نزلت إثم بالمويه و عيونها ما انزاحت عن اسيل الي فرحت لما شافت إثم جايه تسبح معها
اسيل : وش رايك بالمويه
إثم : حلوه الا تجنن
اسيل : الله كل ذا المدح علشان مويه
إثم : لا لك
ضحكت اسيل و اعتبرتها مزحه مع ان الي قدامها ما كانت تمزح
كانو يسبحون و الهدوء مسيطر على المكان
اسيل : لحضه خل اجيب فوني و نتصور
إثم : رح يتبلل و يخرب
اسيل : لاما عليك برفع يدي ما بيوصل له المويه
إثم : اوك براحتك
طلعت اسيل من المويه و إثم حاولت تشتت نفسها حتى ما تشوف جسمها و هو مبلل بالمويه و تخق اكثر
بس يالاخير حصلت نفسها تتاملها وهي ذايبه ، رجعت اسيل وهي ملاحضه نظرات إثم الثاقبه بس حاولت تتجاهل لان الوضع محرج
اسيل : اجيت
استوعبت إثم نفسها و بعدت عيونها و بدت تغرق شعرهت بالمويه حتى تبعده عن وجها على اساس انها مشغوله و ما كانت تناظر باسيل
اسيل : قربي خل نتصور
ما صدقت إثم خبر و قربت على طول
كانت ورا اسيل و مقربها بشكل واضح
اخذت اسيل صوره على السريع على امل ان إثم تبعد شوي لان اجسامهم كانت شبه متلاصقه في بعض
ما اهتمت اسيل اذا الصوره واضحه او لا كل الي هامها ان يكون بينهم مسافه لو بسيطه
و فعلا بعدت إثم وهي تحاول تركز على نفسها و الشي الي تسويه بدون وعي منها
إثم : بروح اجيب مويه تبين
اسيل : لا شكرا
طلعت على طول وهي تحاول تهدي نفسها و تجمع شتاتها و تعرف وش فيها
إثم وهي تكلم نفسها : اوك انا عجبني جرائتها و قوتة شخصيتها و طيبتها المتناقضه بس مو امشي لها على عماي يا انمار ركزي الله يرحم والديك
تنهدت إثم وهي مو مستوعبه وضعها : انمار ايش الله يصلحك ليكون مصدقه نفسه بعد
زفرت و رجعت لمكانهم و تسطحت وهي تناظر لسماء الصافيه : نازك تعالي بسرعه وجودك يشتتني كثير
مرت اقل من ربع ساعه و جاتهم نازك راميه الكيسه الي فيها الملابس جنب إثم مسببه لها فزع و متجهه للمويه وهي ترمي ملابسها على جنب
إثم بصوت عالي : هي تحمستي البسي سروالك
كانت تتكلم وهي تضحك على نازك الي فصخت ملابسها و ضلت بلابسها الداخليه و نازله بالمويه مع اسيل
إثم وهي تننهد : يا حضكم تقدرون تشيلون ملابسكم بدون اي مشكله
ناظرت بتيشيرتها المبلل و الماسك على جسمها رفعته شوي و ناظرت ببطنها
زفرت بانزعاج و اتجهت لهم
بدو يلعبون شوي سوا و بعدها اخذو لنفسهم صور و بعض الفديوهات الي نازك كانت فيهم ترمي كلام لثنتين الي معها و انها كاشفه حبهم لبعض و كانت تتلقى جميع انواع النكران و تكذيب كلامها
طلعو و اتجهو للمكان الي كانو جالسين فيه فاتحين الكيسه الي جابتها نازك معها و مطلعين الملابس
اسيل : بلبس بالسياره
إثم : البسو بلبس اخر وحده فيكم
نازك : لا البسي انتي قبلي متعوده انا على الوضع بس انتي رح تمرضين
إثم : لا ما عليك
اسيل : وشو رح تضلون تتعازمون
إثم : روحي انتي وش تنتضرين يتمرضين
اسيل : تمام
راحت تلبس و إثم اقتنعت انها بتلبس قبل نازك
طلعت اسيل من السياره و راحت بعدها إثم
بدت الشمس تغيب و يحل الليل و سواده
كانو جالسين جنب بعض ثلاثتهم و متغطين ببطانيه جايبينها من سيارة نازك الي تفاجئو ان حرفيا فيها كل شي الشخص ممكن يحتاجها في سفره كامله
كانو جالسين و قدامهم شبة نار و مسوين كرك و هوت شوكلت و بعض السناكات
إثم : الجو حلو
نازك : اول مرا اطلع طلعه زي كذا مع اشخاص اول مرا اقضي يومي معهم
إثم : حتى انا
اسيل : متعوده اطلعها كثير
نازك : مع انكم اصغر مني و علاقتنا ما تعتبر صحبه ممكن مجرد زماله بس ما قد عشت يوم حلو زي ذا اليوم ولا قد تفرغت لنفسي و اكتشفت وش احب و ايش ما احب بجلسه غير ذي ولا قد جلست مع اشخاص و ارتحت لهم بذي السرعه و انبسطت معهم كاني عارفتهم من زمن
