انا احبك عهدا والعهد دين لا يموت

جزء 11

عبد المالك شاف فيها مخنزر وهو اصلا طالع ليه الدم وزادت عليه هادي تحنا شوية عندها وهو يجرها من شعرها مزير عليها وقربها منو ....: علااااش كاضحكيييييي اممممم دوييييييييييييييي واش انا طالع لي الدم ونتي كاضحكي عليا هنايا واش انا قلت شي نكتة مافخباريش

براهيم قرب منو كايحاول يفك يديه من شعرها وهو مخنزر فيه ...: طلقها من شعرهااااا اصحابي كلتليك طلقها

عبد المالك عينيه ولاو حمرين باغي غير فين يبرد اعصابو ....: سير لشغالك نتا ماشي شغلك فيها انا غادي نتحاسب معاها على هاد لفشوش والضسارة كاملة (هز يديه حتى لفوق وهو ينزل على وجهها خلاها الطيح الارض من قوة الضربة لي دار ليها )

براهيم ولاو عينيه حمرية عروق يديه برزو بقا مركز نظرو فختو لي طايحة الارض مازال ماستوعبش بلي ضربها هز عينيه فيه وهوب فرمشة عين نزل عليه براسو وعطاه بونية لوجهو ونزل عليه بكروشيات كايضرب فيه ماخلا ليه حتى الوقت باش يستوعب ويحامي على راسو

براهيم ....: يااااااك حذرتك قلتليييييييييييك ماتهزش يديك عليها ماتهزش يديييييييييييييييك علييييييييييييييها ولكن نتا درتي عكس هدرتييييييييييي

دخل باباهم بالزبة كايحاول يفكهم اما نسرين لي كانت طايحة فالارض شادة وجهها من الضربة لي عطاليها ونيفها كاينزف طلعات بالزربة لبيتها بلا ماتسوق ليهم وسدات مورها الباب بالساروت وتقابلات مع لمراية كاتشوف وجهها لي ولا حمر وصبعن يديه مطراسين فوجهو ونيفها لي كاينزف الدم هزات واحد الكلينيكس وبقات كاتوقف الدم وهي عينيها حمرييييييين

نسرين ....: غادي ندمك اعبد المالك على هادشي لي درتي فيا غادي نخليك تدفع الثمن غالي حيت ضربتيني ورفعتي عليا يديك 

نمشيو لبلاصة خرى وبالضبط عاصمة المغرب الرباط وبالظبط ففيلا البناني او بالاحرى قصر كانو مجموعين كاملين على الطبلة متراسها الجد و الجدة فاطمة ام مجد فعمرها 73 سنة امراة صارمة وكاتبغي الاوامر ديالها لي تنفذ مغرورة بزااف وكايهمها غير المظاهر و سمعة العائلة والجد محمد بناني اب مجد عمره 76 سنة  رجل ضريف بزااف وحنين عكس الزوجة ديالو وفجنبو جالس ولدو مجد ومرتو سارة وفجنب الجدة كاينة ابنة محمد و فاطمة لي هي عمة سيف سميتها اسماء فعمرها 40 سنة ولكن ماكتبانش فيها حيت مهاليا فراسها ودايرا بزااف دعمليات التجميل وهي حقودة بزااف كاتبغي غير مصلاحتها ومصلاحة بنتها راجلها توفى فحادث سير ملي يلاه كاتولد بنتها اريج لي فعمرها حاليا 24 سنة عارضة ازياء مشهورة ففرنسا وكاتستقر تماك حاليا 

وفطرف لاخر كانت جالسة روان حدا ماماها وجالسين كياكلو بصمت حتى كسرات سارة الصمت خلات كولشي مصدوم
سارة ...: اليوما دويت مع ولدي سيف والسيمانة الجاية انشاء غايكون هنا فالمغرب وقالي بلي غادي يجي ويتعطل هنا حيت غايفتح واحد البروجي ديالو هنا فالرباط