حمدان قام يبطل الباب ، مسكت ايده
اميره : تعال والله اليوم ترقد عندي مايخصني يلا
حمدان لف يطالع روضه ، اميره لفت راسه لها
اميره : قلتلك تعال
حمدان طلع معاها ، روضه طلعت من الحمام شافت حمدان محد ، تضايقت ، نشفت شعرها ، فرت الفوطه انسدحت ع السرير ترقد ، صوب ظبيه و مهير في الفندق ، ظبيه قاعده تبطل شعرها
ظبيه : اوففف لاه والله تعبت وانا ابطل بهذا الشعر باجر سايره الصالون وقاصه هالشعر
مهير : هيه ع كيفج هو تقصينه
ظبيه : وانا باخذ رايك يوم بسير بقصه؟ بلبسك الباب وبطلع
مهير : جربي عشان اسحبج من كشتج و اوديج عند اهلج
ظبيه : وايي خوفيتني شعري وكيفي اسوي فييه اللي ابييه حتى لو قرعته مايخصك فييه
مهير : قصييه عشان اقص راسج ولسانج هالطويل مره وحده
ظبيه طنشته وقعدت تبطل شعرها تنرفزت قامت الحمام تسبح ، بعد نص ساعه طلعت
مهير : بلاه جي شعرج ناقع
ظبيه : شو اسوي فييه مب راضي يتبطل قلتلك بقصه قاعد تتفلسف علي
مهير : تعالي خليني اجرب انا ابطله ، قعدي خ اشووف
ظبيه قعدت ع الكرسي مهير يحاول يفجج شعرها
ظبيه : شوي شوي لا تعورني
مهير : تحملي عاد ، اقولج عادي اقطع شعرج؟
ظبيه : شو تقطعه انت مينون؟ ع بالك بلا احساس انا قصه ولا تقطعه
مهير : ماقدر وايد شابك
ظبيه : اوففف خله باجر بسير بيت اهلي خ ميثه تحاول فييه
مهير : ما يحتاي "فرد شعرها" حليته روحي
ظبيه ابتسمت : اوووه والله ماتوقعت منك كفوو علييك والله عجبتني
مهير : افا علييج يسموني مهير لفك الازمات
ظبيه : هههههههه فكنا زين بدخل اسبح اقيين بغسل شعري
مهير : توج في الحمام شو تسوين عيل؟ تستهبلين انتي؟ سبحي باجر
ظبيه وقفت : ماحب لازم اغسله
مهير : خليييه
ظبيه : بسير الحمام انزين وانت جهزلك مكان ترقد فييه مابخلييك ترقد معاي بنفس السرير
مهير : ع كيفج؟
ظبيه : هيه كيفي
