عملت برشا جو معا امها منية اما حابة تمشي بحذا اهلها توحشتهم برشا جاتها رزنية باش تقوللها اما منية حست بيها
_شقولك كان تمشي لفهد تقلو يوصلك لامك ويبقا بحذا عمو شوي ويتذكرو ايامات زمان اه شقلت؟
الفرحة خرجت من عينيها
_يااا بلحق يامي؟؟
_هههه ارزني كان يشوفك فهد يقول ملا فرخة معرس بيها ههه هيا برا قلو يهزك فيسع
مشاتلو تجري لجردة البلاصة لوحيدة تهديلو اعصابو يشوف فيها جاية من بعيد تضحك تقول طفلة صغيرة جابولها هدية العيد حط يدية في جيباو يستنا فيها تصدمو كيما لعادة
_فهد..
_ممم انطق
_باهي ...احم امي منية قتلي لازمك تمشي تشوف اهلك
_هيه برا شكون شادك
_لا مفهمتنيش قتلي شاور راجلك
(هي قالت اخر كلمة وهوا ميعرش كفاه الضحكة ترسمت على وجهو وكتف يديه وخلاها تكمل وهي اطلع في راسها باش تنجم تخزرلو خاطرو عرصة عليها)
_اي وقتلي زادة قلو باش يهزك متمشيش وحدك شيقولو عليك نساء الدشرة
_افف يامي ديما موحلتني
_عادي راو كان متحبش نمشي وحدي وخلي يقولو راجلها مسيبها على طلڨ ذراعهاا
هي قالت هكك وهوا طلع حاجبو وهز مفتاح الكرهبة وقلها امشي قدامي
_________________
هي وصلت لدارهم وضربتها ريحة ماكلة امها ريحة دارهم عنبر يهبل دغتدغتها من اول مهبطت ملكرهبة غمضت عينيها تتذكر في احلى اياماتها تمشي بخطوات متعثرة تخزر لسور الدار والباب لكبير لي خرجت منو عروسة ذليلة يغزرلها شارد في ملامحها لي ذوبوه عرق بعد عرق موش عارف شبيه ملي دخلت لحياتو حس بشخصيتو تبدلت حس بروحو فهد عبد اخر حس لي هوا متبدل على قبل اول مرة عبد يمشيه كيما يحب هوا اول مرة يهتم لعبد لدرجة هاذي هوا رافض لحب اما الحب قوي ومينجمش يرفضو بالساهل وميتقبلوش وقت بدخل للقلب ميشاورش
هوما هكاكا لين يسمعو في عيطة متع طفلة جاية من بعيد
_ليلىىىىىىىىىى
تلفت مستغربة تلقها اختها قلبها الاخت.لي مجابتهاش امها سمر صديقة طفولتها لي عدات معاها احلى ايامتها قبل متمشي لجامعة بعد قلولها كي رجعت لي هي وعايلتها سافرو لتونس العاصمة ومعلش من اهل الدشرة ومعاد سمعو عليهم خبر الفرحة ولات فرحتين حدفت ساكتها ومشات تجري تحملتها وتبكي وسمر كيفها واعضم يبوسو ويعنقو فهد يغزرلهم من بعيد وحاير فيهم خاطر هوا دفن المشاعر اذيكا ليها مدة ومعاش يحب يرجعلها ولا براها قدامو....
