ميثه : عمووه تراج قديمه انتي ، تراها بنت خاله عادي يعني يتعرفون ع بعض ويسولفون مع بعض تراهم من هم صغار يسولفون وياخذون ع بعض ، بس يوم كبروا ماقاموا يسولفون مع بعض
عائشه : انا مب قديمه بس عيييب ماتعرفين العيب انتي
ام حمدان : تعرفه العيب بنتي بس مافيها شي لو اتكلموا مع بعض انا سامحه لهم
عائشه : لا تعطينهم مجال خ يملجون بالاول
صوب روضه : انا شو يابني اهني !! لو سايره البيت احسن لي
ميثه : ماعلييج منها هاي فلسفه اعتبري وجودها وعدمه واحد
ناصر دخل : السلام عليكم "راح يقعد عند حمدان" هالمعرس زين شفتك فالبيت
حمدان : اسكت انت نادني باسمي شو اللي معرس ومعرس ، شايفني قاعد ف بشتي
ناصر : بلاك انزيين الواحد من يقولون له المعرس يستانس وانت منفس
عائشه : ناصر يلا اكل عسب تردني البيت
ناصر : شو عندكم من اكلات اكلها؟
عائشه : كل شي موجود البوفيه قدامك سير وحطلك
ام حمدان : انتو بعد بنات قوموا كلوا
ميثه : يلا قوموا خ ناكل
روضه : مابا انسدت نفسي
شما : عقب باكل
ميثه : كيفكم
ميثه راحت تحطلها اكل ، ناصر قام معاها وقف حذالها
ناصر : حطيلي وياج
ميثه : انزين
ميثه قعدت تحط لها اكل مع ناصر ، عائشه عينها عليهم ، ميثه سارت تقعد في الطاوله ناصر قعد معاها ، عائشه قامت وسارت لعندهم
