اميره : بلاكم ! اسالكم حمدان وينه؟
ميثه : دامج واييد مهتمه فييه دقي له واساليه وينه هو
اميره : وانا شو قاعده اسوي الحين؟ تراني ادق له
ميثه : حمدان مب صغير عسب نقعد ندور علييه
اميره : ماقلتلكم دورو علييه يمكن صاير فييه شي
ام حمدان : حمدان مافييه شي بس قعدي اكلي وفكينا من ازعاجج
اميره : مب قاعده وريلي مب موجود
طلعت عنهم تمت قاعده في الصاله تدق لحمدان لين رد عليها
حمدان: شتبين انتي حشرتيني اتصالات ورا بعض الواحد مايقدر يرتاح شووي منكم
اميره : لا ما ترتاح وانت بعييد عني وينك ليش ماييت تتغدا
حمدان: قاعد في المطعم واتغدا مع ربيعي بغيتي شي
اميره : هيه بغيت ، بدال ماتقعد تتغدا مع ربيعك جان شليتني انا
حمدان : ماتشبعين انتي؟ خليني بعييد عنكم شوي ابا ارتاح منكم ومن صدعتكم يلا يلا بندي
بند بويها
اميره : طاع هذا ع كيفه يبند بويهي بعد !
ظبيه يت تقعد معاها : ليش ماتغديتي والله انه الاكل طافج اليوم
اميره : مابي منسده نفسي من امج
ظبيه : بعد هاي امي شو نسوي تحمليها دامج ساكنه عندها
اميره : امج طلعت ما تتعايش والله رغم اني ماسويت شي بس خذت ولدها اللي يحبني و احبه
ظبيه : عادي مع الايام بتحبج مثل ماتحب روضه
اميره : ههههههه هي من كثر حبها لروضه نستكم مدلعتنها اكثر منكم
ظبيه : وهذا اللي غاثني انا
