السجين

بارت 9

#السجين

بعدك
ما بنيَّت لغيّرَك أحلام
وَلا لعيّونهُم مَشيّت الأيام
وگف ميلي برَحيّلَك
صارله أعوّام
ويلّوُموني
وآنة بيّا حآل و أنلّام

        
        ----------------------------------------
                     بعد مرور 8 اشهر

حبيتهه وتزوجتهه وعشت وياهه اجمل ايام حياتي. نستني العالم بحيث اطلع لشارع اريد بس ارجع حته اشوفه ....

وره زواجنه صارت مشاكل بيناتنه لكن طول هاي الفتره اني مامديت ايدي عليه رغم اني كلش عصبي ودمي يفور. بسرعه  وهيه لسان وترادد واذا حجت ماتكست لكن كلبه ابيض وحنينه وبسرعه ترضه وابد مشيل حقد بكلبه.

جنه بيومه مزاعلين عله روحه لاهله رادت تروح واني ماخليته وهيه زعلت. ...
وجان باقي عن عيد الحب يومين
فكلت لازم اصالحه بأي طريقه اعتذرت منه بس هيه تبيع ثكل 😂

رحت جبتله حلويات وجبلته ورد
خليتهم بسياره وقفلت عليهم ودخلت للبيت لكيتهه جاي تغسل بزوالي بطارمه هيه وزهراء..
لابسه دشداشه قصيره ورجليه مثل ثلج ورافعه شعرهه
هيه كل يوم قبل لااجي ماتخليني اشوفه بهيج وضعيه ترتب نفسه وماجان وقتي هذه حته ارجع بي بس رجعت حته ارضيه لان كلبي مايرتاح اخليه زعلانه...

قمر : اجيت
زين : لابعدني امشي براس شارع
زهراء :هههههههههه اذا وصلت اتصل علينه حته نطلعلك
زين : هههههههه
قمر : ماكو شي يضحك
بس سئلت لان مو بلعاده تجي بهذه الوقت
زين : رجعت يعني ارجع ومن يصير الوقت اجي للبيت
قمر : لا موهيج
زين : هاا يعني قصدج غير مرحب بيه منا لحد ماترضين
قمر : لااا اهلا وسهلا

-- رادت تروح وصحت وراهه

زين : شنو ماكو الله يساعدك
قمر : الله يساعدك (نسيت)
زين : ويساعدج
عفته وصعدت كبل للغرفه ضجت كلش ونرفزتني
بدلت ونزلت لكيت محد بصاله بس امي وتريد تروح لبيت عمي وزهراء وقمر يغسلون برا وعصام بشغل ومرته تطبخ وجهال تلعب
اما علي وسماح راحو سفره سياحيه سوه
ضليت العب بموبايلي. لفتره غير محدده لان طولت

قمر : زين
زين : عمري
قمر : تعال تعشه
زين : شنو عشانه
قمر : القاسمه الله
زين : ادري القاسمه الله شنوو
قمر : تمن ومركه
زين : ماريد
قمر : ليش
زين : ماريد تعشو انتو
قمر : شنو ماعجبك الاكل
زين : كلت ماريد ماكتلج ماعجبني
قمر : اي بس بلاول سئلت عنه
زين : باباتي روحي تعشي ماريد حجي زايد
قمر : هااا
زين : والله
قمر : سؤال
زين : جواب
قمر : انته ملاحظ نفسك. لازم موبايلك من اجيت لسه
زين : اي ملاحظ نفسي ليش
قمر : ماكو شي بس خفف
زين : احجيلج وياا

باوعتلي وراحت..
من نوع الي مايحب الموبايل. هيه تريده بس للاتصالات ماتريد لا لعب ولا مراسلات وهاي بطرانه 😂

لليل صعدت لغرفتي ولكيته تمشط بشعره. وذكرت الورد والحلويات لان طارن من راسي 😂 رحت اجيبهم لكيت الورد ذابل عفته واخذت لحلويات وكلت استغل  الفرصه
دخلت للغرفه ولكيته مطفيه الكلوب ونايمه.
شغلته وكتله حبيبتي كومي احجي وياج
قمر : صامت-------------
زين : قمر
قمورتي
حبيبتي
روحي مو احجي وياج شبيج
(صحت بصوت عالي عليه)
زين : قمررر
قمر : هاااا هاااا هااا
زين : وجعاا مو احجي وياج
قمر : شتريد
زين : اريدج
قمر : تمام
زين : قمر اسف يروحي بس جان كل قصدي انو ماريدج تبتعدين عني لان اشتاقلج والله
قمر : تمام
زين : لا سوين تمام. وهسوالف احنه مامتعودين هيج نضل زعلنه اذا يطول كله نص ساعه عركه ونص ساعه زعل ونرجع نتراضه.
قمر : مازعلانه اني
زين : احلفي
قمر : والله مازعلانه اساسن راح بيومه والله بس انته ضوجتني لعصر
زين : بشنو
قمر : ها وانته ماتعرف شنو ضوجني عله اساس
زين : هههههههه الموبايل
قمر : اممم
زين : هههههههههه. تغارين من مسلسل
قمر : صدكت جنت تباوع مسلسل
زين : هههههههه لج والله اباوع مسلسل وحتلو مو مسلسل يعني ااحجي وي غيرج؟
الله يوكف نبضات كلبي اذا نبض لغيرج
قمر : اسم الله حبيبي الله يسلم كلبك
زين : انتي كلبي
امممححح
حضنته حيل ورتاح كلبي حسيت بحرارة حضنه. وكأنو اني بحضن امي غافي.
زين : ياريت اعيش كل عمري بحضنج
قمر : هههههههههه
زين : اروح فدوه لضحكتج
يلا نامي يروحي وراج دوام
قمر : وانته
زين : اني هم راح انام لاتخافين
قمر : ههههههه تمام
زين : يلا تعالي
خلت راسه عله صدري ولفيته بين ديه وضليت العب بشعره الحرير