو عمل انتصار كي جرحها ركب في كرهبتو ومشا لدشرة باش يوقف على ارضو ويكبس الخدامة شوي
_______
باقية في كوان البيت تبكي موش منجمة تصدق لي صايريلها كان تحكي حكاياتها للحجر تنطق حاولت تتقوى شوي وتمشي دوش فماش ميبرد قلبها وترتاح
مع كل قطرة ماء تهبط على بدنها تتذكر كل طريحة كلاتها في جرت واحد ميسواش كي احمد لعب بيها كيما حب وطيشها وهان ثيقتها عندو الحق فهد ولد عاصمة باش يدور ببنت دشرة كيفي؟؟
مسحت دموعها وهرجت شيحت شعرها ولبست شورط وكابيش ومشات للكوجينة طيب حاجة تاكلها لمشكلة انها متعرف طيب شي وتاليفونها فكهولها فهد تنجمش طيب شي شربت كاس حليب وبقات تستني فيه يروح باش اقلو لي هي جيعانة...
وصلت ساعتين تع ليل وهوا لتو لا روح خافت وحدها في البيت والضوء قص دخلت تحت الغطاء وبقات ترغش ملخوف لين سمعت صوت الباب كي تحل هبطت تجري فرحانة خاطرو روح كش شافها هكك حس بحاجة موش عادية بدمو تكرهب مفهمش هالطفلة شبيها عملت فيه هكا اصل مفهمش شبيها كل مرة بحالا
_خفت وحدي وزيد جعت
(ممم صار هي عرضتني هكك خاطر جيعانة)
_هيه وشنعملك
_ملقيت شي فلكوجينة
_ستنا لغدوة تجي امل(الخديمة) وتتلعى بلكوجينة وطيب اا قبل مننسا غدوة لغشية باش نمشو لدشرة وكي يسألوك يقولولك تهنيت قول اي
_شمعناها تهنيت؟؟
_ارررره
ستغربت من كلامو
_منيش باش نفسرلك انا اما لمهم كي يسألوك قول اي وكهوو
قتلو باهي وطلعت لبيتها رقدت
