ام اميره بدون اهتمام : انتي شو يابج هني؟
اميره : هند ،، هند بنتي مريضه مرقده هني ، امييه تولهت عليكم انا اسفه ع كل شي اعرف اللي قاعد يصير لي لاني ماخترتكم انا متندمه على حياتي اللي عايشتنها الحين ، امييه كل شي تغير من ولدتها ، كل شي حتى حمدان متغير علي "تصيح" اليوم حلف يطلقني لو صار في هند شي
ام اميره : ليش شفيها بنتج؟
اميره مسكت ايد امها : تعالي شوفيها الله يخلييج لا ترديني بس شوفيها
ام اميره راحت معاها للغرفه ، ام اميره دخلت انصدمت يوم شافت بنتها ، راحت لعندها وشلتها عالخفيف ، اميره صاحت
ام اميره : انتي ليش تصيحين الحين !
اميره : لانج انصدمتي يوم شفتيها اعرف مب متقبلتنها انها حفيدتج حتى انا ما ابيها
ام اميره انصدمت منها : كيييف ماتبينها ! شو سوت لج البنت الحين عسبت ماتبينها !! حرام عليييج هذي تفتح لج باب للجنه وانتي ماتبينها
اميره : هي ماتبيني ابدا كل ما شليتها قعدت تصييح وتباني اهدها ، اتخيلي اميييه مع روضه كييف تكوون هاديه ومعاي العكس ، انا تعبت من هذي الحياه تعبت من كل شي واييد تعبتني واييد
ام اميره : حرام علييج والله مادري انه قلبج قاسي جي حرام البنت تكوون عندج والله انا باخذها عنج
اميره : انا بي معاج كلمي ابووي مابي حمدان ولا ابي اعيش معاه اكثثر لانه يعتبر وجودي وعدمه واحد
ام اميره : بعد شو ماتبين حمدان؟ عقب ماشفتي قيمتج عنده الحين ماتبينه؟ الحين عرفتي اهلج بس؟
اميره : كنت طايشه وقلبي اللي يتحكم فيني مب عقلي حمدان مايحبني اصلا ، حمدان وايد يحب روضه وعيالها ومب مسوولي حساب بحياته ولا يقعد فالبيت ولا يرقد معاي حتى ، ومن يبت هند ماقرب مني ولا لمسني مايبيني احمل واييب له طفل مريض شرات هند ، انا ماقدر اتحمله اكثر ماقدر اتحمل قساوته لي وهجرانه لي تعبت من هالحياه ، وحتى عمتي ماتعبرني ولا تهتم لي كله همها روضه و عيالها ، انا ابا ارجع خلاص دخيلج كلمي ابووي مابا حمدان والله ماباه
