توقفنا عندما أمسكت جودي بالرجل
جودي : آه فخ يا حلو ولا أقولك يامحمود .....امسكوه
تجمع العديد من الرجال حول محمود وحاولوا ضربه وربطه بالسلاسل لكن محمود بدأ يقاتلهم ويدافع عن نفسه ويضرب كل من يأتي إليه
جودي بنظرة بها بعض ملل : لازم أعمل كل حاجة بنفسي ناس ملهاش لازم
قامت جودي بضرب محمود في معدته وقالت : كفاية لعب مع الأطفال خلينا نلعب أنا وأنت
محمود : بس كده عيوني ليكي
بدأ الضربة الأولي من جودي وهي تضربه في وجهه لكن محمود مسك يدها ولفها خلف ظهرها وقال : شكلك نسيتي إني من المخابرات يعني أقدر أضرب وأدافع عن نفسي كويس
قامت جودي بضرب محمود برأسها في وجهه وبعدها علي قدمه فيرجع للخلف ويفك حصارها
جودي : وشكلك أنت كمان نسيت اني كنت من أمهر الجواسيس
بعدها تجمع بعض الرجال حوله وقيضوه بالسلاسل
جودي : علي فكرة يا محمود أنت مقاتل كويس جداً ومحترف كمان بس هموت وأعرف ..... الزعيم عمره ما هيبطل حركاته دي مش لازم يعني يخلي حد من رجاله في عصابتي بس أعتقد إنه عمره ما هيبطل الحركة دي صح ...... أنا هخليه يبطل ..... هاتوه وتعالوا ورايا
أخذ الرجال محمود وخرجوا من مقر جودي وذهبوا إلي مبني سكني آخر بعيد عن الناس وبعدها قاموا بربط محمود بالسلاسل وجلسوا يضربوه بالكرباج
محمود : أنتي بتعملي كده ليه
جودي : مش شغلك ده ..... اضربوا جامد مش سامعة صوته ...... صوته مش واصل لودني ...... لو ضربة كمان جات عليه ومسمعتش صوته وصوت الضربة مع بعض هخليكم مكانه يا شوية أغبية
دخل رجل الغرفة الموجودة بها جودي
الرجل : يا رئيسة القائد عايزك
جودي : جاية ..... محدش يلمسه لحد ما اجي
خرجت جودي مع الرجل وذهبوا إلي الغرفة الرئيسية
جودي : أفتح المكالمة وبرة
الرجل : حاضر
جودي : أهلا بالقائد ..... الخطة نجحت ومسكت الجاسوس ودلوقتي بلعب معاه
القائد : برافوا يا جودي كنت ناوي اجي اجيبه بنفسي واقتلكم كلكم بس أنتي منعتي ده لو بس بتنفذي كل حاجة اطلبها منك كان كل حاجة هتكون أحسن
جودي : بعمل كل إللي أقدر عليه يا قائد
القائد : ماشي يا جودي دلوقتي استريحوا كلكم ....دلوقتي عايز اعرف عملتي إيه مع ميرة
جودي : قتلتها ..... وأنا بهرب هي جرت ورايا بس بسبب الدخان مشفتهاش لكن لما لحظت خيالها ضربت عليها النار
القائد : يعني هي ماتت ولا عايشة
جودي : مش عارفه يا قائد بس أنا موقفة ناس علي المدرسة لو عايشة كلها كام يوم وترجع ولو مرجعتش تبقي هي ماتت
القائد : خلاص وأنا وخطتي هننتظر شوية ..... سلام يا جودي
جودي : سلام يا قائد
واغلق القائد الخط
جودي : يا تري القائد بيفكر في إيه وعايز يعمل إيه بالرجال إللي هجيبهم جديد ...... أكيد فيه خطة قوية هتهز المخابرات المصرية كلها
في بيت ميرة
أحمد : خلصي عايز الأكل
ميرة : لسه بطبخ
أحمد : مكنش طاجن بسلة ومكرونة اسباجتي ومكرونة بشاميل علشان تتأخري كل ده
ميرة : هموت وافهم هتاكل كل ده إزاي وغير كده دول علشان اعملهم بياخدوا وقت طويل فاهدى شوية
أحمد : فاضلك قد إيه
ميرة : المكرونة هتطيب أهي وبكده هكون خلصت
أحمد : غلط كده تكوني خلصتي الغداء لسه فاضل الشاي وكيكة وبسبوسة يا بسبوستي
ميرة : أنت بتهزر صح ....... أنت عايزني أعمل كل ده كنت أنا الخدامة الفلبية إللي جابها أبوك ولا إيه
أحمد : لا مش الخدامة الفلبية بس أنتي الخدامة بتاعتي من الساعة 12 الظهر من النهاردة للساعة 12 الظهر بكرة واي حاجة اطلبها تتنفذ
ميرة : أنت متقدرش تعمل كده معايا
أحمد : للأسف أنا عملت وأنا أقدر أعمل إللي أنا عايزه ده التحدي إللي كان بيني وبينك يا ميرو وأي حاجة أنا عايزها هتعمليها لحد ما الوقت يخلص
ميرة بغضب شديد مكتوم بداخلها : حاضر يا أحمد .... بس والله لا اردهالك واعلمك إزاي تعمل معايا كده
أحمد : هههههههه هنشوف يا بسبوستي ..... دلوقتي حطي الأكل وتعالي يلا
بعد عشر دقائق انتهت ميرة من تجهيز الأكل ووضعته علي الطاولة وبعدها جلس أحمد علي أحد الكراسي وقال : ميرة تعالي اقعدي هنا وحطي الأكل ليا يلا .... وقبل ما ترفضي إللي أنا أقوله يتنفذ
ميرة : حاضر
جلست ميرة بجانب أحمد وفعلت كما أمرها أحمد وبعدها قطع أحمد قطعة من المكرونه ووضعها أمام فم ميرة نظرت ميرة إلي يد أحمد ثم نظرت إلي عينيه
أحمد بصوت ملئ بالهدوء والحب : أنتي عملتي الأكل والريحة جميلة جدا بس انتي لازم تأكلي علشان إصابتك أنا مش بعرف أعمل كل الأكل بس حاجات بسيطة ..... يمكن كان لازم أحضرهم واسيبك ترتاحي بس مقدرش محاربش فيكي واتشاكل معاكي بفرح جدا لما أعمل كده أنا عايزة اقولك إني .....
استيقظت ميرة علي صوت أحمد وهو يقول : ميرة .... ميرة إيه رحتي فين
ميرة : نعم ..... بتقول إيه
أحمد : بقول إيه ؟!! ...... أنتي رحتي فين
ميرة بعد ثواني عديدة عرفت أنها كانت تتخيل فاستأذنت من أحمد ودخلت غرفتها دخلت ميرة إلي غرفتها وأغلقت الباب ووقفت معطية ظهرها للباب وجلست علي الأرض متكئة عليه
ميرة : إزاي أنا أفكر فيه كده ..... هو بيكرهني وانا بكرهه وكل إللي بينا إننا زملاء في الوكالة بس مش لازم أفكر في كده كل إللي افكر فيه أنه بلدي دلوقتي في خطر ولازم أدافع عنها ..... أما أحمد فهو زميل ليا وخلاص والأحلام الوردية دي مش لازم تتكرر تاني وبعد قليل من الوقت نامت ميرة مكانها
في ذلك الوقت في المقر السري لجودي
محمود بضعف : مية .... مية
أحد الرجال : بصوا شوفوا مين صحي العميل محمود بنفسه صحي من نومه
محمود : مية ...... عايز مية
الرجل : توتوتوتو ...... مسكين أوي
رجل آخر : أبعد عنه أحسن علشان هو شخص خطير ومينفعش نقرب منه متنساش إنه الرئيسة حذرتنا منه ومن ألاعيبه وأعرف إنه لو هرب بسببك الرئيسة هتقتلنا أنا وأنت ومش لوحدنا هتقتلنا كلنا
الرجل : مش هيقدر يعمل حاجة إحنا موتنا واحنا بنضربه أكيد جسمه كله هلكان دلوقتي ميقدرش يعمل أي حاجة
اقترب الرجل من محمود ومسكه من شعره ورفع رأسه لاعلي وقال : شوفتوا مش هيقدر يعمل أي حاجة ثم عاود النظر إلي محمود مرة أخري وقال : عميل محمود قولهم تقدر تعمل فيا إيه وأنت كده بص يا حضرة الجاسوس المفتاح بتاع كل قيودك أهو لو عرفت توصله خده ..... أهو امسكه .... هههههههه مش هتعرف عارف ليه لأنك دلوقتي عاجز
محمود : مش بتقول عليا عاجز أنا هوريك هعمل فيك إيه
هنا بصق محمود في وجه الرجل ثم مسكه بقدميه وأخذ المفتاح والرجل يرقد بلا حركة وقف جميع الرجال مصدومين مما حصل وبدأو يقتربون من زميلهم فوجدوا في حلقه شىء حاد وخلال ثواني وجدوا محمود يفك قيده ويقف أمامهم
محمود : كان معاها حق لما حذرتكم مني دلوقتي هقولك حذرتكم ليه
بدأ محمود يقاتلهم جميعاً واحداً تلو الآخر ويقضي عليهم ثم هرب من المكان سريعاً وعندما خرج وجد سيارة أمامه فصعد بها وقاد السائق سريعاً جداً
في بيت ميرة
أحمد : ميرة ..... ميرة ..... افتحي الباب
استيقظت ميرة علي صوت أحمد
ميرة : حاضر هفتح أهو ..... هي الشقة ضالمة ليه
أحمد : تقريباً فيه مشكلة في القاطع ..... هو فين علشان اصلحه
ميرة : تحت في المقر هتلاقيه بجانب غرفة التدريب الرقمي
أحمد : خمس دقائق وجاي ..... والزعيم هيجي في أي وقت
ميرة : تمام
ذهب أحمد ليصلح القاطع وميرة ذهبت لتأخذ دش وعندما انتهت تذكرت أنها نسيت أن تأخذ ثيابها فلفت المنشفة حولها وخرجت ما أن خرجت حتي وجدت شخص ارتطمت بصدره العريض
ميرة : أحمد مصلحتش النور ليه
أحمد : أنا جيت ...... ميرررررررررة
أنتهي البارت
