تمت تسولف معاه ، ع المسى ،،
ام حمدان : باجر ان شاء الله اللمه بتكون عندنا المسى
ظبيه : اكره العزايم اللي تصير في بيتنا والله اكرها
ام حمدان : اوووص انتي ولا كلمه ع اساس بتساعديني ولا بتقومين تسوين وياي شي تراج راقده لين حزة الغدا
ظبيه : ترا عقب ما بنش بتكرفيني
ميثه : امييه جان قلتي من قبل عسب اسير الصالون اسوي اظافري
ام حمدان : لييش عرس عندي عسبت تسيرين الصالون؟
ميثه : شدخل ! انا احب اهتم بعمري
ام حمدان : يوم بتعرسين اهتمي بعمرج الحين قوومي مسكي لج شغله فالبيت
ميثه : شووو ! مابسوي شي مايخصني انتي معزمه وانتي اشتغلي مع خدمج
ام حمدان : شو هالرمسه اليوم؟ هيين خ ايي ابوج واقول له شو قلتي لي
ميثه : لالا خلاص امزح معاج امييه بلاج صايره محد يقدر يسولف معاج
ام حمدان : شو بتسوين لهم؟
ميثه : مابسوي شي بطلب سويتات من برع
ام حمدان : زيين المهم يطلع منج شي وانتي ظبيه شو بتسوين؟
ظبيه : انا بسير اشووف شو عشانا اليوم
ام حمدان : مب مسوين عشى اليوم صيام لين باجر
ظبيه : لا دخيلج امييه قوولي تمزحين
ام ظبيه : قلت للخدامه تنظف المطبخ وترقد اذا تبون كلوا صمون وجبن
حمدان : صمون وجبن !!!! مب من صدقج امييه ! انا بطلع بسير المطعم اتعشى قومي ميثه
ميثه : لا مابا انا شبعانه مابا اكل
ام حمدان : طلعه من البيت ماشي ، تبين من برع اطلبي و ترقدون اليوم من وقت سامعه انتي وياها
