انا احبك عهدا والعهد دين لا يموت

جزء 7

كرولي وهي كاتجري كاتحاول ما امكن تلحق عليه ....: جون فعمره 10 سنين وجيان فعمره 7 سنين تعرضو لحادث سير ودخل فيهم عمود ودابا الجسم ديالهم دخل فصدمة العمود وقف النزيف ولكن الحالة ديالهم حرجة بزااف

دخلو المستعجلات قو وقفو قدام جوج اطفال صغار العمود داخل فيهم فالنص الجسم ديالهم دخل فحالة صدمة ماكيشعروش بالالم ولكن الحالة ديالهم حرجة بزااااف العمود مزق ليهم الاحشاء ديالهم وباش يحيدو داك العمود الحالة ديالهم غادي تولي خطيرة وبقدو يموتو

سيف ....: حاولتو تقطعو العمود بالمنشار

المسعف لي جاب هم ...: مانقدروش نحركوهم حيت ايلا حاولنا نحركو العمود يقدرو يموتو بجوج بيهم

جيان وهو كيبكي وكايلوم خوه ....: شتي انتا سباب فهادشي كون بقينا فالدار مخرجناش كون كاع مايوقع هادشي

جون ....: انتا ديما كاتلومني انا على اي حاجة وقعات معرفت شكون قال لول بغيت ناكل شكلاط كون ماكنتي نتيا لي خرجتينا من الدار كاع مايوقع هادشي

يلاه جا يدوي جيان وقفو سيف ...: اششش تهدنو الابطال ماغادي يوقع ليكم والو غير تهدنو وايلا كنتو بغيتو تخرجو سالمين منهنا ماخاصش تبقا تدابزو صافي

سيف شاف فكرولي وهو مخنزر ...: بغيتي كاع الاطباء يجتامعو فالقاعة باسرع وقت يطعل واحد فيهم حسابو معايا عسير.,..وبغيت الاشعة ديالهم فاسرع وقت وكاع الحالة الطبية ديالهم اه واش علمتو واليديهم

كرولي ...: اوك مستر اه علمنا واليديهم واحد وتوصلنا بلي هوما خارج البلد وهوما كانو فرعاية المربية ديالهم فقط او واحد شوية غاتجي

سيف مشا بالزربة لقاعة الاجتماع وهو كايحاول يلقا شي حل باش ينقذ فيه هاد جوج الارواح دخل لقاعة جلس فالكرسي مقابل مع الشاشة لي قدامو دخلات كارولي بالزربة ومعاها بزااف دالاطبة لي كانو فمقتبل العمر

كرولي ...: مستر سيف تفضل الملف الطبي ديالهم

سيف دار لجيهتهم وشاف فيهم واحد واحد بكل جدية وصرامة ...: اليوما حنايا فمهمة صعبة بزااف جوج دالارواح بين يدينا وحنايا خاصنا نديرو المستحيل نقذوهم جوج اطفال صغار دخل فيهم العمود ومزق ليهم الاحشاء ديالهم الشيئ لي خلا الجسم ديالهم يدخل فصدمة (سيف شاف فيهم واحد واحد وسكت لمهلة وشاف فكرولي بعصبية ) فينهوما جاد وادريان وايرميلا

كرولي ولات كاتقفقف كاملة مسكين ماعرفات ماتقول ...: ددد م ممعرفتش مالقيتهمش فالمستشفى

سيف عينيه ولاو جغمة دم قلب البيرو كامل وغوت بجهد ...: وااااااااش انا عنديييييي هناااااااياااا اوطيييييل يخرجو فاي وقت بغاو ويجيو فاي وقت بغاااااو واش حناياااااا كانلعبو هناااااااااااياااااااا

تحل الباب ودخلو منو جوج دراري زوينين وبوكوصين ومعاهم واحد البنت زعرة لابسة واحد الكسوة فلحمر فوق لفخاد وطالقة شعرها الاشقر لي قصير ودايرة عكر فلحمر دخلو بشوية وحانيين راسهم عارفين بلي قفروها ديال بالصح