تحت وصاية خالتي

الفصل الحادي عشر

يمكن لأي شخص أن يختارك في توهجك، لكني أنا سأختارك حتى حين تنطفىء، تأكد بأني وإن رأيت النور في غيرك سأختار عتمتك

- شمس الدين التبريزي

_____________________________

صلوا على الحبيب المصطفى صلى الله عليه وسلم 💚

_____________________________

عذراً على تأخير الفصل بس كنت في مشوار و اتأخرت

يلا كومنتااااااات تصويييييييت
_____________________________

" بس يا سيدي و بعد ما مات زهدت الدنيا وقولت مفيش جواز وأربي أخويا أحسن ومن بعده هو ومراته الله يرحمهم انشغلت في تربية البنات بس تقريباً نسيت أربي شمس فطلعت "

تحدثت توته إلى مهند الذي كان يجلس على الأريكة و بجواره حموكشة لتقاطعها شمس التي دخلت

" متربتش صح أنا متربتش قال إيه كنتي هتطلعيني سفيرة وبعدين زهدتي الدنيا إيه ده انتي نازلة شقط في طوب الأرض أصلا انتي بتحكي معاه دلوقتي علشان تشقطيه "

" تشقطني ! "

" أيوه يا عمو عايزة تشقطك هي قالت إنك حلو و مسبسب "

تحدث حموكشه لتنظر شمس لها نظرات سخرية و تحرك فمها في حركة شعبية

" يعني عايزاني أدفن نفسي بالحيا يا بنت عاطف مش كفاية إني فضلت معاكم بعد جوزي ما مات ايييييه كان راجل "

تحدث مهند بمقاطعة و تأثر

" أكيد كان إنسان كويس علشان كده رفضتي تتجوزي بعده "

لوت توته فمها بسخرية بينما فلتت ضحكة من شمس

" هو كان إنسان حتى الله يجحمه أشوفه واقع من على الصراط في الويل اللهي الطوبة اللي تحت راسه تبقى لغم يفرقع يكسر دماغه ربنا يسد أبواب الجنة في وشه و النار كمان اللهي يتشحتف ابن وهيبة القرعة يلا مش عايزة ادعي عليه بردو كان بينا عيش و ملح و عشرة مطينة على دماغه و دماغ اللي جابته  داهية لا ترجعها هي و سلسال عائلتها كله عالم نتنة جاتهم قنبلة نووية تنفجر في العائلة كلها تمحيها من الوجود "

نظر لها مهند بفم مفتوح ثم تحدث

" احم واضح إنه ضايقك هو و والدته مش كده ؟ "

" ضايقني هو و والدته دي مش ست دي عقربة ده الولية مكنش يهدى لها بال غير لما تخليه يضربني و يبهدلني و تكمل هيا ، يلا الحمد لله إني مخلفتش منه كنت هخلف من جربوع زي ده ايه غير شوية بلطجية  القصد انتي جاية ليه يا ننوسه مش وراكي كلية ؟ "

" كلية إيه اااه قصدك الخرابة اللي فيها شوية ناس اللي خلاهم يعدوا من أولى ابتدائي ظلم مصر كلها لأ يا توته مش رايحة المخروبة دي دلوقتي لما ابقى عايزة انكد على نفسي هبقى أروح أما بقى أنا جاية ليه فالدكتور كلمني و طلب مني أبلغ الكابتن ده هو و نادية نتيجة الفحص بتاع امبارح "