شيحت شعرها ومشات لصالة باش ترقد خاطرو راقد هوا فلفرش
فاق مع لحداش مفماش ريحتها هبط يعطس وبر القطوسة عبى الدار يلقاها راقدة وتتنفس بصعوبة خدودها حمرة حط يدو على جبهتها يلقاها تقلي ملسخانة هوا هكاكا لين نوقز الناقوز يلقاها الخديمة لي قال لامو باش تبعثهالو ورالها الظار وفهمها الخدمة وخرج للفرمسي يجيب دواء لليلى وقال لخديجة باش تتلهي بيها وتكلمو كان حالتها زادت تهردت
اول مرة يتفجع على حد هكا ولا يهمو شكون هكا من وقتاش انسنيتو تتحرك يتكلم مع روحو ومستغرب شبيه والى هكا
_افف شبيا وليت هكا ميهمنيش فيها زعما نرجع ذيهمني تقضى محسوب؟زعما؟لا لا هي بنت عمك ميجيش احترم الدم لي بناتكم لازم نكون خير منها لازم منخونش ثيقة عمي ...
شرالها دويات وجا يلقاها مزالت في نفس الحالة قاسلها سخانتها يلقاها 39
_افف سخونة برشا
فيقها بدات تكح جات باش توقف تغسل وجها منجمتش دارت بيها الدنيا جات في حملتو هي في عالم اخر وهوا قلبو دق بلقوي شنوا هذا شبيه قلبي دخل بعضو حطها فلفرش ومشا نادى خديجة باش تتلهى بيها وخرج بظا يريحي فلدخان على بعضوو لين قص عليه تاليفونو لي نوقز يلقاها الخديمة لي في دارو في امريكا علق عليها هوا تو لاهي في همو
هوا هكك لي نادت عليه خديجة مشالها يجري
_سي فهد بصارحة لازم تهزها لطبيب حالتها موش نرمال
على كلمة خديجة حملها بلغطاء لي متغطية بيه شاور لخديجة بلش تحلو الباب والكرهبة وطلع يرحي فلكياس رحيان اشارات المرور الكل تخاهم كل مرة ياخذ لمحة يغزرلها افف حتى في اخيب حالتها ومزة
...
