توقفنا عندما صدر صوت خلف ميرة وأحمد
الزعيم: إيه إللي بيحصل هنا
ما أن سمع أحمد وميرة الصوت حتي ابتعدا عن بعضهما واعتدلا في وقفتهما
الزعيم : أحمد إيه إللي كان بيحصل ده ...... عايز تفسير حالاً
أحمد : زعيم كنا بنتعارك
الزعيم : كنتوا بتتعركوا اومال لو كنتو بتبوسوا بعض كنتو هتكونوا واقفين إزاي
ميرة : آسفة زعيم بس احمد كان رافض أني أنزل ادرب علشان إصابتي بس أنا عاندت وكان ماسكني كده علشان كنت راحة اضربه بالبوكس في وجهه
الزعيم : تمام يا ميرة .... دلوقتي لازم ترتاحي بس الأول عالجي جرحك علشان بينزف
أحمد : فين ده وريني كده ..... فعلاً بينزف
الزعيم : أحمد ....... خدها عالجها وبعدها تعالوا أنتو الاثنين عايزكم
أحمد وميرة : حاضر زعيم
وبعدها ذهب الزعيم الي المخبأ
ميرة : كان لازم يعني تجرب شعورهم دلوقتي ومعايا وغير كده أنت إزاي تتجرأ تقرب مني بالطريقة دي
أحمد : اتجرأت وقربت ...... وغير كده ملحظتش منك اي مقاومة لما قربت منك ده معناه إيه يا ميرة
ميرة : معناه ؟؟!!
اقترب أحمد من ميرة وهو يقول : أيوة معناه ايه يا ميرة ..... قولي معناه ايه؟
أحمد يقترب وميرة ترجع للوراء
أحمد : معناه إيه ميرة
ميرة : معناه إنه
انخبطت ميرة في الجدار وأحمد قريب جداً منها
أحمد : أيوة معناه إنه إيه ميرة
ميرة : معناه إنه
الزعيم من خلفهما : أنا قلت عالجها مش بوسها يا أحمد
أحمد بارتباك : بوس أصل
الزعيم : عشر دقائق يا أحمد ..... وأبعد عن ميرة شوية يا ريت يعني
أحمد : حاضر زعيم
ذهب الزعيم إلي المخبأ مرة أخرى منتظراً عودتهما
ميرة : هتتفضل ولا ناوي تفضل مكانك شوية وتقرب تاني والزعيم يجي يهزقك
أحمد : وأنتي مش هتزهقيني أنتي كمان
ميرة : أحمد عايزة اقولك حاجه
أحمد : إيه
ميرة : قرب شوية
أحمد : حاضر
ميرة : أقرب .... أقرب أيوة كده
أحمد : عايزه تقولي ايه
ميرة اقتربت من أذن أحمد وقالت : عايزة أقولك إياك تقرب مني تاني وقامت ميرة في تلك اللحظة بضرب أحمد بالبوكس في بطنه
ميرة : دي علشان تبقي تقرب مني تاني ..... دقيقتين وتعالي علشان نخلص كان يوم مهبب يوم ما طلعت وراها دلوقتي أنا تحت رحمتك فخلص يلا
أحمد بشر : يلا يا ميرة
ذهب أحمد إلي غرفة ميرة وعقم جرحها وعالجها وبعدها طلبت ميرة منه الذهاب وهي ستغير ثيابها وتأتي خلفه فذهب أحمد إلي الزعيم
أحمد : أيوة زعيم
الزعيم : ميرة فين
أحمد : بتغير هدومها
الزعيم : طب ماشي دلوقتي هنستناها ولحد ما تيجي عايز تفسير منك عن إللي أنا شوفته من وقت ما رجعت
أحمد : في الحقيقة يا زعيم ......... وحكي أحمد ما حصل
أحمد : والله يا زعيم هو ده إللي حصل بجد
الزعيم : بس علي فكرة تستاهل البوكس
أحمد : تمام يا زعيم خليك فاكرها
الزعيم : هههههههه حاضر هفضل فاكر كل حاجة
الزعيم في نفسه : حتي إللي شفته النهاردة مش هنساه لأنه الإعجاب إللي شايفه بينكم ده لازم ميتحولش لحب لأنه مينفعش أنتو الاثنين تستقيلوا تحت أي ظرف أنتو من أفضل العملاء عندنا مقدرش اخليكم تستقيلوا أبدا مهما يحصل بس مقدرش أفرق بينكم هعمل ايه يا ربي
أحمد : زعيم ..... زعيم
الزعيم : أيوة فيه إيه
أحمد : أنت إللي فيه إيه مش مركز معايا ليه
الزعيم : لا أنا معاك
ميرة : آسفة علي التأخير زعيم
الزعيم : مفيش مشكلة ميرة ...... أخرج الزعيم ملفاً ........ اتفضلوا
أحمد : إيه ده يا زعيم
الزعيم : ده ملف فيه كل المعلومات عن جودي إللي هي أطلقت عليكي النار وكمان صور ليها علشان أعتقد محدش فيكم يعرف شكلها
أحمد : تمام يا زعيم
الزعيم : اعملوا حسابكم علي سفرية بعد القبض علي جودي أو قتلها
أحمد : أيوة بقي ..... فين يا زعيم
الزعيم : هتعرفوا بعد ما تخلص المهمة
ميرة : اوكيه زعيم
الزعيم : ادرسوا الملف ده وبعدها نشوف هيحصل ايه
في مقر جودي
جودي : أنت غبي ..... ما دام هو معاك وتحت ايدك كنت اقتله ..... ليه مقتلتهوش
الرجل : أنتي قلتلي مقتلش حد وأول ما الساعة تعمل صوت اسيب كل حاجة وامشي مهما كان إللي بيحصل
جودي : أنت تعرف أنه كان معاك أفضل عميل موجود في المخابرات المصرية كلها وبغباءك ده ضيعته من إيدك ...... أغبياء أنا شغال معايا شوية أغبياء
أحد الرجال : يا رئيسة القائد عايز يكلمك
جودي : أفتح المكالمة والكل يطلع برة
القائد : المهمة فشلت ليه جودي
جودي : آسفة يا قائد بس الاغبياء دول السبب في فشل المهمة
القائد : مش دول السبب بس يا جودي أنتي كمان السبب ...... أيوة أنتي متستغربيش بسبب غباءك وغرورك قلتي لميرة علي الخطة كلها كنتي قولي بالمرة أنا مين واكشفيني
جودي : آسفة يا قائد أوعدك متتكررش
القائد : مش لازم تتكرر أصلا
جودي : أكيد يا قائد
القائد : دلوقتي مفيش أي حاجة علشان تعمليها .....بس أعملي حسابك إنه المهمة الجاية صعبة ومحتاجة رجالة كتير
جودي : حاضر يا قائد هجهز كل حاجة
القائد : تمام سلام ..... بس الأول
جودي : نعم يا قائد
القائد : فيه جاسوس عندكم هنا معرفش مين مهمتك إنك تعرفيه لوحدك
جودي : ازاي يا قائد
القائد : هقولك .......
أنتهي البارت
