صحت وهي مبسوطه على الي تشوفه قدامها مع ان شكلها يوجع القلب بس مع ذلك مبسوطه انها نايمه بحضنها
بعدت الشعر عن عيون إثم و ضلت تتحسس ملامحها كانت تحاول تستوعب انها مو بحلم
ناظرت حلوها و شافت كيسه محطوطه على الطاوله قبال السرير فعرفت ان إرم الي حطتها و لوهله استحت انها شافتهم
بعدت من السرير و غسلت وجها و رجعت لإثم ف حصلتها باقي متسطحه بس صاحيه و تناظر بالسقف وهي مبتسمه
اسيل : صح النوم
ناظرتها إثم و ابتسامتها توسعت : صح بدنك
اسيل : ناكل
هزت راسها إثم كموافقه فقربت لها اسيل تساعدها حتى تجلس
اسيل : تقدرين تقومين تغسلين وجهك
إثم : ما اضن بس بحاول
اسيل : تسندي علي الين نوصل للحمام
هزت إثم راسها و بعدت الغطاء من عليها
كانت رجولها توجعها من الظرب الي تلقته عليها حاولت توقف عدل و بالموت قدرت بمساعدة اسيل
اسيل : تبين اغسلك وجهك
إثم : ما يحتاج بقدر اغسل بنفسي
اسيل : بس كيف ، عادي تغسلين بيد وحده ؟
إثم : بحاول
اسيل : انا بغسلك وجهك
إثم : اخاف تتقرفين
اسيل : لا ما اتقرف ما عليك
قربت لها و فتحت المويه و بدت تغسل وجه إثم و بعدها رجعتها للغرفه
إثم : وش جايبه
اسيل : مدري باقي ما شفت
سحبت الكيسه حاطتها قدامهم طلعت منها الاكل و الي اغلبه كان صحي و واضح لإثم
اسيل : جايبه شوربه و بيتزا و سلطه و كروسون جايبه اشياء كثير
أثم : شكلها حاسبه حساب غداء و فطور
اسيل : يمكن
حطت اسيل الاكل قدامهم و اخذت لها ملعقه و فتحت الشوربه
اسيل : افتحي فمك
إثم : ما عليك باكل بنفسي
اسيل : اصص يله افتحي فمك
ما عاندتها لان رغم ان يدها الثانيه بخير الا انها ما تقدر تحركها بشكل طبيعي كانت توجعها
اكلتها اسيل و لما خلصت مسحت فهما و بعدت الاكل من قدامهم و قربت لإثم
اسيل : ممكن تقولين لي وش الي صار
تنهدت إثم و ما تدري كيف تقول لاسيل
إثم : مدري من وين ابدا بس ذي حالتي من انخلقت دايم هي تسوي فيني كذا و امس لان دافعت عن نفسي سوت الي شفتيه و لو ما دقيتي الباب ولا كانت بتكمل و ما ادري متى كانت بتوقف
اسيل : طيب ليش كذا
إثم : ما ادري صراحه بس كل ما عصبت نادتني و بصراحه ما كنت اتجرئ اني اسوي شي من صغري و انا متعوده على الي يصير بس امس لما قاطعت الي كنت بسويه عصبت و لان زي ما قلت لك دافعت عن نفسي سوت فيني الي سوته
حضنتها اسيل : يا روحي الله يكسرها ، رح تضلين معي من اليوم و رايح
إثم : بضل الين اتحسن
اسيل : وشوالي الين تتحسنين تبين ترجعين عندها و ترجع تعنفك
إثم : بروح لصحبتي ما عليك
اسيل : و انا
إثم : بضل عندك ذي الفتره
سكتت اسيل ، حست بزعل بس ماكانت تبي تضغط عليها
اسيل : تبين نطلع برا
إثم : ودي بس ما بقدر امشي انا بالموت قدرت اروح للحمام
اسيل : بشوف اذا فيه كرسي اقدر ادفك فيه
إثم : لا تتعبين نفسك و بعدين ناسيه ان احنا في مستودع ابوك مو بمستشفى حتى تحصلين كرسي
اسيل : ما عليك بدور
إثم : براحتك
