ميثه : هو نفسه علي يارنا قالتلي انها من فترة طويله تسولف معاه وقال بيتقدم لها والحين بس امه كلمت امج يعني ماخطبوا بعدهم
روضه : بقوم بتصل وباخذ العلوم
قامت تتصل في امها وتاخذ منها العلوم ، عقبها ردت وشافت حمدان موجود ، سارت تقعد في الغرفه ، ميثه حست بغيابها راحت لعندها
ميثه : مب من صدقج حتى بيومي قاعده هني
روضه : مالي خلق اقعد مجابله اخوج يوم بيروح بي
ميثه : بزعل منج بس اليوم تعالي وقعدي حذالي ماعلييج منه لا تسوين له سالفه
روضه : ميثه خليني اصلن تعبانه ماقدر اقعد وايد
ميثه : تعالي بنتعشى الحين يلا
روضه : يايه
قامت وطلعت معاها ، راحوا ياكلون واقعدوا مع بعض ، اميره يت تقعد معاهم
اميره : والله زين بيفضى البيت الحين وعقبال بعض الناس
ميثه : لا تردين عليها خ تولي
روضه طنشتها
اميره : حمدان تعال اكل معاي
حمدان راح يقعد حذال اميره ، قابل روضه ، روضه مطنشتنه وتتطالع ميثه اللي قاعده ع يمينها
ميثه : انزين ماقلتي اليوم كان موعدج شو صار؟ متى الولاده
روضه : بعدني عقب ثلاث شهور بدخل التاسع ، بس شكلي مابولد بالتاسع بولد قبلها لانه نقطه واحس بنفجر واييد تعبانه
ميثه مسحت ع بطن روضه : حبايب عمتهم لا تعبون امكم
اميره : عاد هالوزن اللي زايدتنه بتعقينه مع الولاده ولا بعد ناويه تستمرين لين تصيرين فيله
