انا احبك عهدا والعهد دين لا يموت

جزء 5

نمشيو لبلاصة خرى او بالاحرى عالم اخر عالم مختلف على البطلة ديالنا وبالظبط فمدينة المانيا  فواحد من اكبر وافخم  المستشفيات الجامعية فالمانيا ولي احتل المرتية الثانية عالميا كاحسن مستشفى جامعي في العالم والفروع ديالو فالعديد من الدول الاخرى كفرنسا وايطاليا والولايات المتحدة المريكية وهاد المستشفى تاسس على يد شاب مغربي طموح بزاااف كان الحلم ديالو من هو وصغير يولي طبيب وبسبب الطموحات والارادة لي كانت عندو قدر يولي احسن بروفيسور قلب  ودماغ في العالم حتى عملية ما فشل فيها قدر يوصل وهو صغير فالسن قدر يدير المستحيل وجعل من نفسو شاب ناجح يتذكر على كاع الالسنة وهو ماقتاصرش على الطب فقط بل بين الذكاء ديالو فكاع المجالات بهر العالم بالذكاء ديالو فتح بزاااف ديال الفنادق والمطاعم فجميع انحاء العالم واسس شركة خاصة باسمو لهندسة الميكانيك لي توسعات ونجحات فهاد المجال 

سيف الدين بناني فعمره 29 سنة ولكن الخبرة ديال ستين سنة من اصول مغربية تولد فالمغرب وكمل دراسة ديال من بعد الباكالوريا فالمانيا واستقر تماك طور راسو براسو وطور حتى عائلتو ودار ليهم المكانة فالبلاد وكبر السمعة ديالهم الطب كان من طموحاتو وهو صغير وتكرفص وضمر حتى وصل لداكشي لي بغا من بعد 12 سنة ديال لقراية والخدمة قدر يأسس راسو فتح اكبر المستشفيات الجامعية فمختلف الدول ودبا كايعمل على المستشفى الجامعي لي باغي يبنيه فالرباط ولي غادي يكون من احسن واكبر المستشفيات فقارة افريقا كاملة 

سيف نقدرو نكولو خدا كاع معايير ديال الرجال ...الاخلاق والحنية والجمال و الاداب والتربية الحسنة .....لبنات كيحماقو عليه وشحال من شركة طلبات منو يكون هو الوجه ديال المجلة ديالهم وشحال من مخرجين طلبو منو يكون هو البطل ديال فيلم او مسلسل هادشي كامل رفضو حيت هو الميول ديالو للطب فقط .... 

هو انسان هادئ ماكيعجبوش الصداع او نقدرو نقولو هو كيحاول يتفادى صداع ... قلبو حنين بزاااف مع لي كيبغي شخص ضحوكي ومرح بزااف  وكايعجبو المغامرات كايكره التصنع وكايبغي الانسان يعيش على طبيعتو هو متخلق بزاااف اخلاقو عالية وكايحترم المراة بزااف 

الجمال ديالو ساحر عينيه فالازرق الفاتح لي كايميلو للرمادي وشعرو فالاكحل ورطب ونازل لي على عينيه ولحية خفيفة مزينة وجهو لبيض والمنور بسباب الصلاة وقرب ديالو من الله جسمو مفورمي وعندو عضلات الحاصول كيما قلت قبل السيد واخد كاععع مواصفات الرجل لي كاتمناه اي بنت ولي نادرا فين تلقاهم فهاد الزمان لي كثرو فيه الذكور وقلالو فيه الرجال 

                                                                                            سيف الدين