تحت وصاية خالتي

إقتباس ٢

في تلك القاعة الفخمة و الكبيرة كان يقف هو بكل شموخ و قوة و يظهر عليه علامات الغضب الشديد فعيونه تحولت إلى اللون الأحمر و عروقه برزت بشدة و بدأ يضغط على يده بقوة و هو ينظر لهم بغضب فكيف يمكنهم الدخول إلى القاعة بهذا الشكل المتبجح و مقاطعة حديثه

بينما في آخر القاعة كانوا يقفون و ينظرون له بريبة و توتر و يتعجبون من نظرات الجميع لهم و ذلك الصمت المريب إلى أن قطعت هي هذا الصمت

" الله هو الكل عمال يبص لنا كده ليه ؟ "

سألت بتعجب لتُكمل الأخرى

" و عمالين يبصوا لنا من فوق لتحت كده ليه ؟ يا لهوي هو بنطلون الدفاية باين و لا إيه ؟
عاجبهم الرسمة و مندهشين من أناقتي أكيد "

نفخ الثالث بضيق و نظر إلى أخته بملل ثم سأل بشك

" هو الراجل اللي واقف بعيد عامل كده ليه ؟ ده عينه بتطلع شرار و عمال يجز على أسنانه هو متضايق مننا كده ليه ؟ قوليله يلم نفسه نظراته بتضايقني و حاسس إنه هيبتدي يغلط فقوليله بلاش يفكر حتى و إلا هزعله "

نظرت لهم بصدمة فهؤلاء الحمقى لا يدركون ما فعلوا ، ولا حجم الكارثة التي فعلوها ، ولا حجم العقاب الذي سيقع عليهم و كادت أن تتحدث و لكن تحدث ذلك الرجل بصوته الأجش الذي رج القاعة بأكملها ليلتفت الجميع له باهتمام كبير ثم تحول نظرهم فجأة تجاه هؤلاء الحمقى و نظروا لهم نظرات غريبة

نظر هو لأخته من جديد و سألها بشك

" هو الراجل ده قال للناس دي إيه ؟ هو بيستغل إني مش فاهم لغته و بيغلط فينا لأ قوليله يلم نفسه بدل ما أخلي اللي ما يشتري يتفرج عليه و بعدين انطقي هو قال إيه بالظبط ؟ و شاور للناس دي علينا ليه ؟ "

ازدردت ريقها بخوف و كادت أن تتجه إلى أخيها و تقتله و لكن تراجعت و حاولت أن تهدأ و قبل أن تتحدث لاحظت اقتراب بعض الأشخاص منهم لتتحدث ببسمة غبية

" هو قال كتير الصراحة بس نقدر نختصر اللي قاله في جملة "

نظر لها برفع حاجب و سأل بتحفز

" إيه هي ؟ "

أشارت بيدها لهؤلاء الأشخاص ثم تحدثت و هي تستعد لفعل شئ ما

" على الأرجح إننا هنتمرجح احيييييه اجروا و إلا هنتقطع  "

دمتم بخير وعافية

# اقتباس ٢

بقلمي / سمية محمد

수마이야