ما يساعد المرء على تخطي مراحل حياته التي قد تكون صعبة ، التفكر في أن الله أراد هذا ، و له الحكمة في ذلك ، و أن الله إذا كلَّفك كفلك ، و أنه تعالى لا يُكلِّف نفسا إلا وسعها
- ماجدة البرودي
__________________________
يعني هي إزازة البيبسي بتاعتي ولا كيس الشيبسي هو اللي هيفرق في المقاطعة أيوه هيفرق في الوقت اللي أنت متضايق علشان حاجات تافهة زي شيبسي أو بيبسي أو أي منتج مقاطعة إخواتنا في غزة بيموتوا بتتدمر بيوتهم ، و عائلات كاملة أُبيدت بلا رحمة ، أطفال في عمر الزهور بدل ما يلعبوا و يفرحوا
أهلهم وجدوهم جثث ، مش معقول تتضايق علشان إزازة بيبسي و إخواتنا مش لاقين حتى مياه يشربوها على الأقل ندعمهم بحاجة بسيطة زي كده ، و كل ما تفكر تشتري حاجة من منتجات المقاطعة افتكر إن فلوسك دي ممكن تكون سبب في موت طفل أو أخ أو أم
الموضوع يتعلق بواجبك و إنسانيتك ياريت بلاش نفقد حتى إنسانيتنا
- صلوا على الحبيب المصطفى صلى الله عليه وسلم
- دعواتكم لأهلنا في فلسطين 🇵🇸
__________________________
بعتذر عن تأخير الفصل بس الموبايل وقع و بعدين اتقفل و راح أبو فراس و أخدت موبايل الحاج علشان أنشر الفصل يلا الحمد لله
__________________________
استيقظت شمس بكسل لتجد أن الساعة قاربت من الثامنة مساءً
فخرجت إلى الصالة و هي تقوم بلف طرحة إسدالها لتجد شدو تجلس على الأريكة و تقوم بمراجعة بعض الأوراق
" صباح الخير يا شوشو "
نظرت شدو لها بيأس ثم تحدثت بسخرية
" صباح إيه بقى قولي مساء الخير إحنا بقينا بعد العشاء "
" ابقي خدي الخير و انتي ساكتة يا
شدو "
" مفيش فايدة فيكي المهم انتي رايحة فين ؟ "
" هروح لمهند علشان أجيب أريام و أرميها لتغريد عندهم "
" يا بنتي اعقلي بقى ده جوزك بيعرف يتعامل مع الأطفال عنك الحمد لله إنه أخدها و إلا كنتي شنقتيها "
نظرت لها شمس بصدمة و تحدثت ببراءة مصطنعة
" أنا ! اخص عليكي يا شوشو ده أنا مفيش في رقتي و حنية قلبي بس ريمو مقرفة زي أمها و طول اليوم عياط لما خرمت ودني ده أنا ما صدقت إن مهند نيمها و قولتله يخدها عنده علشان أعرف أنام شوية ما هو مش علشان الست تغريد تعمل الأكل لمدير الأمن بتاعها ده يطلع عين أهلي أنا بقى "
" بكرة تتجوزي و تخلفي هتبقي تعملي إيه مع أولادك بقى ؟ "
" امم هرميهم لمهند و الله الواد ده طلع عنده مواهب حلوة "
" و الله صعبان عليا كفاية إنه مستحملك ده غلط غلطة عمره "
" ليه جربة هو يطول أصلا بالمعهد بتاعه ده هو فيه واحدة زيي في الكون كله أصلا ده يحمد ربنا إني وافقت اتجوزه أصلا ، و بعدين خلينا في المهم ابقي اتعشي انتي و توته علشان أنا هقعد عند خالتي فادية "
أنت تقرأ
تحت وصاية خالتي
Humorقد كنت وحيداً في وسط العائلة و فقدت تلك العائلة و أصبحت وحيداً مرة أخرى فأتيتي انتي لتكوني العائلة فهل ستكونين كذلك أم سأظل وحيداً
