دقو عالباب للة منية تشوفها اش حاشتها بيهم دخلو لقاوها قاعدة عالفتاي تع بيتها بكل فخامة وشموخ ليلى متعرفش علاه كل مترا امها منية ترتاح تحسها شخص طيب لحاجة اي مصبرتها على فهد هي لله منية
_فهد: نعم امي شبيك عيطتلنا
_اقعدو الساعة مزروبين؟
قعدت ليلى وقعد بجنبها فهد مستغربين من الرسمية هاذي
_باهي اني نديتكم هنا علا جالكم نتوما الاثنين باهي نعرف لي نتم مكمش راضيين بهالزواج نحب نقلكم لي اني كيفك يا ليلى وقت لي عرست ببو فهد هههه اما هاك تراى توو عايشين قصة حب روميو وجولايت ونتوما زين على زين الزوز نتي الف راجل يتمناك (فهد معجبتوش لكلمة )ونتي الف مرا تتمناك يعني حبو بعضكم واهم حاجة الاحترم والقدر وكان طاح لفدر طاح السقف العايلة تخرب فهد اخرج تو انتي كلامي معاك وفا تو حاشتي بكنتي ههه
_ حاصل فيسع حاطر باش نهز مرتي ونروح تلفت ليلى وغمزها يعرفها متحملوش كي يتصرف هكا وخرج
_منية: شنوا يا عروسة تهنيت ولا؟
_اي يامي
_فمك يقول كلام وعينيك كلام اخر احكيلي يا روحي شصار
مترددة تحب تحكي ومتحبش موش عارفة رتاحتلها لازمها تحكي ممكن تلقالها حل
حكاتلها كل شي بالتفصيل وهي تبكي على قهرتها لي حاولت تتنسها اما حمدالله مخلتهاش في قلبها وحكاتها (لبنات ننصحكم ديما متخبوش في قلوبكم واحكيو واقل حاجة تعملوها اكتبو في وراق خاطر كان باش تخبو في قلوبكم باش تهلكو ذاتكم وانشاءلله ديما فرحانين🦋🦋🦋💜)
_ ياا روحي على صغرونتي غر بيك ولد الكلب ..تحملتها وبقات تمسدلها على شعرها
_اسمعني فهد راو صعيب وغشو خايب اما راو قلبو ابيض(صحيح هوا محابسي ونطار اما قلبو طفل صغير😂😂😂) وحاول ادخل لقلبو افهم شخصيتو
_كفاه؟
_هههه صار نتي تحب؟؟
تردت وتلعوكت ملقت متقول
هههه لاا....ااا..نقص...د كف..اه كه...و
نفهم فيك ههه
_باهي فهد راو نقطت ضعفو الحنية يموت على شخص حنين ههه
هوما هكاكا لين دق عليهم لباب
_ياامي حاشتي بمرتي راوو
_ههه برالو يستنا فيك
مشات حاشمة علخر هي خرجت لقاتو حاط يد على يد ومتكي علباب بقا يركز فيها حس حاجة بيزار ذوافرها مبلولين لصقها للحيط
_كنت تبكي؟؟
خافت برشا حستو عبد اخر وبرا كان كانت تبكي شدخلو
_نطرت يدها منو بقوة
_وبرا كان بكيت يهمك الشي هذا؟
_شدها من فكها متغشش والدم طالعلو اول مرة عبد يتصرف معاه هكا
_ميهمنيش والله وراس عينيك لا يهمني تقضى يصير فيك لعجب ميهمنيش لي يهمني تو انو حكيت لامي لي صار لبارح ولاا؟
قالت بغصة وقلب مقبوض لهدرجة قلبو قاسي؟؟
_علاه ملازمنيش نحكي لعذاب لي ضوقتهولي؟؟
_طلع صبعو يحذر فيها
_شووف كان تحب نحرمك من شوفت الضوء عادي احكي واضح؟؟
حستو جاد في كلامو لمرة هاذي
_وتو امشي قدامي
مشات والدموع تتقطرع ميعرف وجيعتها كان لي خلقها ....
يتبع...
