فوت و كومنت كده قبل القراءة أو حتى بعدها
صلوا على الحبيب المصطفى صلى الله عليه وسلم
دعواتكم لأهلنا في فلسطين 🇵🇸
__________________________
" بتقول إن نادية تستاهل و خدعتك لكن نادية هي اللي انقذتك زي ما أمها حاولت لآخر لحظة إنها تنقذ أهلك "
" تنقذهم ولا تقتلهم ؟ أنا شوفت حكم المحكمة بنفسي المحكمة أصدرت ضدهم حكم إعدام غيابي بتهمة قتل أهلي إيه هتكدبي كل ده ؟ ولا هتألفي حكاية جديدة ؟ "
" أنا مش هألف لأ دي الحقيقة يا حضرة رجل الأعمال العبقري والدك فعلا كان بيحب والدة نادية بس اللي أنت عرفته كله كدب "
" و إيه بقى الحقيقة ؟ "
" والدك لما حب ناهد راح لعبدالعاطي صاحبه و قاله و خطب ناهد و سافر علشان يقنع أهله بس صاحبه العزيز عبدالعاطي راح بلغ أبوه و عمه و أقنعهم إنها إنسانة سيئة و طمعانة في فلوسه زي أختها ما طمعت في فلوسه و علشان كده جدك راح لعم ناهد و قاله هيتجوزها فعمها وافق لكن ناهد رفضت و قالت لعمها إنها بتحب أبوك بس كان رده الضرب و التهديد هددها إنها لو رفضت هيبيعها لأي واحد مقابل الفلوس و لأن عمها كان الواصي عليها و لأنها مكملتش واحد و عشرين سنة كان له الصلاحية إنه يتحكم فيها و بعد ضرب و إهانة و تهديد استمر لأكثر من شهر وافقت ناهد و اتجوزت جدك اللي رماها في مصر و سافر ده طبعا بعد ما أقنع والدك إن ناهد باعته مقابل الفلوس
وقتها والدك انصدم و انجرح منها و وافق يتجوز والدتك و اتجوزوا فعلا و بعد كذا سنة رجع والدك مصر و قابل والدة رامز في الشركة و حكت له اللي حصل وقتها طلب منها يشوف ناهد و شافها بس في الشركة و كان حاضر عبدالعاطي باشا و أختها و عرض عليها والدك إنه يطلق نرمين و يرفعوا قضية على عمه علشان تتطلق لكن هي رفضت لأنه كان عنده أولاد رفضت تدمر حياة أمك و تخرب بيتها
و عبدالعاطي طبعا مضيعش وقت و راح قال لجدك مجدي اللي رجع مصر بسرعة و قرر إنه يخلي ناهد على ذمته بعد ما كان هيطلقها و مش بس كده لأ ده عبدالعاطي فضل يقنعه إن ناهد بتخونه مع محمود و قال لمحمود إن ناهد تعبانة و طلبت تشوفه في بيت عمها و لما راح محمود علشان يشوفها جدك وصل و افتكر إن ناهد بتخونه فطلقها و هدد محمود إنه لو مرجعش أمريكا هيحرمه من أولاده و طبعا مصطفى باشا و نرمين هانم عرفوا
صحيح والدتك محبتش والدك بس طبعا رفضت إن واحدة تاخد جوزها و راحت لناهد بيت عمها و شهرت بها هي و مصطفى باشا و خلوا الكل يقول عليها كلام فظيع و مش بس كده لأ مصطفى باشا اتفق مع دكتور هو و عبدالعاطي و زوروا تقرير ال DNA
علشان مجدي يتأكد إن نادية مش بنته وقتها نجوى أخدت أختها عندها البيت و اتحايلت على جوزها عبدالعاطي باشا يروح يتكلم مع مجدي و يقنعه إنهم يعملوا تحليل تاني علشان يتأكد إنها بنته بس سمعته و هو بيقول لعزيز إنه عمل كل ده و هيساعده يرجع ناهد له
وقتها اتصدمت و واجهته و قالها كل حاجة و لما قالتله هتقول للكل هددها وقتها بأولادها و إنه هيموتهم و هيموت ناهد و مش بس كده لأ ده "
أنت تقرأ
تحت وصاية خالتي
Humorقد كنت وحيداً في وسط العائلة و فقدت تلك العائلة و أصبحت وحيداً مرة أخرى فأتيتي انتي لتكوني العائلة فهل ستكونين كذلك أم سأظل وحيداً
