صحت اسيل على ازعاج ميرال و صوت ضحكها
اسيل : من تكلمين اطلعي برا
ميرال : اصحي يله ورانا مدرسه
اسيل : شوي و اقوم اطلعي
ميرال : قومي يله باقي بمر البيت وخذ ملابسي
اسيل : كم الساعه
ميرال : 4 الفجر
اسيل : تستهبلين و ايش ذا الاتصال و الازعاج ما حلا لك الضحك الا فوق راسي
ميرال : سوري بس اشتقت لوسن ف كلمتها
اسيل : انقلعي لبيتك اجهزي و ارجعي لي ما بداوم الا 6 ونص
ميرال : يصير خير قومي بس اجهزي باقي بروح لبيتي البس و بعدها نمر وسن ناخذها معنا
اسيل : في احلامك نمرها لو تحلمين روحي لبيتك و خذي سواقك يوديك لها اما اني انا امرها احلمي
ميرال : الله وش كل ذا الانفعال الي ماله داعي هدي لا ينطق فيك عرق
اسيل : انفعل ولا ما انفعل مالك دخل و بعدين مو سامعه وش تقولين انتي ، ميرال روحي بيتك افضل انا مطوله حتى اروح للمدرسه
ميرال : اسيل والله ما قصدي شي بس وسن مسكينه و ما كانت تدري ان الموضوع بيكون زي كذا
اسيل : كيف ما تدري تستهبلين هي من البدايه تنبهني بدون ما توضح ان بينها و بين إثم شي كانت طول الوقت تهاوشني بدون ما تبين شي و الحين جايه تقولين مسكينه و ما تقصد
ميرال : اكيد انتي ما سمعتي لها بعدين هي غلطت ليش مكبره الموضوع كذا خلاص انسي
اسيل : تمام بس اطلعي برا اعرف انها حبيبتك و بتضلي تدافعي عنها
زعلت ميرال و اخذت اغراضها و طلعت من بيت اسيل
كانت اسيل معصبه من غباء ميرال و كيف انها تدافع عن وسن وهي اساسا غلطانه
حست بصداع ف قامت و تروشت و ضلت بسريرها تنتضر الوقت يقرب حتى تروح للمدرسه
الساعه 5:30 am
صحت إثم و تروشت افطرت و جلست تنتضر الساعه تصير 6 حتى تروح لمدرستها
كانت تحس ان مالها خلق تروح و شغفها تحت الصفر بس اصرت على نفسها حتى تشوف متى بيخلص الموضوع
ضلت تفكر بالموضوع و وقت ما كانت غرقانه في افكارها غفت على الكنبه بدون ما تحس على نفسها
في مكان ثاني
ما قدرت ترجع تنام ولا عرفت وش تسوي الافكار تاخذها و تجيبها
اندق الباب و دخلت العامله
: انسه اسيل الفطور جاهز
اسيل : مالي نفس ما بفطر
العامله : تبين احط لك تاخذينه معك للمدرسه
اسيل : لا ماله داعي ما اضن بشتهي شي هناك
طلعت العامله و اسيل ناظرت بالساعه الي صار 6 و كم دقيقه
قامت و لبست ملابس المدرسه و تعدلت و ركبت مع السواق
كانت ولا زالت تفكر و مو قادره تسيطر على افكارها الي عباره عن إثم و جود و وسن و ايش بينهم و ايش الي سوته لهم جود
لاحضت انها وصلت للمدرسه بعد ما نبها السواق بوصولهم ، ناظرت لساعه الي كانت 6:30 تنهدت و نزلت وهي مالها خلق تواجه احد ايا كان
دخلت للمدرسه وهي تسمع همس البنات
عنها لان بعد هواش إثم مع جود الكل تاكد ان اسيل حبيبة إثم
كانت منزعجه من الي يصير ولا ناقصها كلام البنات عنهم
دخلت فصلها بسرعه وهي تحس بكتمه
ناظرت في مكانها و ما حصلت إثم موجوده حست براحه لانها ما شافتها
ناظرت بالفصل بشكل سريع تتاكد ان فيه مكان فاضي و فعلا حصلت مكان فاضي و حطت شنطتها فيه و الي هو مكان وسن من قبل
طلعت من الفصل و ناظرت حولها ما حصلت احد فضلت تناظر لساحه وهي باقي تفكر
كانت تحس بتعب و ارهاق من كثر التفكير و تزاحم المواضيع في عقلها
رجعت للفصل و حطت راسها على الطاوله على امل انها تنام و تريح نفسها من الي قاعد يصير حولها و جوا عقلها
و فعلا ما هي غير دقايق و قدرت تنام رغم الازعاج الحاصل جوا الفصل
