انا احبك عهدا والعهد دين لا يموت

جزء 6

كان جالس فالمكتب ديالو لي كان منظم وراقي جالس  بكل شموخ حاط رجل على رجل ومركز فالخدمة ديالو لابس بيجامة ديال الخدمة فاللون الازرق الغامق او فوقها طابلية فلبيض وحاط سماعة القلب على عنقو مركز فخدمتو وباين فيه كايحاول يقلب على شي حاجة مهمة حتى كسر الصمت تيليفونو لي كايصوني هز راسو وشاف فالمتصل دار ابتسامة جانبية  هز التيليفون ودارو على ودنو ودوا بصوتو الرجولي 

سيف ....: سلام الوليدة كيدايرة لاباس 

سارة  بصوت حزين ....: مالاباسش اولدي انا ماشي مزيانة 

سيف تخلع ....: مالكي الواليدة ياك لاباس ياك ماوقعات شي حاجة 

سارة ....: ماواقع والو اولدي من غير اني متشوقة لولدي واش كاين شي واحد كايغرب على مو 3 سنين اا 

سيف رد راسو اللور وتنفس بغيظ....: ومالكي على هاد الحالة قوليها نيشان صافي قولي ولدي توحشتك وبغيت نشوف صافي غادي نقضي شي شغالات صافي شي شهورة نكون عندك اميمتي 

سارة غوتات بجهد...: شنو كيفاش شهورات واش انا كانقوليك موحشاك وانتايا جالس كاتقولي شهورة نكون عندك والله يا وليدي ايلا مارجعتيش هاد السيمانة انا ساخطة عليك مانا مك مانتا ولدي 

سيف ....: تاني الواليدة بفف كاتعرفي بلي حتى انا مكرهتش  نكون حداك ولكن كاتعرفي الضروف 

سارة .,...: علاش شكون منعك تجي والدير هنا خدمتك شنو فيها فديك المنيوم حسن من رباط هنايا حسن فبلادك وبين حبابك وانتيا مشيتي عند اليهود تخدم 

سيف ضحك من قلبو على هدرة مو ...: هههههه شحال من مرة كنقوليك سميتها المانيا ماشي المنيوم هههه راه كون كان عايش هتلر وسمعك كان غادي ينتاحر مرة خرى هههه ههه قضى عمرو كامل باش يكبر ويوسع فلبلاد ههه جيتي نتي سميتها المنيوم 

سارة حتى هي ضحكات .....: هههه انا ماشي شغلي المنيوم والمونيا  المهم عندي هو يرجع ليا ولدي ونعنقو ونشم ريحتو واش كاينة شي ام ماكتشوفش ولدها ثلث سنين 

سيف ...: صافي الوليدة مايكون غير خاطرك سيمانة جاية انشاء الله نكون عندك غير كوني ليا على راحتك 

سارة ضحكات من قلبها ....: هه ايوا هاكا نبغيك اولدي سير الله يرضي عليك ويفتح عليك بيبيان الخير وبغيت من الله يجيب ليك شي بنت الناس الاصل والفصل زينة لبنات انشاء الله لي تكون من نصيبك فوقاش ناوي تفرحنا اولدي انا مابقا ليا والو فهاد الحياة حتى انا بغيت نشوف ولدي معرس ونوجد لعرسو ونهز ولادو بين يديا ونسمع غواتهم فالدار 

سيف ....: ناري الواليدة بدينا تاني فالكسيطة ساليتي من  حاجة ومشيتي لعرس دابا الله يهديك الواليدية انا مازال مكنفكرش فزواج دابا 

سارة غوتات حتى صوتها كان غايخرج من التيليفون ...: كييييييييفاش مابغيتيش تزوج دابا علاش بالسلامة شحال فعمرك راه لي قدك تزوجو او ولدو وقرابين يزوجو ولادهم وانتايا بقا حادي ليا المستعجلات