إرم : حبيبة قلبي نعسانه ؟
لتين : مو مرا
ابتسمت لها إرم و سحبتها مجلستها بحضنها
إرم : خلينا ننام
خلصت جملتها وهي تطبع بوسه برقية الي بحضنها
لتين : اذا انتي نعسانه و تبين تنامين ف مافي مشكله نروح ننام
قامت إرم وهي شايله لتين و رايحه لغرفتهم
نزلتها على السرير و راحت تبدل ملابسها
إرم : تدرين قد ايش اشتقت لك
لتين : تعالي قبل تبدين تسوين اي شي ابيك
إرم : تبيني في وشو
لتين : تعالي اجلسي و بقولك
قربت إرم و جلست على السرير وهي تناظر في لتين الي تلعب في يدها
أرم : قولي يا روحي وش فيك
لتين : ابيك تفهميني الي قاعد يصير و وش سالفة شغلك ذا و كيف صارت كل ذي الاشياء
إرم : انا يا روحي زي ما قلت لك اشتغل مع عصابه و انا اكون زي ما تقولي رتبتي اعلى في شغلي يعني الرئيس ما يسوي اي اجتماع الا و انا حاضرتها و نازك بعد خصوص ان نازك اقرب لرئيس مني و قريبه منه بكثير
لتين : حبيبته ؟
إرم : لا لا مو كذا بس نازك ابوها كان يشتغل مع الرئيس من قبل بس مات ف نازك اخذت مكان ابوها و صارت بنسبه لرئيس زي بنته و يحبها كثير احيانا اشك انها اقرب له من بنته اسيل
لتين : و زوجته يعني ما عارضت
إرم : زوجته ميته يا روحي بس الي سمعته انها هي بعد تحب نازك
لتين : البنت حلوه اساس و تبين طيبه
إرم : و قدامي بعد
ضحكت لتين على شكل حبيبتها الي تمثل الغيره : انتي احلا منهم كلهم و احلا بكثير
إرم : اي على بالي بعد
لتين : اي كملي
إرم : مدري ما في شي اسولف عنه قلبي
لتين : كيف مافي اكيد صارت معكم مواقف و بعدين ذول ليش جاين معك
إرم : شوفي قلبي هو صح فيه مخاطر و سوالف كثير بس ما قد تاذيت ولا صار لي شي و بخصوصهم ف عرفنا ان الشرطه متجهه لمقرنا ف اخذتهم و اضطرينا نجي هنا بعيد عن الشرطه
لتين : و هذيك المضروبه إثم وش صار لها
إرم : ذي امها ضربتها و صادف ان اسيل بنت الرئيس عندها و شافت امها وهي تضربها ف اتصلت على ابوها حتى يساعد حبيبتها و جيناهم للبيت و اخذنا البنت معنا و عالجناها اهتمينا فيها لانها حبيبة بنت الرئيس تعرفي كيف الوضع يكون مشدد و كذا
لتين : و ابوها رئيسك يعرف بعلاقتهم
إرم : بصراحه لا يفكرهم مجرد صحبات
لتين : و اذا عرف عن علاقتهم وش بيسوي
إرم ؛ مابيسوي شي ماهو يعرف عن علاقتي فيك ف ما قال شي ولا رح يقول شي
لتين : وش شغلك بالضبط
فكرت إرم كيف رح تبسط الموضع في عين لتين بس كل الطرق تبين شناعة الي يسونه
وش تقول والله انا اسرق مجوهرات و اسلحه ولا اقول لها اني اقتل الناس ولا اني امول و اساعد في بيع المخدرات ولا اقول اني اسوي الخطط الي رح نتبعها حتى نسرق بشكل ممتاز و ما يسبب لنا مخاطر
لتين : وش فيك سكتي
إرم : انا اعقد الاجتماعات و اضبط الصفقات مع الزباين
هي ما كذبت و فعلا هي تجهز الاجتماعات بس ذا الشي ما يذكر بالنسبه للاشياء الثانيه الي تسويها
لتين : و ذول متى بيروحون
إرم : بكرا يمكن او بعد بكرا على حسب لما يتعدل الوضع
هزت لتين راسها و تسطحت جنب إرم حتى تنام
