اسيل : إثم
وقفت إثم قدام الباب و لفت وجها اتجاه اسيل تنتضرها تكمل
اسيل بتوتر زياده : كيفك
ناظرت فيها إثم لثواني قبل تدخل الفصل ساحبه عليها
ميرال وهي ميته ضحك على اسيل الي قلب وجها من الفشله : اخخ ما اتحمل اسيل وجهك
اسيل : ميرال كلي زق لا العن خيرك الحين
ميرال : ياربي ما اتحمل تفشلت و انا مالي دخل
اسيل : ما عليه يالزق بردها لك "تقصد إثم"
ميرال وهي مواصله ضحك و تتهزئ على اسيل : وش بتسوين مثلا و بعدين من قال انها بتكلمك اساسا نسبة انها تصير مئه تحت الصفر
اسيل بحقد : بتشوفين
خلصت الحصه والاستاذه كتبتهم تعهد
جلست اسيل في مكانها بعد ما كانت تخز إثم من اول ما دخلت لفصلها
كانت حاقده عليها لانها تكره احد يتجاهلها
انتهى الدوام و الكل رجع بيته
دخلت البيت و مشت الين الدرج بس وقفها صوت امها
سكرت عيونها وهي مالها طاقه لروتين الي بيبدا
لفت و رجعت وقفت قريب لامها : هلا
عاليه : ليش ما تسلمين لما تدخلين البيت
إثم : ما انتبهت لوجودك
عاليا : انا ما انتبهتي لي
سكتت إثم وهي شاده على يدها و تدعي ان ذي اللحضات تنتهي
إثم : اعتذر
عاليه وهي تاشر قدامها : تعالي هنا اشوف
قربت إثم و جلست قدام امها على ركبها زي العاده
ضلت عاليه تناظر في ملامح إثم وهي مسنده ظهرها على الكرسي الي جالسه عليه
كانت ثواني و ذي الثواني سنين على قلب إثم الي تدعي انها تطلع لغرفتها بسلام
ابتسمت عاليه قبل ترفع ضهرها عن الكرسي و تقرب لوجه إثم تناظرها عن قرب اكثر
بعدت و ضلت تناظر حولها
عاليا : انا ما انتبهتي لي !
مجرد انهت جملتها رفعت يدها و ضربت إثم كف سبب لإثم صفير في اذنها و حراره قويه على خدها
رفعت نفسها من على الارض و رجعت تجلس على ركبها قدام امها
و ما امداها تستقر بجلستها الا اندفت على ضهرها بسبب رجل امها الي انحطت على صدرها و دفتها فيها
وقفت عاليه و بدت تضرب إثم بكل قوتها
كانو الحرس واقفين و مشفقين على حالة إثم الي مستسلمه ولا فرق معها الي قاعد يصير
بعد ما انهت عاليه تعنيفها لإثم
رجعت جلست مكانها طالبه من واحد من الخدم يجيب لها مويه حتى تغسل يدينها من بعد إثم
وقفت إثم بكل صعوبه من مكانها و اخذت شنطتها و طلعت لغرفتها
رمت نفسها على السرير و نامت من تعب يومها و الي حصل لها من امها
في مكان ثاني
دخلت البيت وهي متحمسه و مجرد شافت ابوها نطت في حضنه و بدت تبوسه
راكان : يا بعد روح بابا رجعتي يا عيوني
اسيل : ايوه بابا اشتقت لك
راكان : و انا مشتاق لك وكثير يا بعد قلبي
اسيل : بتضل للغداء صح ما بتروح و تتركني اتغداء لوحدي
راكان : لا اكيد ما بروح و بتغداء مع اميرتي
فرحت اسيل كثير لكلام ابوها
متعوده على انشغاله و بالموت يفضى و يضل معها
" اسيل يتيمة الام و عايشه مع ابوها من انخلقت "
ضلت تسولف معه عن الشغل و الاشياء الي تصير مع ابوها
بعدها طلعت لغرفتها حتى تبدل ملابسها و رجعت لما جهز الغداء
اسيل : بابا
راكان : عيوني
اسيل : ممكن اسئلك سؤال عن الشغل
راكان : وش تبين بالشغل يا عيوني توجعين راسك عل الفاضي مجرد شركات و اشياء تصدع
اسيل : لا اقصد شغلك الثاني بابا
راكان بحده : وش تبين فيه
توترت اسيل من نبرت ابوها الي اول مرا تسمعها خصوصا انها ما قد سئلته ولا تكلمك معه بذا الخصوص
اسيل : مجرد سؤال صغير بابا و بعدين ترا انا الوريثه الوحيده لك يعني انا الي بدير كل شي المفروض معلمني عليه
راكان : انتي الوريثه في املاكي صحيح بس اي املاك تعرفين ؟
اسيل : اي الشريكات و العصابه حقتك و المصانع و كل شي
راكان : و من قال لك اني بدخلك بذاك الطريق
اسيل : بابا انا ابي و عاجبني كثير
راكان : اكيد بس مابسمح ذا طريق خطر عليك و اساسا ببيع كل شي ما عدا الشركات قبل اموت حتى يبقى لك ورث كبير
اسيل : لا خير بابا انا متحمسه اتخرج حتى ابدا اتعلم منك و امسك كل شي
ضحك راكان على طموح بنته الي مستحيل يسمح فيه
اسيل : المهم بابا ذا مو موضوعنا
راكان بملل : اجل وش موضوعنا
اسيل : فيه وحده ابي اسئلك عنها
راكان : حبيبتي انا شغلي مو زي ما هو في الافلام الي تشوفينهم ، مجرد تسئلين تاجر مخدرات عن شخص يروح يطلع لك كل معلوماته
اسيل : لا تخبي علي اعرف انك كذا بس ما علينا لان ذي المراه الي ابي اسئلك عنها هي تشتغل نفس شغلتك
راكان بعصبيه : و انتي وش عرفك فيها
اسيل : اهدا بابا ذي ام صحبتي و حبيت اسئلك عنها اذا تعرفها
راكان : و البنت ذي اي احد تتكلم معه تقول له عن شغل امها !؟ ليكونك قلتي لها عن شغلي انتي بعد
اسيل : لا لا بابا مو زي ما انت تفكر ، شوف هو صراحه مو صحبتي هي معي بالفصل و البنات قالو ان امها تاجرت مخدرات و تمول و تشتغل في ذي الاشياء ف حبيت اسئلك عنها في حال انت تعرفها او قد سمعت عنها
راكان : اها وش اسم امها طيب
اسيل : اسمها عاليه فواز ال****
راكان بدهشه : بنتها معك بفصلك
اسيل : تعرفها
راكان : اكيد اعرفها و ذي اخطط اسوي معها صفقه قريب ان شاءالله
اسيل : حبيتت بابا امانه ابي اجي معك احضر الاجتماع ابي اشوف شكلها يقولون تخوف
راكان : تغدي و روحي نامي و في نومتك احلمي انك تشوفينها لان غير كذا ما بيصير
اسيل بزعل : بابا امانه ابي اشوفها و بعدين انا لازم اعرف مين بيكون شريكي بالشغل و مين بسوي معه صفقه
راكان : و انتي مصدقه بسمح لك
اسيل : اذا ما سمحت لي و سويت زي ما قلت و بعت كل شي ف صدقني بشتري انا و ببيع و بصنع و امول و اسوي عصابه لي خاصه و بكذا ببدا من الصفر
راكان : يعني مصره
اسيل : اي و بقوا
راكان : تمام نامي و انا بروح لشركه و المغرب بخلي اثنين من رجالي يجون و ياخذونك بكون بالمصنع انتضرك و بوريك كل شي
كان راكان مخطط على كذا لانه يعرف بنته الدلوعه مارح تتحمل لا الريحه ولا المناظر ولا غيرها و بتغير رائيها على طول
ضلو يسولفون في اشياء كثيره و بعدها راكان راح لشغله و اسيل راحت تنام
عند إثم
صحت على صوت الخادمه وهي تصحيها حتى تاكل
كانت متكسره بالمعنى الفعلي جسمها كله يوجعها، مو اول مرا يصير لها كذا من صغرها وهي تتعنف من قبل امها الي ما تطيق إثم على عيشة الله
إثم : .......
