انا احبك عهدا والعهد دين لا يموت

جزء 4

قربات من اريناس لي كانت ناعسة فالنموسية ديالها بوحدها باستها فخدها وبقات كادوز على خدها بحنية وكاتفيقها بشوية

نسرين ....: اريناس انو حبيبة ديال عمتها نوضي احبيبة راه لفطور واجد

اريناس قمشات عينيها وكاتحرك فبلاصتها ...: هئ هئ خليني ننعس مابغيتس نفطر (ههه حيت كاتبدل سنان هاعلاش ماتقدرش تنطق الشين ههه )

نسرين ...: ويلاه نوضي ااريناس كاتعرفي عمك كيفاش داير ايلا شاف شي وحدة ناقصة على الطبلة شنو كايدير ويلاه نوضي

اريناس ...: هئ بفف صافي واخا سيري انا نتبعك دابا

نسرين تحنات عليها وباستها فخدها ...: هه هاكا نبغيك الفراشة ديالي يلاه نوضي ونوضي معاك ختك صافي

اريناس ...: واخا

خرجات نسرين من الغرفة وهي ناشطة نزلات لتحت كان تقريبا كولشي  مجموع من غير براهيم ولبنات قربات نسرين من باباها وباست ليه يدو وجلسات فجنب ديال الطبلة مقابلة مع كوثر لي مخنزرة فيها ههه عكس نسرين لي كانت كاتضحك ليها فوجهها هه وفرحانة

مدازتش 3 دقايق حتى كان كولشي نزل وتجمعو على الطبلة فطرو فسكات نسرين ليكانت كاتاكل بحال شي وحدة عام ماذاقت النعمة غير كاتخشي فمها مكتخليش الوقت باش تنفس محسات غير بقرصة خوها براهيم على فخذها خلاها توحوح فلاصتها

نسرين كاتحك فبلاصة القرصة ...: احح حشومة عليك اخويا علاش قرصتيني

براهيم خنزر فيها ...: كولي بحال البشر ونتي كاتاكلي بحال الحيوان لي شافك يقول خليناك بجوع كولي بالادب ولا نعاود ليك ترابي من جديد

نسرين سرطات ريقها وحنات عينيها للارض ...: سمحليا اخويا مانعاودهاش مرة خرى

براهيم ...: الا غير عاوديها ديك الساع تشوفي وجه اخر

نسرين سرطات ريقها وكملات فطورها بشوية واخا خوها مخلا ليها خاطر باش تكمل ولكن عارفة ايلا مشات حتى شدات معاه الضد غادي يجمع معاها بشي عصا وهي معندها صحة تاكل لعصا على صباح

كملو لفوطور وكل واحد ناض لشغلو تعاونات نسرين مع ماماها وكوثر جمعو الطبلة وغسلات نسرين لمواعن وكوثر سيقات الدار مهم تعاونو حتى سالاو شغل وجات نسرين تطلع فدروج حتى وقفاتها كوثر

كوثر ...: هيه فين غادة نتي

نسرين ببرود ...: غادية للمريخ تمشي معايا

كوثر ...: باراكا من الهدرة الخاوية ودوزي تصاوبي الغدا سيمانة كاملة انا لي كانطيبو يلاه دوزي دابا نتي طيبي ولا كتعرفي غير تخمار ونعاس

براهيم لي كان نازل فدروج وسمع الهدرة ديال كوثر  وقف عليهم وبقا كايشوف فكوثر وهو مخنزر فيها

براهيم بصوت قاصح فيه نبرة من التهديد ...: اولا نتي معندكش الحق تدوي مع ختي بهاد االاسلوب وماعندكش الحق تامريها بشي حاجة مفهوم انا والواليدة والواليد بوحدنا لي عندنا االحق نعطيوها الاوامر لا غير وثانيا نتي ماعندكش الحق تحاسبي معاها على شي حاجة وهي فدارها تنعس فوق مابغات تنزل فوق مابغات نتي معندكش الحق تحاسبيها ولا تامريها وثالثا ايلا معجبكش الوضع لي نتي فيه ها الباب لي دخلتي منو خرجي منو ماكاين حتى مشكل خويا نجيب ليه لالياتك فهمتي ورابعا واياك وياك ونشوفك شي نهار رفضتي شي حاجة قالت هاليك الواليدة ولا نشوفك تحاسبتي معاها ولاتحاسبتي مع ختي داك نهار غادي يكون اتعس نهار فحياتك كانضن بلي نتي عشتي معانا الوقت الكافي باش تعرفي كيفاش انا داير دونك من الاحسن ماتخليناش نوصلو لديك المرحلة

كوثر لي ولات حمرة بالحشمة كاترعد كاملة ماكرهاتش الارض تنشق و تبلعها ولا تطيح فهاد الموقف اما واحد نسرين لي واحد شوية وتنقز على خوها تبوسو  الفرحة باينة ليها على الوجه

كوثر وهي حانية راسها ....: سمحليا اخويا ابراهيم انا ماقصدتش من الهدرة ديالي شي حاجة سمحليا ماغاديش يتعاود هادشي

ابراهيم ...: الله يسامح ومابغيتش هادشي يتكرر مرة خرى (دار لجيهت نسرين ) ونتي يلاه طلعي لقرايتك عاطيونكم الويكاند باش تحفظو فيه وتراجعو ماشي ترتاحي فيه يلاه دغيا قرايتك

طلعات نسرين كاتجري فدروج وهي طايرة بالفرحة وصلات عند بيتها حلاتو وهي تنقز فوق كاتغني وتشطح 

نسرين....: واعععععععععع هههههههههههه i looooooooooooooooooove yooouuuuu brooooooo وااااااع عهههه كانبغييييييييييييييك اخويا ههههه ناري على قمعة دار ليها ههههه 

وطلقات حلاقمها كاتغني بجهد 

She tells him "ooh love
No one's ever gonna hurt you, love"
"I'm gonna give you all of my love"
"Nobody matters like you" (stay up there, stay up there)
She tells him "your life ain't gonna be nothing like my life" (straight)
"You're gonna grow and have a good life"
"I'm gonna do what I've got to do" (stay up there, stay up there)So, rockabye, baby, rockabye
I'm gonna rock you
Rockabye, baby, don't you cry
Somebody's got you
Rockabye, baby, rockabye
I'm gonna rock you
Rockabye, baby, don't you cry
Ah, rockabye, no (Rockabye-rocka-rocka-rocka-bye) (oh)
Rockabye, yeah, yeah (Rockabye-rocka

هههه بقات كاتغني بجهد ههه جاب الله بيتها كاين فسطح وماكيتسمعش اما كون خوها اليوما دوزها فبرنامج مبتسمون رغم الاعاقة 

بقات كاتغني حتى عيات عاد طاحت على النموسة كاتلهث 

نسرين ...: هوووووووووووف عيييت ناري ماعنديش السوفل هوف ههههه الله يصبر راجلي المستقلي معايا ههه ناري تفكيري سافل الله امسخني ههه اممم دابا ماعرفت شنو غايكون كايدير زوجي المستقبلي هههه غادي يكون غير جالس مع شي وحدة وكايقول ليها حبيبة كانبغيك بزااف احياتي ماغادي تفارقني عليك غير الموت هاي هاي  غير استنا اراجلي العزيز انا هي الموت لي غادي تفرقكم ههه غير صبر عليا ههه ناري انا صافي حماقيت غادي نوض نجمع البيت ونشوف موراها شنو ندير