توقفنا عندما دخلت المديرة
ميرة : يا طلاب قيام
المديرة : جلوس .... يا طلاب أحب اقدم لكم الموجهة جودي حضرتها موجهة فيزياء وجاية تشوف مستوي الفصل .... آنسة جودي اتفضلي
جودي : صباح الخير
ميرة : صباح النور يا أستاذة جودي
( ميرة لا تعرف شكل جودي فقط تعرف إسمها)
جودي : صباح الخير يا طلاب أخباركم إيه
الطلاب : كويسين يا أبلة
جودي : وصلنا من الإدارة إنه أنتو أفضل طلاب موجودين في المدرسة بعد ما الأستاذة ميرة دخلت عندكم وطلبت تدرسلكم كل المواد
ميرة : يا أستاذة أنا مليش فضل ده هما طلاب أذكياء وعايزين بس حد يركز معاهم ويخليهم يذاكروا وأنا عملت كده علشان هما فعلا شطار ودماغهم لما بتشتغل بتعمل حاجات حلوة اوي
جودي : تمام يا أستاذة .... أقدر امتحن طلابك صح
ميرة : أكيد اتفضلي
جودي اختارت آية بنت الوزير
جودي : أنتي أسمك إيه
آية : أسمي آية
جودي : طب يا آية قولي لي إيه إللي هيحصل لو فيه ميل بزاوية 30 درجة مع المستوي الأفقي إيه إللي بيحصل للسرعة أو بتكون قيمتها قد إيه
( أنا عقدتي الرياضة والفيزياء 😂😂)
آية : بتجيب السرعة من قانون جا وجتا الزاوية يا أبلة جودي
جودي : برافوا يا آية اتفضلي اقعدي
صفرت ساعة جودي وبعدها اقتربت من ميرة وقالت : فشلتي في مهمتك يا ميرة كان لازم تعرفي شكلي إيه قبل ما تقبلي المهمة
وبعدها رمت جودي كيس في الهواء وضربت رصاصتين وخرجت من الفصل
ميرة : يا طلاب أنتو كويسين كلكم موجودين وكويسين
الطلاب : أيوة يا أبلة
ميرة : آية سامعاني
آية : أيوة يا أبلة ميرة أنا كويسة
ميرة : كلكم خليكم هنا وأنا شوية وراجعة
ميرة : الو الو أحمد سامعني ..... أحمد
أحمد : أيوة سامعك
ميرة : أنت فين أنت شوفت إللي حصل
أحمد : لا مشوفتش علشان أنا انكشفت وكان ممكن أموت بس الشخص إللي كان واقف ساعته عملت صوت فهرب علي طول
بعدها انقطع الاتصال
أحمد : ميرة .... ميرة أنتي فين
أحمد في نفسه : أعتقد تم كشفها أو في حد قدامها أو جنبها
بعد عدة دقائق قليلة
ميرة : أحمد
أحمد : أيوة يا ميرة كنتي فين
ميرة : مفيش وقت لازم اطلع المدرسة كلها برة
أحمد : إزاي العدد كبير
ميرة : بص مسدس الراجل لسه موجود
أحمد : أيوة لسه موجود
ميرة : فيه في الدور اللي قبل الأخير علامة حمراء صح
أحمد : هشوف إزاي
ميرة : يا أحمد شوفه بالمسدس إللي معاك مش أنت بتعرف تصوب
أحمد : أيوة لونها أحمر لقتها
ميرة : دلوقتي اضرب عليها
أحمد : هتستفادي إيه
ميرة بصوت عالي : نفذ مفيش وقت
ضرب أحمد العلامة وبعدها أنطلق الإنذار وجرت كل المدرسة إلي الخارج خلال خمس دقائق وابتعدت عن المدرسة قليلاً وفي الدقيقة السابعة انفجرت المدرسة
أحمد : ميرة المدرسة كان فيها قنبلة
ميرة : أيوة شايفة بنفسي والله
أحمد : ماشي أنتي فين
ميرة : أنا طالعة ليك حالا ..... أنا وراك
أحمد جري علي ميرة وحضنها فاقتربت ميرة من أحمد وقالت : الحقني ..... الرصاصة
أحمد : ميرة .... أنتي كويسة ..... ميرة
ابتعد أحمد عن ميرة وجدها فاقدة الوعي وفي جنبها دم
أحمد : ميرة ..... ميرة ..... اصحي طب هعمل ايه دلوقتي مقدرش أروح بيها أي مستشفى ...... هروح بيتها أكيد في حاجة هناك أقدر اساعدها بيها
حملها أحمد بين ذراعيها وأخذ سيارتها وذهب إلي منزلها وعندما وصل حملها وأخذها إلي غرفتها وحاول جعلها تستيقظ أخذ الماء وبدأ يرميه علي وجهها
أحمد : ميرة ..... ميرة اصحي ساعديني علشان أقدر أساعدك فين علبة الاسعافات ميرة ..... ميرة أصحي
ميرة بأنفاس متقطعة : هناك واشارت بإصبعها إلي الدولاب ذهب أحمد إلي الدولاب وأخرج علبة الاسعافات وذهب إلي المطبخ وحمل سكين وسخنها وذهب إلي ميرة وقال : ميرة أوعدك مش هشوف حاجة من جسمك بس لازم علشان اعرف أنقذك رفع أحمد بلوزة ميرة حتي أعلي بطنها وبعدها أحضر السكينة وملقاط ووضع السكينة علي الجرح وقرب الملقاط منها وما أن وضع السكينة صرخت ميرة بأعلي صوتها وبعد دقيقة واحدة أخرج احمد الرصاصة من جسم ميرة وضمد جرحها ثم ذهب إلي غرفته وأخذ بعض الملابس وذهب يستحم وبعدها رن االزعيم عليه
أحمد : أيوة يا زعيم إيه الأخبار
الزعيم : أحمد هتأخر النهاردة مش هعرف اجي هاجي بكرة ...... صالحت ميرة ولا لا يا أحمد
أحمد : بعدين يا زعيم
الزعيم : طب هي كويسة دلوقتي بما إنك دلوقتي في الصالة يبقي طلعت الرصاصة
أحمد : زعيم مش هتبطل عادة الكاميرات دي أبدا الزعيم : هبطلها لما أنت تتقاعد يا أحمد
أحمد : يبقي عمرك يا زعيم
الزعيم : هههههههه خلي بالك من ميرة يا أحمد ميرة بنت طيبة
أحمد : حاضر يا بوس
الزعيم : متنساش تصالحها
أحمد : حاضر .... سلام يا زعيم
الزعيم : سلام
أحمد : سلام يا زعيم
بعد نصف ساعة ذهب أحمد ليطمئن علي ميرة دخل إلي غرفتها وعندما اقترب منها وجد وجهها احمر فوضع يده علي رأسها وجد حرارتها مرتفعة جداً أنتهي البارت
