اليوم قصة جريئة 🔞🔞
كتجمع ما بين الحب ❤️ و الدراما 🎭 و الاكشن و المافيا 🔫 و الضحك و النشاط 😂 و الرومانسية و التفرشيخ و اكيد محبوبتكم
السفالة 🔞🔞
( انا بحالي بحالكوم قريت بزاف ديال القصص و كنت كنتخايل سيناريوهات فراسي بالليل باش نقدر نعس فراني...
خرجات نسرين من عندو وسدات الباب موراها وتمات غادة طالعة لبيتها دخلات وسدات مورها الباب ورفعات عينيها بتحدي
نسرين ....: كون على يقين اخويا بلي غادي ندير عكس هدرتك وهادا تحدي مني ديما نتوما لي كاتفرضو عليا سيطرتكم وانا عمري قدرت نعطي رايي ولا نعارضكم ولكن دابا كلشي غادي يتبدل كنت كانستنى بفارغ الصبر هاد اليوم وكون على يقين ماغاديش نخلي الفرصة الضيع من بين يدي
شافت فلفلوس لي فيدها دارت ضحكة جانبية وهي تمشي لماريو ديالها لي كان صغير بزااف وقديم شوية حلاتو وبقات كاتقلب بين لباس حتى جبدات واحدالقرعة ديال الخزف كايجمعو فيها لفلوس كبيرة شوية وكان فيها واحد الفتحة كايدخو منها لفلوس نسرين كثر من ست سنين وهي كاتجمع فالفلوس حيت هي ماكانتش كتخرج باش تشوف لحوايج وتشري وكانت كولما يعطيها خوها ولا باباها شي فلوس كالدير هوم تماك وملي كبرات بقات كاتقو ليهم فالدار عطوني فلوس دالفوطوكوبي كل مرة كاتزيد لفلوس وتمشي تخبيهم حيت عارفة غادي يجي واحد انهار تحتاجهم وتوقف على دوك لفلوس
مشات سدات الباب باالساروت وخدات واحد الحديدة صغيرة وجلسات على النموسية
نسرين ...: ياربي نلقا فيها شي عدد زوين راه ايلا مشيت حتى لقيت قل من 7000 درهم انا غادي ننتحر
وهي تشد ديك لحديدة وهرسات ديك القرعة وهي طيحو منها بزاااف دالفلوس نسرين عينيها ولاو قلوبة كاتشوف قدامها بزااف ديال لفلوس
جلسات على النموسية وبقات كاتحسب فيهم وهي متحمسة وكل ماكتزيد تحسب وهي كاتزيد تحمس وتفرح كثر حتى كاتصدم من لعدد لي جمعات وهي تطلع فوق النموسية كاتغوت بجهد وتنقز
نسرين .....: وااااااااااعععععععععععع جمعت ثلاثة دالمليون نص واااااااااااع انا وليت غنية ههههههههههههههههههه صافي انا خاصني نهجر هاد لبلاد ويلي انا راه غير ضايعة هنايا ههههههه ناري انسرين نتي صافي تصطيتي هههه واععع والله مامتيقة بلي حتى انا ولاو عند لفلوس ونقدر نصرفهم كيما بغييت ههه احسن حاجة درتها فحياتي هي هادي
جلسات على النموسية وكاتشوف فلفلوس ....: هادو هوما لي يقدرو ينقذوني من هاد العيشة
جمعات دوك لفلوس او خدات واحد الساشية صغير دارتهم فيها ...: اوووف فين غادي نخبيهم خاصني نديرهم فشي بلاصة امنة ولا راه حياتي ضاعت ايلا ضاعو هاد لفلوس
بقات كالدور فالبيت كاتشوف فين تقدر تخبيهم وهي يجي على بالها الحل الوحيد هو تخبيهم فالنموسية داكشي لي دارت قلبات النموسية وخشاتهم فيها لداخل وردات كولشي لبلاصتو وجمعات روينة لي دارت فالبيت عاد تكات على النموسية كاتشوف فسقف
نسرين ....: خاصني ندرس الخطة مزيانة باش نوصل داكشي لي بغيت اوووف مليت والله مدرسة الدار عمري خرجت وتساريت كي الناس
هزات التيليفون ديالها وبقات كاتبقشش فيه وكل مرة يطلع ليها شي مشهور ومشهورة عايشين الحياة ديالهم وحياة خرى كايعيشوها مقارنة مع راسها الشيئ لي زاد فيها الرغبة باش الدير داكشي لي فبالها قطع تفكيرها الغوتة ديال كوثر لي كانت كاتغوت بجهد
نسرين ...: اوووف مالها هاد الموصيبة ثاني كاتوحوح علينا
ناضت على النموسية وخررجات من البيت باش تعرف شنو واقع وبقات نازلة فالدروج وصوت غواتها كايزيد
وصلات للطبقة الاولى وهو تشوف كولشي مجمع عند باب بيتها من باباها وخوها براهيم وماماها
نسرين ...: اش وااقع علاش كاتغوت
وهو يتحل الباب وخرج منو عبد المالك معصب طالع ليه الدم
براهيم ....: اااش واقع
عبد المالك ...: ماكاين والو غير ماعرفت شنو وقع ليها دهنات شي كريم وخرج ليها حبوب حمرين وحكة مجهدة
ماجا فين يكمل هدرتو حتى تسمع تشراخ بالضحك نسرين لي طاحت الارض كاتكركر بالضحك وشادة على كرشها عاد عاقت بالقالب كانت نسات كاع واش دارت شي حاجة
نسرين .....: هههههههههههههه واعععع ههههه
كولشي شاف فيها مستغرب من السبب لي خلاها تضحك بحال هاكا
К сожалению, это изображение не соответствует нашим правилам. Чтобы продолжить публикацию, пожалуйста, удалите изображение или загрузите другое.
